Hariye idu Sariye

Composer : Shri Narahari Teertharu

ಹರಿಯೇ ಇದು ಸರಿಯೇ
ಚರಣ ಸೇವಕನಲ್ಲಿ ಕರುಣೆ ಬಾರದ್ಯಾಕೆ ||ಪ||

ಪತಿತನೆಂದು ಶ್ರೀಪತಿ ರಕ್ಷಿಸದಿರೆ
ವಿತತವಾಹುದೆ ನಿನ್ನ ಪತಿತ ಪಾವನ ಕೀರ್ತಿ |
ಶಕ್ತ ನೀನಾಗಿದ್ದು ಭಕ್ತನುಪೇಕ್ಷಿಸೆ
ಭಕ್ತ ವತ್ಸಲ ನಾಮ ವ್ಯರ್ಥವಾಗದೆ ||೧||

ದಿಗಿಲಿಲ್ಲದೆ ಒದ್ದ ಭೃಗುವ ಪಾಲಿಸಿದೆ
ನಗಧರ ಎನ್ನ ಬಿಡುವ ಬಗೆ ಏನಿದು |
ಹೇಯ ಅಜಾಮಿಳನ ಕಾಯಲಿಲ್ಲೆ ಸ್ವ
ಕೀಯನೆ ನಾ ಪರಕೀಯನೆ ನಿನಗೆ ||೨||

ಉಂಟು ಹಿರಣ್ಯಕನ ಕಂಟಕ ಬಿಡಿಸಿದ್ದು
ನೆಂಟನೆ ನಿನಗೆ ಬಂಟ ನಾನಲ್ಲವೆ |
ಕೆಟ್ಟ ಅಹಲ್ಯೆಯ ದಿಟ್ಟ ಪಾಲಿಸಿದೆ
ಕೊಟ್ಟದ್ದು ಅವಳೇನು ಬಿಟ್ಟದ್ದು ನಾನೇನು ||೩||

ದೊರೆ ನಿನ್ನ ಮನಸಿಗೆ ಸರಿ ಬಂದಂತೆ ಮಾಡು
ಮೊರೆ ಹೊಕ್ಕೆನು ನಾ ನರಹರಿ ಪೂರ್ಣನೆ ||೪||

---

hariyE idu sariyE
caraNa sEvakanalli karuNe bAradyAke ||pa||

patitaneMdu SrIpati rakShisadire
vitatavAhude ninna patita pAvana kIrti |
Sakta nInAgiddu BaktanupEkShise
Bakta vatsala nAma vyarthavAgade ||1||

digilillade odda BRuguva pAliside
nagadhara enna biDuva bage Enidu |
hEya ajAmiLana kAyalille sva
kIyane nA parakIyane ninage ||2||

uMTu hiraNyakana kaMTaka biDisiddu
neMTane ninage baMTa nAnallave |
keTTa ahalyeya diTTa pAliside
koTTaddu avaLEnu biTTaddu nAnEnu ||3||

dore ninna manasige sari baMdaMte mADu
more hokkenu nA narahari pUrNane ||4||