Composer : Shri Gorebala Hanumantharayaru
ಶ್ರೀ ಸುಂದರವಿಟ್ಠಲ ದಾಸಾರ್ಯ ವಿರಚಿತ
(ಶ್ರೀ ಗೊರಾಬಾಳ ಹನುಮಂತರಾಯರು)
ಶ್ರೀಹನುಮದ್ವ್ರತ ಕಥಾ ಸುಳಾದಿ
ರಾಗ: ಕಾಪಿ
ಧ್ರುವತಾಳ
ವ್ರತವೆ ಉತ್ತಮ ವ್ರತವೆಂದು ಪೇಳಿಹರು
ಅತುಳ ಜ್ಞಾನನಿಧಿ ವಿಜಯಾಖ್ಯ ಗುರುಗಳು
ಸತತ ಅಧ್ಯಾತುಮ ಅನಂತ ವ್ರತವೆಂದು
ಕ್ಷಿತಿಯೊಳು ಈ ವ್ರತಕೆ ಸರಿಗಾಣೆನೊ
ಪತಿತ ಮಾನವರ ಉದ್ಧಾರಗೋಸುಗವಾಗಿ
ದ್ವಿತಿಯ ಉತ್ತಮ ವ್ರತವು ಹನುಮದ್ವ್ರತವೊ
ಯತನ ಜ್ಞಾನೇಚ್ಛಾ ಶಕ್ತ್ಯಾದಿಗಳಿಗೆ ನಿರುತ
ಜತೆಯಾಗಿ ಕಾರ್ಯ ಮಾಳ್ಪ ಜ್ಞಾನಾಖ್ಯ ವ್ರತವೊ
ಅತಿಶಯವಾದ ಜ್ಞಾನ ಭಕ್ತಿ ವಿರಕ್ತಿವೀವುದು
ಮತಿವಂತರು ಮನಕೆ ತಂದು ತಿಳಿದು
ಕ್ಷಿತಿಪತಿ ಧರ್ಮರಾಜನೆಸಗಿದ ಮಹಾ ವ್ರತವೊ
ಪತಿಭಕುತಿ ಯುಕುತಳಾದ ದ್ರೌಪದಿಯೂ
ಪತಿ ಮೂರ್ಲೋಕದ ಶ್ರೀಕೃಷ್ಣನುಪದೇಶದಂತ್ಯೆ
ಮಿತ ಜ್ಞಾನದಿಂದ ಚರಿತ ವ್ರತವೊ
ಹಿತವಂತ ಹನುಮಂತ ಪಿತ ರಾಮನಿಗೆ ಪೇಳೆ ಅ –
ಚ್ಯುತನಾದ ರಾಮನು ಮತಿವಾನ್ ಹನು –
ಮಂತನ ಭಕುತಿಗೆ ವೊಲಿದು ಮಾಡ್ದ ವ್ರತವೊ
ಸತತ ಸೂತರು ಶೌನಕಾದ್ಯರಿಗಿದರ ಮಹಿಮೆ
ಮಿತಿ ಇಲ್ಲದೇ ಪೇಳಿ ಮಾಡಿಸಿದ ವ್ರತವೊ
ವೃತತಿಜಾಸನ ಪ್ರಿಯ ಸುತ ಸುಂದರವಿಟ್ಠಲನ ಭ –
ಕುತಿ ಜ್ಞಾನವೀವ ಮಹಾಶ್ರೇಷ್ಠ ವ್ರತವೊ || ೧ ||
ಮಟ್ಟತಾಳ
ಜಾನ್ಹವೀ ತೀರದಲಿ ಶೌನಕಾದ್ಯ ಮುನಿಗಳು
ಧ್ಯಾನಿ ಸೂತರ ಕುರಿತು ಸಾನುರಾಗದಿ ನಮಿಸಿ
ಮೇಣು ಭಕುತಿಯಿಂದ ಜ್ಞಾನವಂತರೆ ನಿಮ್ಮಿಂ –
ದಾನೇಕ ವ್ರತಮಹಿಮೆಯಾನು ಕೇಳಿ ನಿತ್ಯ
ಧೇನಿಸುವೆವು ಹರಿಯಾ ಪುನೀತರ ಮಾಡುವಾ
ಕಾಣೋವನ್ಯ ವ್ರತವು ಆವುದು ಪೇಳೆನಲು
ಪ್ರಾಣದ ಪಾವನಿಯ ಪರತರ ಪ್ರಿಯವ್ರತವು
ಸಾನುರಾಗದಿ ನಿತ್ಯ ಶೂದ್ರಾದಿ ನಾಲ್ಕು
ಜಾಣ ವರ್ಣರಿಂದ ಮಾಡ್ವದಕ್ಕೆ ಯೋಗ್ಯವೊ
ಏನು ಬೇಡಿದರೆ ತಡಿಯದೆ ಕೊಡುವುದೊ
ಜ್ಞಾನಿಜನಗಳಿಗೆಲ್ಲ ಮಂಗಳತಮ ವ್ರತವು
ಏನು ಪೇಳಲಿ ಮತ್ತೆ ಆರೋಗ್ಯ ಐಶ್ವರ್ಯ ಪುತ್ರಾದಿಗಳೀವುದು
ಶ್ರೇಣಿ ದಿನಪ್ರತಿದಿನದಲ್ಲಿ ವರವಿದ್ಯ ಪ್ರದವೊ
ಹಾನಿ ಲಾಭಗಳಲ್ಲಿ ಹನುಮಂತನ ನೆನಸೆ
ಮಾನನಿಧಿ ಸುತ ಸುಂದರವಿಟ್ಠಲನ
ಧ್ಯಾನ ಧಾರಣವೀವ ಉತ್ತುಮಾ ಮಹವ್ರತವೊ || ೨ ||
ರೂಪಕತಾಳ
ಒಂದಾನೊಂದು ಸಮಯದಲ್ಲಿ ಶ್ರೀವ್ಯಾಸ ಶಿಷ್ಯ –
ವೃಂದದಿಂದೊಡಗೂಡಿ ಯುಧಿಷ್ಠಿರನ ನೋಡಲು
ಅಂದುಳ್ಳ ದ್ವೈತವನಕೆ ನಡೆತಂದರು ಏನಂಬೆ
ಚಂದಾದ ನಿರ್ವೈರ ಮೃಗವೃಂದಗಳಿಂ ಕೂಡಿರುವ
ಕುಂದ ಮಂದಾರಾದಿ ಪುಷ್ಫ ಫಲ ವೃಕ್ಷಗಳಿಂ ಶೋಭಿಪ
ಕುಂದು ದೂರೋಡಿಸಿದ ಜ್ಞಾನಿಗಳ ಸಮೂಹವು
ಛಂದದಲಿ ಕಾವ್ಯಷಡಂಘ್ರಿ ನಿರತರಾಗಿ
ಮುಂದೆ ಅಧ್ಯಯನ ಶ್ರುತ ಸಂಪನ್ನರಾದವರು
ಒಂದೊಂದು ವೇದ ಋಗು ಯಜುಃಸಾಮಾಥರ್ವಣ
ಒಂದೊಂದು ಶಾಖಾ ಶಾಸ್ತ್ರದಿ ಪ್ರವಚನಾಸಕ್ತರು
ಮಿಂದು ಹರಿಪದಜಲದಿ ಚತುರವೇದ ಘೋಷದಿ
ಸಂದೇಹವಿಲ್ಲದಲೇ ಭಗವದ್ಗೀತಾ ಲೀಲಾ
ಎಂದೆಂಬುವ ಹರಿಕಥಾಮೃತ ಪಾನ ಮಾಡುವ
ಸಂದೋಹ ಮುನಿಗಳಿಗೆ ನಿತ್ಯಾನ್ನ ದಾನವ ಮಾಡಿ
ಬಂಧುಗಳಿಂ ಸಹಿತ ಇರುವ ಯುಧಿಷ್ಠಿರನನ್ನು
ಸುಂದರವಿಟ್ಠಲಾತ್ಮಕ ವ್ಯಾಸದೇವನು
ಅಂದು ದ್ವೈತವನದಲ್ಲಿ ಕೃಪಾದೃಷ್ಟಿಯಿಂದ ನೋಡಿದನು || ೩ ||
ಝಂಪಿತಾಳ
ಕೃಷ್ಣದ್ವೈಪಾಯನಾ ಮುನಿಗಳಾಗಮ ಕೇಳಿ
ಕೃಷ್ಣೆ ಸಹಿತಾ ಅನುಜರೊಡನೆ ಕೂಡಿ
ಜೇಷ್ಠನಾದ ಯುಧಿಷ್ಠಿರನು ತಾ ದೂರ ನಡೆತಂದು ವಾ –
ಸಿಷ್ಠ ಕೃಷ್ಣಗೆ ಸಾಷ್ಟಾಂಗ ಪ್ರಣಾಮಗಳ ಮಾಡಿ ನಿ –
ರ್ದಿಷ್ಟವಾದೇಕಾಂತ ಸ್ಥಳಕೆ ಕರೆತಂದು
ಶ್ರೇಷ್ಠವಾದಾಸನದ ಮೇಲೆ ಕುಳ್ಳಿರಿಸಿ
ಜಿಷ್ಣ್ವಾದಿ ಕೃಷ್ಣೆಯೊಡನೆ ಉತ್ಕೃಷ್ಟ ಪೂಜೆಯ ಮಾಡೆ ಪರ –
ಮೇಷ್ಠಿ ಜನಕನು ತಾನು ತುಷ್ಟನಾಹೆ
ಶಿಷ್ಟಾಚಾರದಂತೆ ಕುಶಲ ಪ್ರಶ್ನೆಯು ಮಾಡ್ದ ನಿ –
ರ್ದುಷ್ಟ ಭೀಮಾರ್ಜುನರೆ ಆಶ್ವಿನಿಯರೇ ಮನ –
ಮುಟ್ಟಿ ಹರಿಪಾದ ಭಜನೆಯ ಮಾಡಿ ಸುಖಿಗಳಾಗಿಹ್ಯರೆ ?
ಧಿಟ್ಟತನದಲೆ ತಪವನೆಸಗಿ ಕಿರೀಟಿಯೂ
ನಿಷ್ಠಿಯಲಿ ಮಹರುದ್ರನೊಲಿಸಿ ಪಾಶುಪತವೆಂಬು –
ತ್ಕೃಷ್ಟಾಸ್ತ್ರ ಸಂಪಾದನೆಯು ಮಾಡಿದದು ಕೇಳಿ
ಹೃಷ್ಟನಾದೆನೊ ನಾನು ನಿಮ್ಮಿಂದಲಿ ಕೂಡಿ
ಕಷ್ಟ ಬಡುತಿರುವ ನಿನ ದುಃಖ ಶಾಂತ್ಯರ್ಥ
ಇಷ್ಟವೀವುದಕಾಗಿ ಬಂದಿಹನು ರಾಜಾ ಯು –
ಧಿಷ್ಠಿರನೆ ಕೇಳುತ್ತುಮ ವ್ರತವು ನಿನಗೋಸುಗ
ಸೃಷ್ಟಿಗೊಡೆಯ ಸುಂದರವಿಟ್ಠಲ ಪೇಳ್ವೆನೆನಲು
ನಿಷ್ಠಿಯಿಂದಲಿ ಧರ್ಮತನಯ ನುಡಿದನು || ೪ ||
ತ್ರಿವಿಡಿತಾಳ
ನಮೊ ನಮೊ ತಾತ ಮಹಾ ಖ್ಯಾತವಂತರೆ ನಿಮಗೆ
ನಮೊ ನಮೊ ನಮೊ ಎಂದು ಬಿನ್ನೈಸುವೆ
ಶ್ರಮ ಪರಿಹರ ವ್ರತವಾವುದದರ ಮಹಿಮೆ
ಸುಮನಸರೊಡೆಯನೆ ಪೇಳಯ್ಯಾ ಜೀಯ್ಯಾ
ಕುಮತಿ ಪರಿಹರಿಸುವ ದೇವತೆ ಆರು ಉ –
ತ್ತುಮ ನಿಯಮ ಆವುದು ಪೂಜಾಕ್ರಮವು
ಶಮೆ ದಮೆವೀವ ನಿಯಮ ತಿಥಿ ಆವುದು
ರಮೆ ರಮಣನೆ ಆವ ಮಾಸದಲಿ ಮಾಡೋದು
ಶಮಲ ವಿವರ್ಜಿತ ವ್ಯಾಸದೇವನೆ ನಿಮ್ಮಾ –
ಗಮನವು ಎಮ್ಮಯ ಕಷ್ಟ ದೂರೋಡಿಸಲು
ಸಮೀಚೀನ ಮತಿಯಿತ್ತು ಭಕ್ತರ ಪಾಲಿಪುದೆನುತ
ಸಮಚಿತ್ತ ಉಳ್ಳ ಮುನಿಗಳ ಕೂಡ ನಮಿಸಲು
ಭ್ರಮಣ ಮತಿಯ ಕಳೆವ ಹನುಮಾನ್ ಹ –
ನುಮನ್ನಾಮ ಪುನಃ ಪುನಃ ಸ್ಮರಿಸಿ ಶ್ರೀವ್ಯಾಸರು
ಅಮಮ ಪೇಳಲೇನೊ ಹನುಮದ್ವ್ರತವೋ
ಧೀಮಂತ ಹನುಮಂತನ ನಾಮೋಚ್ಚಾರಣೆಯಿಂದ
ಸಾಮಸ್ತ ಕಾರ್ಯ ಸಿದ್ಧಿಪದು ಸಂಶಯ ಬ್ಯಾಡಿ
ಆ ಮಹಾ ದುಷ್ಟ ಗ್ರಹೋಚ್ಚಾಟನ ಜ್ವರಾದಿ
ತಾಮಸ ರೋಗ ನಿವಾರಣವಾಗುವದು
ಪ್ರೇಮದಿಂದಲಿ ಕೇಳು ಬಹು ವಾಕ್ಯಗಳಿಂದೇನು ?
ಸೀಮೆಗಾಣದ ಅಭೀಷ್ಟಪ್ರದಾಯಕವೊ
ನೀ ಮರೆಯದಿರು ಹಿಂದೆ ದ್ವಾರಕಿಯಲ್ಲಿ
ಶ್ರೀಮದ್ವಿಷ್ಣುವೆ ಕೃಷ್ಣ ಪಾಂಚಾಲಿಯ ನಿ –
ಸ್ಸೀಮ ಭಕುತಿಗೆ ವೊಲಿದು ಈ ಮಹಾ ಹ –
ನೂಮದ್ವ್ರತವನ್ನು ಉಪದೇಶಿಸಿ
ನೇಮದಿಂದಲೀ ವ್ರತವು ಮಾಡಿಸಿರಲು
ಕಾಮಿತ ಫಲವೀವಾ ವ್ರತದ ಮಹಿಮೆ ಆ
ಸ್ವಾಮಿ ಅನುಗ್ರಹದಿ ಸಂಪದೈಶ್ವರ್ಯಾದಿ
ಆ ಮಹಾ ಸ್ತೋಮಗಳು ಪ್ರಾಪ್ತವಾಗಲು ನಿಮಗೆ
ಈ ಮಹಾ ವ್ರತ ಮಹಿಮೆ ತಿಳಿಯದ ಪಾರ್ಥನು
ಪ್ರೇಮದಿಂ ದ್ರೌಪದಿ ಧರಿಸಿದ ದೋರವ ನೋಡಿ
ಹೇ ಮಹಿಷಿಯೆ ಇದೇನ್ನೆನ್ನಲಾಗಿ
ತಾಮರಸನಯನೆ ಶ್ರೀಹನುಮದ್ದೋರವೆನ್ನೆ
ಆ ಮಹಾ ಐಶ್ವರ್ಯ ಗರ್ವಿಕೆ ಕ್ರೋಧಾದಿ ನಿ –
ಸ್ಸೀಮ ಪರಾಕ್ರಮಿ ನುಡಿದ ಅರ್ಜುನನು
ಕಾಮಿನಿಯೆ ಕೇಳು ಆ ಹನುಮನೆಂಬೊ ಕಪಿ
ನಾ ಮುದದಿ ಧ್ವಜದಲ್ಲಿ ಧರಿಸಿರುವೆನು ಈ
ಮರ್ಮವನು ತಿಳಿಯದೆ ಆ ವನಚರ ಶಾಖಾಮೃಗ
ಕಾಮಿತಫಲ ಕೊಡಬಲ್ಲದೆ ಕೇಳಿನ್ನು
ಪಾಮರ ವ್ರತದಿಂದ ವಂಚಿಸಿದೆಲ್ಲದೇ ನೀನು
ಕಾಮಿಜನರ ತೆರದಿಂದಲಿ ಅರ್ಜುನನು
ಭಾಮೆ ದ್ರೌಪದಿ ಧರಿಸಿದ ತ್ರಯೋದಶ ಗ್ರಂಥಿಯುಕ್ತ
ಆ ಮುದದ ದೋರವನು ಹರಿದು ಬಿಸಾಟಲು
ಹೇಮಾದಿ ಸಕಲ ಸಂಪದೈಶ್ವರ್ಯ ರಾಜ್ಯವು
ಭೂಮಿ ಸಹಿತ ಪ್ರಾಪ್ತವಾದುದೆಲ್ಲ ಪೋಗೆ
ಭ್ರಾಮಕ ಮತಿಯಿಂದ ನೀವುಗಳೀ ಪರಿ
ಶ್ರೀಮದಾಂಧದಿಂದ ಪ್ರಾಪ್ತವ್ಯ ದುಃಖ ಫಲವು
ಸ್ವಾಮಿ ಆಜ್ಞದಿ ಹದಿಮೂರೊರುಷ ಪರಿಯಂತ
ನೇಮಿಸಿದಂತೆ ಅನುಭವಿಸಬೇಕಯ್ಯಾ ಶ್ರೀ –
ರಾಮೆ ಮನೊರಮನು ಇನಿತು ನುಡಿಯೆ
ಸ್ವಾಮಿ ಆಜ್ಞವ ತಿಳಿದ ದ್ರೌಪದಿ ದೇವಿಯು
ಹೇ ಮಹತ್ಮರೆ ಶ್ರೀವ್ಯಾಸರ ನುಡಿ ನಿಜವೋ
ಭೀಮಭವಾಬ್ಧಿ ದಾಂಟಿಸುವ ಸುಂದರವಿಟ್ಠಲನ
ನೇಮಗಳೆಲ್ಲಾ ತಿಳಿಯಲೋಶವೆ ಎಂದಿಗು || ೫ ||
ಧ್ರುವತಾಳ
ಕೇಳಯ್ಯಾ ಧರ್ಮರಾಜ ಆಲಸ ಮಾಡದೆ
ಪೇಳುವೆ ನಿನಗೊಂದು ಪುರಾತನ ಕಥೆಯು
ಆಲಿಸಿ ಮನಕೆ ತಂದು ಬಾಳು ಚನ್ನಾಗಿ ನೀನು
ಶೀಲೆ ಸೀತೆಯ ನೋಡುವ ಇಚ್ಛಾ ಉಳ್ಳ ಮಾ –
ಲೋಲ ರಾಮನು ನಿತ್ಯ ಲಕ್ಷ್ಮಣನೊಡಗೂಡಿ
ಮೇಲಾದ ಋಷ್ಯಮೂಕ ಗಿರಿಯ ಮಧ್ಯದಲ್ಲಿ
ಶೀಲ ಭಕುತಿಯುಳ್ಳ ಹನುಮಂತನ ದರ್ಶನಾಗೆ
ಆಳುವ ಕಪಿ ರಾಜ್ಯ ಸುಗ್ರೀವನ ಸಖ್ಯವನು ಬ –
ಹಾಳ ಮತಿಯುಳ್ಳ ವಾಯುಜ ಮಾಡಿಸೆ
ನಾಲಕು ಮಾಸ ಮಳೆಗಾಲವು ವಾಸ ಮಾಡ್ದ
ಕಾಲದಲಿ ಹನುಮನು ರಾಮದೇವಗೆ ನಮಿಸಿ
ನೀಲಮೇಘಶ್ಯಾಮ ಶ್ರೀರಾಮ ನೀನಿನ್ನ
ಬಾಲನ ಬಿನ್ನಪ ಮನಕೆ ತರಲೂ
ಪೇಳುವೆ ನಿಮ್ಮ ಸನ್ನಿಧಾನದಲೆನ್ನ ನಾಮ ಮಹಿಮೆ
ಮೇಲು ಸಿಲೆಯನುದ್ಧರಿಸಿದ ಶ್ರೀರಾಮ ನೀನಜ್ಞನೆ
ಕಾಲ ಜನನದಲಿ ಇಂದ್ರನಿಂದಲಿ ಎನ್ನ
ಮೇಲಾದ ವಜ್ರಾಯುಧದಿಂದ ಹನು ಘಾತಿಸಲು
ಭೂಲೋಕದಲ್ಲಿ ಅಂದಿನಾರಭ್ಯ ಹನುಮನೆಂದು ಖ್ಯಾತನಾಗೆ
ಕೇಳಯ್ಯಾ ಅಂಜನಾದ್ರಿಯಲ್ಲಿ ಸೂರ್ಯೋದಯ
ಕಾಲಕೆ ಪ್ರಕಟನಾದ ಬಾಲ ರವಿಯ ನೋಡಿ ಹಣ್ಣೆಂದು
ಮೇಲಾಗಿ ಭಕ್ಷಿಪುದಕೆ ಉಡ್ಡಾಣ ಮಾಡಲಾಗಿ
ಈ ಲೀಲೆಯ ತಿಳಿದು ಲೋಕಶಿಕ್ಷಣಗೋಸುಗ
ಕಾಲ ವಜ್ರಾಯುಧದಿಂದ ಹೊಡೆಯಲು ಮೂರ್ಛಿತ
ಬಾಲನಂತೆ ಬಿದ್ದವನೆನ್ನ ನೋಡಿ ಸ್ವಾಹಾ –
ಲೋಲನ ಸಖನಾದ ವಾಯುದೇವನು ಎನ್ನ
ಮೇಲಿನ ಪ್ರೀತಿಯಿಂದ ಸರ್ವಜೀವರ ಶ್ವಾಸ
ಕಾಲನಾಮಕ ಭಗವಾನಿಚ್ಛೆಯಂತೆ ತೃಟಿ –
ಕಾಲ ಬಿಡದೆ ಮಾಡ್ವ ಶ್ವಾಸ ನಿರೋಧಿಸೆ ಶಚಿ –
ಲೋಲನಿಂದೆನ್ನ ಪುತ್ರನ ಕೆಡಹಿರಲವನನ್ನು ಈ
ಕಾಲ ಲವದಲ್ಲಿ ಕೆಡಹೆನೆನಲು ಆ –
ಕಾಲದಲಿ ಬ್ರಹ್ಮಾದಿ ದೇವತೆಗಳು ಸಾಕ್ಷಾತ್ಕಾರರಾಗಿ
ಓಲೈಸಿ ಪೇಳ್ದ ಮಾತು ಎನಗೋಸುಗ ಆಂಜನೇಯಾ
ಬಾಲನೆ ಚಿರಂಜೀವಿಯಾಗು ನೀನೆ ಪರಾಕ್ರಮಿ
ಮೇಲೆನಿಪ ಶ್ರೀರಾಮನ ಕಾರ್ಯಸಾಧಕನಾಗೆನುತ
ಬಾಲ ಹನುಮನ ಪೂಜೆ ಮಾಡ್ದರು ದೇವತೆಗಳು
ಮೇಲಾದ ಮಾರ್ಗಶಿರ ಶುದ್ಧ ತ್ರಯೋದಶಿ
ಕಾಲ ಅಭಿಜಿನ್ ಮುಹೂರ್ತದಲ್ಲಿ ಆರು ಪೂಜಿಪರೊ
ಆಲಸವಿಲ್ಲದೆ ಪುರುಷಾರ್ಥ ಹೊಂದುವರೆಂದು
ತಾಳ ಮ್ಯಾಳರೊಡನೆ ವರವ ನೀಡಿ ಪೋದರು
ಆಲಯಾ ಸ್ವರ್ಗ ಸತ್ಯಾದಿ ಲೋಕಕೆ ಅಂದು ಹೀಗೆ
ಪೇಳೆ ಸುಂದರವಿಟ್ಠಲ ರಘುರಾಮನು ನಸುನಗೆ –
ಯಾಲಿ ಒಲಿದು ಹನುಮಗೆ ಹಸನ್ಮುಖನಾಗಿ ಇರಲು || ೬ ||
ಮಟ್ಟತಾಳ
ಭಕುತ ವತ್ಸಲ ನೀನು ಭಕುತರಿಚ್ಛಿದ ನೀನು
ಭಕುತ ಬಾಂಧವ ನೀನು ಭಕುತರೊಡಿಯ ನೀನು
ಭಕುತ ಪಾಲಕನೆಂಬ ಬಿರುದುಳ್ಳವ ನೀನು
ಭಕುತರಿಂದಲಿ ನೀನು ನಿನ್ನಿಂದಲೆ ಭಕುತರು
ಅಕಳಂಕ ಐಶ್ವರ್ಯ ಸತು ಚಿತು ಆನಂದಾತ್ಮಾ
ಮುಕುತಿ ಪ್ರದಾತನೆ ಸರ್ವ ಸ್ವಾಮಿ ನೀನು
ಸಕಲ ಲೋಕಗಳೊಡೆಯ ನಿನ್ನಿಂದಲೆ ಸರ್ವ
ವ್ಯಕುತವಾಗ್ವದು ಸತ್ಯ ಸರ್ವಜ್ಞನು ನೀನು
ಭಕುತರ ಮನದಿಂಗಿತ ತಿಳಿಯದವನೆ ನೀನು
ಅಖಿಳ ಬ್ರಹ್ಮಾಂಡದರಸೆ ನಮೊನಮೊ ನಮೊನಮೊ
ಭಕುತರಿಂದಲೇ ನಿನ್ನ ಖ್ಯಾತಿ ಮೂರ್ಲೋಕಕ್ಕೆ
ಭಕುತರೇ ನಿನ್ನಯಾ ಮಹಿಮೆಯ ಹೊಗಳುವರು
ಭಕುತರು ನಿನ್ನಿಂದಲೆ ಕೀರ್ತಿವಂತರಹರು
ಅಕುಟಿಲ ಪ್ರಭೋ ನೀನು ನಾ ನಿನ್ನ ನಿಜ ಭಕ್ತ
ಸಕಲ ಕಾಲದಲ್ಲಿ ನಿನ್ನ ನಾ ಮರೆಯದಲೇ
ವಿಖನಾಸಾಂಡದಲ್ಲಿ ಸೇವೆ ಮಾಳ್ಪದು ನಿಜವಾಗೆ
ಶಕುತನೆ ಎನ ಕೀರ್ತಿ ನಿನ್ನಿಂದಾಗಲಿ ವಿಭೋ
ಉಕುತಿ ಲಾಲಿಸು ಪ್ರಭೋ ತವಚಿತ್ತವ ಧಾರೆ
ಭಕುತ ಹನುಮಂತ ಇನಿತು ವಿಜ್ಞಾಪಿಸಿ ನಿಲಲು
ಪ್ರಕಟಿತ ಅಶರೀರ ವಾಕ್ಯವು ಬಿಡದಲೆ
ಸಕಲ ನುಡಿ ಹನುಮಾ ಸತ್ಯನಾಡಿದನೆನಲು
ಸುಕರ ಏಕಮೇವದ್ವಿತಿಯ ಸುಂದರವಿಟ್ಠಲ ತುಷ್ಟನಾಹೆ || ೭ ||
ಝಂಪಿತಾಳ
ಮಾಸ ಮಾರ್ಗಶೀರ್ಷ ಶುದ್ಧ ತ್ರಯೋದಶಿ
ಆ ಸುಮುಹೂರ್ತ ಜಯಾ ಅಭಿಜಿನ್ ಕಾಲಕೆ
ಶ್ರೀಶ ರಾಮನು ಹನುಮದ್ವ್ರತವ ಮಾಡ್ದ ತ್ರಯೋ –
ದಶ ಗ್ರಂಥಿಯುತ ಹರಿದ್ರಾ ದೋರಗಳಲಿ
ಭಾಸುರಾ ಮತಿವೀವ ಹನುಮನಾವ್ಹಾನಿಸಿ
ಪೇಶಲಾ ಪೀತಗಂಧ ವಸ್ತ್ರ ಪುಷ್ಟಿಗಳಿಂದಲೀ
ಶ್ರೀಸೀತೆ ವಕ್ಷಸ್ಥಳದಿಪ್ಪ ನಿತ್ಯಾವಿಯೋಗಿನಿ
ಆ ಸುಗ್ರೀವ ಲಕ್ಷ್ಮಣಾದಿಗಳೊಡನೆ ನೆಸಗಿದ ನೇನಂಬೆ
ಲೇಶ ಬಿಡದೇ “ಓಂ ನಮೋ ಭಗವತೇ ವಾಯುನಂದನಾಯ”
ಈ ಸುಮಂತ್ರವ ಜಪಿಸಿ ತಾ ಸಹಸದಿ ಮಾಡ್ದನೋ
ದೇಶಪರಿಮಿತ ಪ್ರಸ್ಥ ತ್ರಯೋದಶ ಗೋಧೂಮವನು
ಆ ಸುದಕ್ಷಣೆ ತಾಂಬೂಲ ಸಹ ದ್ವಿಜರಿಗಿತ್ತ ದಾನ
ಮೀಸಲಾ ಮನದಿ ಈ ಸತ್ಕಥೆಯನು ಕೇಳಿ
ಭೇಶಮುಖಿ ಸೀತಿಯಳ ಕೂಡ್ದನೆಂಬದು ಖ್ಯಾತಿ
ಆ ಸತ್ಯಲೋಕರಿಗೆ ಆದುದು ಅಚ್ಚರವೆ ಪೂರ್ಣಕಾಮನಿಗೆ
ಕ್ಲೇಶನಾಶನವು ಸುಗ್ರೀವನಿಗೆ ವಿಶೇಷವಾದುದು ಸತ್ಯವೆನ್ನಿ
ತೋಷದಲಿ ವಿಭೀಷಣ ಶ್ರೀರಾಮನಾಜ್ಞೆಯಿಂ ಮಾಡ್ದು
ದೇಶ ಲಂಕೆಯ ರಾಜ್ಯವನು ಪಡೆದನು
ಹೇ ಸುಮತಿಯೇ ಕೇಳಂದಿನಾರಭ್ಯ ಭೂಲೋಕಕೆ
ಲೇಸು ವಿಶ್ರುತವಾದಿತೈ ಹನುಮದ್ವ್ರತವೂ
ಆ ಸುಸಂವತ್ಸರ ತ್ರಯೋದಶ ಪರಿಯಂತ ಮಾಡ್ದುದ –
ಕೀಸು ಉದ್ಯಾಪನೆಯಯ್ಯಾ ಆದಿ ಮಧ್ಯಾಂತಕೇ
“ಮಾಸಾನಾಂ ಮಾರ್ಗಶೀರ್ಷೋಹಂ” ಎಂದು ಗೀತೆಯಲಿ
ಆ ಸ್ವಾಮಿ ದಿವ್ಯ ನುಡಿಯುಂಟು ಕೇಳ್ ಧರ್ಮಜನೆ
ಸ್ತ್ರೀ ಸಹಿತ ಅನುಜರೊಡನೇ ಈ ವ್ರತವನು
ಮೇಶನಾಜ್ಞೆಯಿದೆಂದು ಮಾಡಲು ನಿನಗೆ ರಾಜ್ಯ
ಕೋಶ ಭಾಂಡಾರ ಪ್ರಾಪ್ತಿಯಾಗುವದು
ಲೇಶ ಸಂಶಯ ಬ್ಯಾಡೆನಲು ಶ್ರೀವ್ಯಾಸ
ಆ ಸುಂದರವಿಟ್ಠಲನ ಭಕುತರು ಮುದಭರಿತರಾಗೆ || ೮ ||
ರೂಪಕತಾಳ
ರವಿಯು ವೃಶ್ಚಿಕ ರಾಶಿಗೆ ಬರಲಾಗಿ
ಸವೆಯಾದ ಪದವೀವ ವ್ರತವ ಮಾಡುವದಕ್ಕೆ
ಕವಳಾ ಅಜ್ಞಾನಾಖ್ಯ ರಾತ್ರಿ ಕಳೆದು
ಸುವಿಮಲಾ ಜ್ಞಾನಾಖ್ಯ ಪ್ರಾತಃಕಾಲದಲೆದ್ದು
ಕವಿ ವ್ಯಾಸರ ಮುಂದೆ ಮಾಡಿ ಧರ್ಮಜನು
ಸುವಿವೇಕ ಬುದ್ಧಿಯಿಂ ಸ್ನಾನಾದಿಗಳ ಮಾಡಿ
ಹವಿಷಾದಿ ದ್ರವ್ಯಗಳಲಿ ಹರಿಯ ಚಿಂತಿಸಿ ಮಾ –
ಧವನಾಜ್ಞೆಯಂತೆ ಉದ್ಯಾಪನವಂ ಗೈದು
ಕವ್ಯವಾಹನನಲ್ಲಿ ಮೂಲಮಂತ್ರದಿಂದ
ಲವಕಾಲ ಬಿಡದಲೆ ವೇದಸೂಕ್ತಗಳಿಂ ಹೋಮಿಸಿ
ನವಭಕುತಿಯಲಿ ಹನುಮಂತನ ವ್ರತಾಚರಿಸಲು
ಹವಣಿಸಿ ಸಂವತ್ಸರವು ಪೋಗಲು ಪಾಂಡವರು
ಬವರದಲ್ಲಿ ಕೌರವರ ಗೆಲಿದು ನಿಜರಾಜ್ಯ ಪಡೆದರೆಂದು
ಪ್ರವಚನಾಸಕ್ತ ಸೂತಾಚಾರ್ಯರು ಶೌನಕರೆ
ತವಕದಲಿ ನೀವೀ ವ್ರತವನು ಮಾಡಿರೈಯ್ಯಾ
ಭವಿಷ್ಯೋತ್ತರದಲ್ಲಿ ಪೇಳಿಹರು ವ್ಯಾಸದೇವ
ಪವಮಾನಿಸುತ ಹನುಮದ್ವ್ರತ ಮಹಿಮೆಯನು
ಜವಭಕುತಿಯಲಿ ಮಾಡೆ ಸುಂದರವಿಟ್ಠಲ ವೊಲಿವಾ || ೯ ||
ತ್ರಿವಿಡಿತಾಳ
(ಅಧ್ಯಾತ್ಮ-ಸಮಾಲೋಚನೆ)
ಪರಮಾತ್ಮ ಶ್ರೀರಾಮ ಪರಿಪೂರ್ಣಕಾಮನು
ಪುರಹರನುತ ಈಪರಿ ಭಕುತನಭಿಲಾಷೆ
ಪರಿಪೂರೈಸಿದನಲ್ಲದೆ ಇದರಿಂದೇನು ಪ್ರಯೋಜನ ಪಾ –
ಮರ ಮತಿ ತ್ಯಜಿಸಿ ತಿಳಿಯೆ ಮಾನವರು ನಿತ್ಯ
“ಯದ್ಯದಾಚರತಿ ಶ್ರೇಷ್ಠ ತದ್ದೇವೇತರೋಜನಾಃ”
ಸುರರೊಡಿಯ ಪೇಳಿಹ ಸತ್ಯವಾಕ್ಯವು
ಸರಿಯೆನ್ನಿ ಮುಂದೆ ಅನೇಕ ಪ್ರಮೇಯಗಳುಂಟು
ಪರಮಾನಂದಭರಿತಾ ಸುಜ್ಞಾನ ವಿಜ್ಞಾನಾತುಮ
ಮುರವಿರೋಧಿಯ ರೂಪಾ ಪುಂಸ್ತ್ರೀ ಭೇದದಲಿ
ಎರಡುಂಟು ಎಂದಿಗೂ ನಿತ್ಯಸತ್ಯವಾಗಿ
ಅರವಿದೂರರು ಇನಿತುಪಾಸನೆಯ ಮಾಡುವರು
ನಿರುತದಲಿ ಆನಂದಮಯ ಪುರುಷ ತಾನು
ಸ್ವರಮಣನು ತನ್ನ ವಿಜ್ಞಾನಾಖ್ಯ ಸ್ತ್ರೀರೂಪದಿ
ಚರಿಸಿ ಸುಖಪಡುವ ಆನಂದಮಯ ರಾಮ
ಹರನೈಯ ಹನುಮನೆಂಬುದು ಜ್ಞಾನಕೆ ಶಬ್ದ
ವರದೊರದು ಪೇಳಿಹ್ಯವು ಅನೇಕ ಶ್ರುತಿಗಳು
ಕರಣಶುದ್ಧಿಲಿ ತಿಳಿ
“ರಮಂತೆ ಯಸ್ಮಿನ್ ಯೋಗಿನಃ” ರಾಮೆಂದು
ಭರಿತ “ಆನಂದಮಯ ರಾಮನು” ಹನುಮಾಭಿದಾ –
ತುರದ ಜ್ಞಾನ ವಿಜ್ಞಾನ ರೂಪದಿ ರಮಿಸಿ ಆನಂದ –
ಭರಿತನಾದನು ಮುದದಿಂದ ಕೇಳಿ ಮುಂದೆ
ಕರುಣಾಕರ ರಾಮ ಮಾಡಿದ ಚರಿಯವು
ಸರಸವಾದ ಮಾರ್ಗಶೀರ್ಷ ವೃಶ್ಚಿಕ ಮಾಸೇನು ?
ಹರಿತಾಭ ತ್ರಯೋದಶಿ ಗ್ರಂಥಿ ದೋರವೇನು ?
ಮೆರೆವ ತ್ರಯೋದಶಿ ಜಯಾ ಅಭಿಜಿನ್ ಏನು ?
ವರ ಗೋಧೂಮ ಪರಿಮಿತ ಪ್ರಸ್ಥವಾವುದು ?
ಸುರಗಂಗೆಯಾದ ಜಾಹ್ನವಿ ತೀರವಾವುದೊ ?
ಪೌರಾಣಿಕ ಸೂತ ಶೌನಕರಾರಯ್ಯ ?
ಪರಮ ಮಂಗಳಯುಕ್ತ ದ್ವೈತವನವಾವುದು ?
ಪರಾಶರತನಯ ವ್ಯಾಸರೆ ಸರ್ವತ್ರದಲಿ
ಅರನಿಮಿಷ ಬಿಡದಲೆ ವ್ಯಾಪ್ತನಾಗಿಪ್ಪನು
ವರವೇದಾದಿ ವಿಭಾಗಗೈಸಿ
ನಿರ್ಣೈಸಿದ ಚಾರಿತ್ರನೋ ?
ಸ್ಮರನೈಯ್ಯ ಶ್ರೀಕೃಷ್ಣ ವರ ಪಾಂಡವರಾರು ?
ಮರುತಾತ್ಮ ಭೀಮ ಅರ್ಜುನ ಅಶ್ವಿನೇಯರು
ನಿರುವೈರ ಧರ್ಮಜ ಕೃಷ್ಣೆ ಆರೈಯ್ಯ ತಿಳಿಯೆ ?
ಸರುವ ಅಧ್ಯಾತ್ಮ ಅಧಿದೈವದಿಂದಲೆ ಮಿಳಿತ
ಸಿರಿ ವರ ಸುಂದರವಿಟ್ಠಲ ತಾನಿಂದು ದಯದಿ
ಗುರುವಂತರ್ಯಾಮಿ ಪೇಳಿಸಿದಂತೆ ಪೇಳ್ವೆ || ೧೦ ||
ಝಂಪಿತಾಳ
ಸಾಧನವ ಮಾಡುವಾ ಮಾಧವನ ಭಕುತರೇ
ಬಾದರಾಯಣರ ಮತಕೆ ಅನುಕೂಲವಾಗಿ
ಆದರದಿ ಶ್ರೀಮದಾನಂದತೀರ್ಥರುಕ್ತಿಯಂತೆ
ಸಾದರದಿ ಒರೆವೆ ಜ್ಞಾನಿಗಳ ಪದಕೆರಗಿ
ಆ ದ್ವೈತವನವೆ ಸುಖದುಃಖ ಸಂಸಾರವನಧಿ ಅ –
ಗಾಧ ದಾಟುವದಕೆ ಜೀವಿಗಳು ನಿತ್ಯ
ಸಾಧನ ಸಾಧ್ಯ ಸಿದ್ಧರು ಮೂರು ಬಗೆಯಲಿ
ಮೋದ ಭರಿತರಾದ ವರ ಜ್ಞಾನಿಗಳ ಸಂಗದಲಿ
ಭೇದ ಪಂಚಕ ತರತಮವರಿತು ಅವರಿಗೆ ಅ –
ನ್ನಾದಿಗಳ ಕೊಡಲು ಶ್ರೀಹರಿ ಪ್ರೀತನಾಗಿ
ಕಾದುವಾ ಕರ್ಮ ವಿಕರ್ಮಗಳ ತಗ್ಗಿಸಲು
ಮೇದಿನಿಯೊಳು ವರ ಬ್ರಾಹ್ಮಣ ಜನುಮವಿತ್ತು
ಭೂದೇವರಾದ ಜ್ಞಾನಿಗಳಲಿ ಭಕುತಿ ಇತ್ತು
ಖೇದ ದೂರೋಡಿಸಿ ಜ್ಞಾನವೀವುದಕೆ ಮಹಾ
ಸಾಧುಗಳ ಸಂಗತಿಯಿತ್ತು ಶ್ರವಣ ಮನ –
ನಾದಿ ನಿಧಿಧ್ಯಾಸವನೀಯಲೂ ಶ್ರೀ –
ಪಾದತೀರ್ಥ “ಗಂಗಾ ಇಡಾಖ್ಯನಾಡಿ” –
ಯಾದ ನದಿಯೇ ಜಾನ್ಹವಿಯಲಿ ಮಿಂದು ಶುಚಿಯಾಗಿ
ಕ್ರೋಧರಹಿತ ಸೂತಪೌರಾಣಿಕ ಗುರುಗಳು
ಮೋದಭರಿತ ಜ್ಞಾನಭಕ್ತಿವೈರಾಗ್ಯ ಹರಿ –
ಪಾದದಲಿ ಪ್ರಸವಿಸುವ ಸೂತರಲಿ
ಸಾಧನಾ ಸಾಧ್ಯ ಭಕುತರೆಂಬ ಶೌನಕರು
ಆಧ್ಯಾತುಮಾ ಅಧಿಧೈವ ತಿಳಿಯೇ ಪ್ರಶ್ನವು
ಆದರದಿ ಮಾಡ್ದುದೇನಚ್ಚರವೆಂದು ತಿಳಿಯಬೇಡಿ
ಆ ಧರ್ಮಜನೆ ಮುಖ್ಯ ಶ್ರವಣಕ್ಕೆ ಅಭಿಮಾನಿ
ತಾ ದೂರದಲಿ ಬಾಹಿರದಲಿದ್ದ ಶಬ್ದಾದಿಗಳ ಗಂಧಜ್ಞಾನಾ –
ವಾದುದಕೆ ಅಶ್ವಿನಿಯರು ಈ ಮನವೆ ಚಂಚಲ –
ವಾದ ಮದ ಮದಕರಿ ಕಟ್ಟಲು ಆ ಅರ್ಜುನನೆ ಇಂದ್ರನು
ತಾಯದಿ ಭಕುತಿ ವೀವುದಕೆ ಭಾರತಿ ಕೃಷ್ಣೆ
ಈ ದಯಿತೆಯೊಡೆಯ ಮಹಾಜ್ಞಾನ ವಾಯು ಭೀಮಾ
ಆ ದುರಿತ ಕಳೆವುದಕೆ ಶ್ರೀಕೃಷ್ಣನ ಪ್ರ –
ಸಾದವೇ ಮುಖ್ಯವು “ಏನಂ ಮೋಚಯಾಮಿ”
ಸಾಧನದೀ ವಿಧದಿ ಶ್ರವಣಾದಿ ನವಭಕುತಿ ಭರಿತ
ಮಾಧವನ ವಿಭೂತಿ ಪೂರ್ಣವಿರುವ ಮಾಸ –
ವಾದ ಕಾಲವೆ ಮಾರ್ಗಶೀರ್ಷ ನವಮಾ –
ವಾದ ಕಾರಣದಿ ಬಹು ಶ್ರೇಷ್ಠವಹುದೈಯ್ಯ ರವಿ –
ಯಾದ ಸವಿತೃನು ವೃಶ್ಚಿಕಕುದಯನಾಗೆ ಸಮಗತಿಯೆಂದು
ಆದರದಿ ಬುಧರು ಪೇಳುವರು ಭಾಗವತದಿ ಮನ ನಿ –
ರೋಧಿಸಿ ಚಿತ್ತ ಸಮವಿಡುವದೇ ವೃಶ್ಚಿಕ ರಾಶಿ ಎಂ –
ಬ್ಹಾದಿಯನೆ ತಿಳಿಯಲು ರವಿಯುದಯ ಮಿಹಿರಾಖ್ಯ ಜ್ಞಾ –
ನೋದಯದಿ ಸಮಮನಸ್ಕನಾಗಲೂ ಚಿತ್ತದಲ್ಲಿ
ತಾ ದಯದಿ ಅಧೋಕ್ಷಜನು ಪೊಳೆವನು ಈ
ಆದಿ ಮೂರುತಿಯೆ ಕಪಿಲ ಕಲ್ಕಿ ಹಯಾ –
ಸ್ಯಾದಿ ತ್ರಯೋದಶ ಮೂರುತಿ ತಿಥಿ ತ್ರ –
ಯೋದಶಕೆ ಅಭಿಮಾನಿಯಾದ ಕುಬೇರನಲಿ
ನಿಂದು ಸ್ಥಿರ ಧರ್ಮ ಬುದ್ಧಿ ಮೋದದಿಂ ಪಾಲಿಪರು
ಕಪಿಲ ಕಲ್ಕಿ ರೂಪಾದಿ ಸುಪ್ರಕಾಸ್ಯವೇ ಅಭಿಜಿನ್
ಕಾಲ ರವಿ ಅಚಲನಾಗಿಹ್ಯನೆಂದು
ಸಾಧು ಸಮ್ಮತವಾದ ಈ ಮರ್ಮವ ತಿಳಿದು ಆ –
ರಾಧಿಸು ಜ್ಞಾನಾಖ್ಯ ಅಭಿಜಿನ್ ಪ್ರಕಾಶದಲಿ ಜಯವೂ
ಆ ದೀಪದಲಿ ಪ್ರಕಾಶಿಸುವ ಗುಣವಿರುವದಾದುದರಿಂದ
“ದೀಪ ಸಂಯೋಜನಾಜ್ಞಾನಂ ಪುತ್ರಲಾಭೋಭವೆದ್ಧ್ರುವಂ”
ವಾದಿಗಳ ಪಲ್ಮುರಿವ ಬುಧರ ವಾಕ್ಯವೆ ಉಂಟು
ಮೇದಿನಿ ಸುರರು ತಿಳಿಯಿರಿ ಆ ತ್ರಯೋದಶ ರೂಪ
ಈ ದೀಪವೆಂಬ ಜ್ಞಾನಾಖ್ಯ ಪ್ರಕಾಶವು
ವೇದವ್ಯಾಸಾದಿ ರೂಪಗಳಿಂ ಆಗುವದೆಂದು
ವೇದ ಸಾಮದಿಂ ಕಾಲರೂಪಗಳ ತಿಳುವಳಿಕೆಯಾಗಲು
ವೇದ ವಿಸ್ತರಿಸಿದಾ ವ್ಯಾಸರ ದಯ ಬೇಕು ಆ
ವೇದಗಳಿಗೆಲ್ಲ ಪ್ರಕೃತಿ ಶುದ್ಧರೆ ಅಭಿಮಾನಿ –
ಯಾದ ಈರ್ವರ ಪಿತನು ಕೃತಿಪತಿ ದೇವ –
ನಾದ ಪ್ರದ್ಯುಮ್ನನೆಂದು ಗಾಯನ ಮಾಡಿರೋ ಸಾಮ –
ವೇದಕ್ಕೆ ಅಭಿಮಾನಿ ಹರಿತಾಭ ಪ್ರದ್ಯುಮ್ನನೋ
ಭೇದ ಜ್ಞಾನನೀವ ಹನುಮಾನುಪನಿಷತ್ ಸಾಮ –
ವೇದೀಯವಾದ ಕಾರಣದಿ ಹರಿದ್ವರ್ಣವುಳ್ಳ –
ಯಾದ ದೋರವೆ ಪ್ರದ್ಯುಮ್ನಾಖ್ಯ ಕರುಣಾಮಾಲೆ
ಆ ದೇವತೆಗಳೆಲ್ಲ ಮಧುವಿದ್ಯಾ ಉಪಾಸಕರಾಗಿ
ಊರ್ಧ್ವಗತ ರವಿ ರಶ್ಮಿ ಪೀತವರ್ಣ ವಿಶಿಷ್ಟಾನೇಕ
ವೇದ ಸಮೂಹಗಳಿಂ ಸ್ತುತಿ ಮಾಡಿ ಜ್ಞಾನಾಖ್ಯ –
ವಾದ ಮಹೋದಧಿಯಲ್ಲಿ ಮುಳುಗಿ ಆನಂದ ಬಡುವರು ನಿತ್ಯ
ಮೋದಾರ್ಯರಂತಗ ಸುಂದರವಿಟ್ಠಲ ನುಡಿಸಿದಂದದಿ ನುಡಿದೆ || ೧೧ ||
ಅಟ್ಟತಾಳ
ಆ ಪೀತವರ್ಣ ವಿಶಿಷ್ಟ ದೋರದ ಗ್ರಂಥಿ
ಶ್ರೀಪ್ರದ್ಯುಮ್ನನ ಜ್ಞಾನಾಖ್ಯ ರೂಪಗ –
ಳೀ ಪರಿ ಚಿಂತಿಸಿ ಹನುಮನ್ನಾವ್ಹಾನಿಸಿ
ಆ ಪುರುಷ ವೈಕುಂಠ ಅನಂತಾಸನ ಶ್ವೇತ –
ದ್ವೀಪ ಮಂದಿರನ ಮೂರು ರೂಪಗಳೊಂದೆ
ತಾಪಸಿ ಬದರಿನಿವಾಸಿ ವೇದವ್ಯಾಸ ದೇವ ಮತ್ತೇ
ಭೂಪ ಮಹಿದಾಸ ಶಿಂಶುಮಾರ ಹಯಶೀರ್ಷ
ಕೋಪ ಕಳೆದ ಧನ್ವಂತ್ರಿ ಕಲ್ಕಿ ವಡಭಾ
ಪಾಪಹರ ಕಪಿಲ ಹಂಸವಕ್ತ್ರ ಋಷಭ ಯಜ್ಞಾ –
ದೀ ಪ್ರಶ್ನಿಗರ್ಭ ಜ್ಞಾನ ರೂಪಗಳು ನಿತ್ಯಾ
ಈ ಪರಿ ಸುಜ್ಞಾನ ಕೊಡುವರು ಬಿಡದಲೆ
ಮಾಪತಿ ರೂಪಗಳಂತೆ ಅನುದಿನದಲ್ಲಿ
ಶ್ರೀಪಯೋನಿಧಿಸುತೆ ರೂಪ ಧ್ಯಾನಿಸು ಸತತ
ಈ ಪೊಡವಿಯೊಳಿದರಂತೆ ಹನುಮ ವಾಯು
ರೂಪಗಳು ಬಿಡದೆ ಸೇವೆ ಮಾಳ್ಪರು ಹರಿಯಾ
ಈ ಪಥದಿಂ ಸುಜ್ಞಾನಿಗಳು ಚರಿಸುವರೈಯ್ಯಾ
ಆ ಪುಣ್ಯವೆಂಬ ಸುಪರಿಮಳ ಗಂಧಾನು –
ಲೇಪನ ಶಾಸ್ತ್ರಾಲಾಪನವೆ ಶ್ರೀತುಲಸಿ ಪೂ –
ಚಾಪನಭಿಮತ ಮನೋವೃತ್ತಿಗಳೆ ಪುಷ್ಪ
ಕೋಪವೆ ಧೂಪವು ಭಕ್ತಿಯೇ ಭೂಷಣ
ವ್ಯಾಪಿಸಿದ ಸದ್ಬುದ್ಧಿ ಛತ್ರವಯ್ಯಾ
ದೀಪವೆ ಸುಜ್ಞಾನ ಆರಾರ್ತಿಗಳೆ ಗುಣಕಥನ
ಪಾಪರಹಿತ ಹರಿ ರೂಪಗಳೈಕ್ಯ ಚಿಂತಿಸುವದೆ
ಸೋಪಸ್ಕಾರ ನಿವೇದನ ನೈವೇದ್ಯವೆಂದು
ಈ ಪರಿ ಷೋಡಶೋಪಚಾರ ವಿಧಾನದಿಂ –
ದೀ ಪೂಜೆ ಅಧ್ಯಾತುಮದಲ್ಲಿ ಅಧಿಧೈವಗ –
ಳೀ ಪರಿ ವ್ಯಾಪ್ಯ ವ್ಯಾಪಕ ರೂಪಗಳ ಧ್ಯಾನಿಸೆ
ನೀ ಪರಿಪಾಲಿಪದೆಂದು ಭಕುತಿ ಸ್ನೇಹ
ರೂಪ ಸ್ನಿಗ್ದಾಖ್ಯ ಗೋಧೂಮವನು ನೀನು
ಶ್ರೀಪತಿ ತ್ರಯೋದಶ ಭೂಪ ಬ್ರಾಹ್ಮಣ –
ರೂಪಗಳಿಗರ್ಪಿಸು ಮನೋವಾಚ ಕಾಯಿಕ ದಕ್ಷಿಣೆ
ರೂಪ ವಿಶಿಷ್ಟ ತಾಂಬೂಲ ಗಂಗಾ ಹರಿ –
ರೂಪ ದ್ರವದಿ ಅವಭೃತನೆಸಗು ಜ್ಞಾನಾಖ್ಯ ಯಜ್ಞ
“ನಹಿ ಜ್ಞಾನೇನ ಸದೃಶಂ ಪವಿತ್ರಮಿಹವಿದ್ಯತೇ”
ಆ ಪರಮಾತ್ಮ ಪೇಳಿಹದು ನಿಜ ನಂಬು
ಖ್ಯಾಪಿಖ್ಯಾಪಿಗೆ ಹನುಮ ಹನುಮನೆಂದು ನುಡಿಯೆ
ಶ್ರೀಪತಿ ಸುಂದರವಿಟ್ಠಲ ವೊಲಿದು ನಲಿದಾಡುವಾ || ೧೨ ||
ಆದಿತಾಳ
(ಫಲಶ್ರುತಿ)
ಅರಿತು ಈ ಪರಿಯಿಂದ ಸರಸ ಜ್ಞಾನ ಹೃದಿ
ಸರಿತು ಸಲಿಲ ಧ್ಯಾನದಿ ನಿರುತ ಮಿಂದು
ಸರುವ ರಾಗದ್ವೇಷ ಮಲವನ್ನು ಕಳೆದು
ಪರತರ ಜ್ಞಾನ ಸಂಪಾದಿಸಲಿ ಬೇಕು
ಹರ ಮುಖ್ಯ ತಾತ್ವರಿಗೆ ಇದೆ ಇದೆ ವ್ರತ ಮುಖ್ಯ
ನಿರಂಶಿಗಳಾದ ಮುಮುಕ್ಷುಗಳೀ ಪರಿ
ವ್ರತವನು ಮಾಡೆ ಜ್ಞಾನ ದೊರೆಯುವದಚ್ಚರವೇ ?
ಭರಿತ ಭಕ್ತಿ ಯಿಂದಾರು ಕೇಳಿ ಮಾಡ್ವರು ಸತತ
ಬರೆದದು ಈ ಕಲ್ಪ ಆರ ಮನೆಯಲ್ಲಿಹದು
ನಿರುತ ಪಠಣೆ ವ್ರತ ಮಾಡಿದ ಪುಣ್ಯವು
ದೊರೆವುದು ಸಂಪೂರ್ಣ ಮನೋರಥ ಸಿದ್ಧಿಪುದು
ವರ ಬ್ರಾಹ್ಮಣ ವೇದವೇದ್ಯ ಶ್ರೀಮಂತನಾಹ
ಧುರದಿ ಕಾದುವ ಕ್ಷತ್ರಿಯನಿಗೆ ಪರಾಕ್ರಮ
ಬರುವದು ವೈಶ್ಯನಿಗೆ ಧನದ ಕೋಶವು
ಚರಣಜ ಶೂದ್ರನಿಗೆ ಮಹಾ ಕೃಷಿ ಧನ ಪ್ರಾಪ್ತಿ
ವರ ಆರೋಗ್ಯವು ರೋಗಿಗೆ ಪುತ್ರಾರ್ಥಿಗೆ ಪುತ್ರಲಾಭ
ಎರಡೊಂದು ಧರ್ಮಕ್ಕೆಲ್ಲನುಕೂಲಾದ ದ್ರವ್ಯಾಗಮ
ಪರಮ ಮಂಗಳ ಮೋಕ್ಷಾರ್ಥಿಗೆ ಮೋಕ್ಷವು
ಸ್ಮರಿಸುತ ಹನುಮನ್ನಾಮ ಪ್ರಯಾಣ ಮಾಡಲು
ಸರುವದ ವಿಜಯಪ್ರದನಾಗಿ ತಿರುಗಿ ಬರುವ ತೀ –
ವರದಿಂದ ನರರೀ ಪರಿ ಭಕುತಿಯಿಂದ ವ್ರತ ಮಾಡೀ –
ಪರಿ ಮೂರಾವರ್ತಿ “ಓಂ ನಮೋ ಭಗವತೇ ವಾಯುನಂದನಾಯ”
ವರ ಮಂತ್ರದಿಂದ ಗಂಧ ಲೇಪನ ಮಾಡಿ ಫಣಿಗೆ
ಸ್ಮರಿಸಿ ತಿಲಕವನಿಡಲು ಲೋಕ ರಾಜ ವಶ ಸದಾಚಾರ
ನಿರತನಾಹನು ಸರ್ವತ್ರ ಸಭೆಯಲ್ಲಿ
ಬರುವ ವ್ಯವಹಾರ ದ್ಯೂತಾದಿ ವ್ಯಸನವು
ಕರಕರಿಗೊಳಿಸುವ ಸಿಂಹ ವ್ಯಾಘ್ರ ಭಯದಿಂದ ಮುಕ್ತನಾಹ
ಸರುವ ಕಾರ್ಯಗಳಿಂ ಸರ್ವತ್ರ ವಿಜಯನಾಹ
ತ್ವರಿತ ತ್ರಯೋದಶ ಗ್ರಂಥಿಯುಕ್ತ ಹನುಮಂತನ
ಹರಿತ ದೋರ ಕಂಠ ದಕ್ಷಿಣ ಕರದಲ್ಲಾದರು
ಧರಿಸಿದರೆ ಸರ್ವಾಭೀಷ್ಟ ಸಿದ್ಧಿಸುವದು ನಿಸ್ಸಂದೇಹ
ವರ ಬ್ರಾಹ್ಮಣ ಕ್ಷತ್ರ ವೈಶ್ಯ ಶೂದ್ರರಿಗೆ ಸಂಪ –
ತ್ಕರ ವಿಶೇಷ ಪತಿವ್ರತ ಸ್ತ್ರೀಯರಿಗೆ
ನಿರುತ ಜ್ಞಾನಭಕ್ತ್ಯಾದಿಗಳೀವುದು ಸತ್ಯ ಸತ್ಯ
ಹರಿ ವೇಷಧಾರಿ ಹನುಮಂತನ ವ್ರತವು
ಹರಿಯ ಮಂಗಳನಾಮ ಮಹಿಮೆ ತಿಳಿಸಿ ನಿತ್ಯಾ
ಹರಿ ವೊಲಿಮೆಯಾಗಿ ಹರಿಯು ವೊಲಿವನು ಸತ್ಯ
ವರ ವ್ಯಾಸದೇವನು ನಿರುತ ವಿಜ್ಞಾನದಲಿ
ಚರಿಸಿದ ಈ ಪರಿ ಸ್ತೋತ್ರ ಮಾಡಿರೈ ಜ್ಞಾನಿಗಳು
(ವಾಯುದೇವರ ಮಹಾಮಹಿಮೆ ವರ್ಣನಪೂರ್ವಕ ನಮನ)
ವರ ಕಪಿ ಹನುಮನೆ ವಾಯುಪುತ್ರನೆ ನಮೊ
ಮರುತ ಭಾವಿ ಬ್ರಹ್ಮ ಪದಾರ್ಹನೆ ನಮೊ ನಮೊ
ಕರೆವ ಮಹಾಭೀಷ್ಟ ಸದಾಕಾಲ ನಮೊ ನಮೊ
ನಿರುತ ರಾಮಭಕ್ತ ಹನುಮನೆ ನಮೊ ನಮೊ
ಸ್ಮರನಯ್ಯ ಕೃಷ್ಣಪ್ರೀಯ ಭೀಮನೆ ನಮೊ ನಮೊ
ಗುರು ವ್ಯಾಸಶಿಷ್ಯ ಮಧ್ವರಾಯನೆ ನಮೊ ನಮೊ
ಸರುವ ವೇದಗಳಿಂದ ಸ್ತುತ್ಯನೆ ನಮೊ ನಮೊ
ಪರಿಪೂರ್ಣ ಜ್ಞಾನಭಕುತಿ ವಿರಕುತನೆ ನಮೊ ನಮೊ
ಭರಿತ ಲಾಘವ ಶಕ್ತನೆ ನಮೊ ನಮೊ ನಮೊ
ಕರೆವ ವಿದ್ಯಾಬುದ್ಧಿ ಕುಶಲನೆ ನಮೊ ನಮೊ
ಸಿರಿಯೆ ಮಾಧುರ್ಯ ತೇಜ ಶುಭವಾಕು ನಮೊ ನಮೊ
ಪರತರ ಪೂರ್ಣ ಧೈರ್ಯ ಶೌರ್ಯನೆ ನಮೊ ನಮೊ
ಮೆರೆವ ಅಭಯ ಕೀರ್ತಿ ಪ್ರಾಜ್ಞತೆ ಪ್ರಾಣ ನಮೊ
ಹರಿ ರೂಪಗಳಂತೆ ರೂಪಧರನೆ ನಮೊ ನಮೊ
ನಿರುತ ಹರಿ ಗುಣರೂಪಕ್ರೀಯಾ ಧ್ಯಾನ ಮಾಳ್ಪನೆ ನಮೊ
ಸರುವ ಲೋಕಕ್ಕೆ ದ್ವಿತಿಯ ಈಶ್ವರ ನಮೊ ನಮೊ
ಎರಡು ವಿಧದ ಮುಕ್ತಿದಾತನೆ ನಮೊ ನಮೊ
ಪರಮೇಷ್ಠಿ ಆರಭ್ಯ ಸಕಲ ಜೀವರಲಿ
ನಿರುತ ಹಂಸಮಂತ್ರ ಜಪ್ತನೆ ನಮೊ ನಮೊ
ಕರಣ ಮನಾದಿ ವ್ಯಾಪಾರ ನಿರುತ ಬಿಡದೆ ಮಾಡ್ದು
ನಿರವಿಕಾರನಾಗಿ ಇರುವನೆ ನಮೊ ನಮೊ
ಸರುವದ ಸ್ತ್ರೀರೂಪ ಧರಿಸಿ ಹರಿಯ ವೊಡನೆ
ಪರಿಪರಿ ಕ್ರೀಡೆ ರಮಿಸಿದಾನಂದ ಹರಿಗೆ ಅರ್ಪಿಪ ನಮೊ
ನಿರುತ ಸ್ವರೂಪದಿ ಬಿಡದೆ ವ್ಯಾಪ್ತನೆ ನಮೊ
ಚರಿಸಿ ಲಿಂಗ ಅವ್ಯಕ್ತ ಅನಿರುದ್ಧ
ಶರೀರ ಪ್ರಾಕೃತ ಸ್ಥೂಲ ಕಾರ್ಯ ಮಾಳ್ಪನೆ ನಮೊ
ಕರಣ ನಿಯಾಮಕ ತತ್ವರೊಡೆಯನೆ ನಮೊ ನಮೊ
ನಿರವ್ಯಾಜದಿಂ ಹರಿಯ ಪೂಜಿಪ ಭಕ್ತನೆ ನಮೊ ನಮೊ
ಪರಮಾಣು ಜೀವಿಗಳಿಗೆ ದೇಹ ಕೊಡುವನೆ ನಮೊ
ಕರುಣಾಳು ನಿತ್ಯನಾಗಿ ತನಪದ ಜೀವಿಗಳಲಿ
ಚರಿಸಿ ಶ್ವಾಸೋಚ್ಛ್ವಾಸ ತುಳಸಿದಳಗಳ ನಿತ್ಯ
ವರ ಮೂಲೇಶಗೆ ಅರ್ಪಿಪ ಲಾಳೂಕನೆ ನಮೊ
ಮೆರೆವ ದ್ವಾಸಪ್ತ ನಾಡಿಗಳಲಿ ವ್ಯಾನ ರೂಪೀ –
ಪರಿಯು ಧರಿಸಿ ಹರಿಯ ಮೆಚ್ಚಿಪನೆ ನಮೊ ನಮೊ
ಕರೆವ ಅನ್ನಮಯಾದಿ ಕೋಶಗಳಲಿಪ್ಪನೆ ನಮೊ ನಮೊ
ತ್ವರಿತದಿ ಪಂಚಪರ್ವದಿ ಕಾರ್ಯ ಮಾಳ್ಪ
ಸುರರಲ್ಲಿಪ್ಪ ಪಂಚರೂಪನೆ ನಮೊ ನಮೊ
ಸ್ವರ ವ್ಯಂಜನನುದಾತ್ತ ಉದಾತ್ತನೆ ನಮೊ ನಮೊ
ವರ ಬ್ರಹ್ಮನಾಡಿಗತ ಉದಾನನೆ ನಮೊ ನಮೊ
ಸರುವ ಕಮಲಗಳಲ್ಲಿ ನಿರುತ ವ್ಯಾಪ್ತನೆ ನಮೊ
ಸ್ಮರಿಸಿ ಹರಿಪದ ಪೂಜೆ ಮಾಳ್ಪನೆ ನಮೊ ಹೃನ್ಮಂ –
ದಿರದ ಮಂಟಪ ದ್ವಾರಗತ ಪಂಚಪ್ರಾಣನೆ ನಮೊ
ಹರಿರೂಪ ನೋಳ್ಪುದಕೆ ಕನ್ನಡಿಯಾಗಿಪ್ಪನೆ ನಮೊ ನಮೊ
ಚರಣ ಸ್ಮರಿಪ ಭಕ್ತರ ದೋಷ ಕಳೆವನೆ ನಮೊ ಆ –
ತುರದಿಂದ ದಕ್ಷಿಣಾಕ್ಷಿಗತ ಗೋವತ್ಸ ರೂಪನೆ ನಮೊ ನಮೊ
ಬರುವ ಮೂರಾವಸ್ಥಿಗೆ ನಿಯಾಮಕ ನಮೊ ನಮೊ
ಪರಿಪರಿ ರೂಪದಿ ಸಪ್ತಧಾತುಗತನಾಗಿ
ವರ ಸಪ್ತ ಛಂದಸ್ಸುಗಳಿಂ ಸ್ತೋತ್ರ ಮಾಳ್ಪನೆ ನಮೊ
ನಿರುತ ಆಖಣಾಶ್ಮ ಕಾಯನೆ ನಮೊ ನಮೊ
ಕರ ಚರಣಾದಿ ಅವಯವದಿ ವ್ಯಾಪ್ತನೆ ನಮೊ
ಸರುವ ರೋಮ ಕೂಪಗಳಲ್ಲಿಪ್ಪನೆ ನಮೊ ನಮೊ
ವರಟಳೆನಿಪ ಲಕ್ಷ್ಮೀವರ ಹಂಸೋಪಾಸಕನೆ ನಮೊ
ಪುರುಟ ಗರ್ಭಾಂಡದಿ ಖೇಟ ಕುಕ್ಕುಟ ಜಲಟ
ಧರಿಸಿದ ತ್ರಿಕೋಟಿರೂಪ ಕಾಪಿಲನೆ ನಮೊ ನಮೊ
ಸರುವ ಜಡ ಜಂಗಮದಿ ವ್ಯಾಪ್ತನೆ ನಮೊ ನಮೊ
ವರ ಚತುರ್ದಶ ಲೋಕ ಪ್ರಭುವೆ ನಮೊ ನಮೊ
ಸ್ವರಣ ವರ್ಣ ಬ್ರಹ್ಮಾಂಡ ಬಾಹಿರದಲಿಪ್ಪನೆ ನಮೊ
ನಿರುತ ನವಾವರಣ ಅವ್ಯಾಕೃತ ಗಗನದಿ
ಹರಿರೂಪ ಗುಣಕ್ರೀಯ ತಿಳಿವನೆ ನಮೊ ನಮೊ ಮಹಾ –
ನ್ಮರುತ ಧೃತಿ ಸ್ಮೃತಿ ಬಲ ವಿಖ್ಯಾತ ನಮೊ
ಗುರುವರ ವಿಖ್ಯಾತ ಮಹಾ ಧ್ಯಾತನೆ ನಮೊ ನಮೊ
ಗರಳಭುಕ್ ಭವರೋಗ ಭೇಷಜ ನಮೊ ನಮೊ
ಸ್ವರವರಣನೆ ದೇಹಸ್ತ ಪ್ರತ್ಯಾಸ್ವರ ಸೂರ್ಯಗತನೆ ಜೀವೇ –
ಶ್ವರ ವಿಶ್ವಚೇಷ್ಟಕ ವಿಭೀಷಣೆ ನಮೊ ನಮೊ
ನಿರದುಷ್ಟ ವೀತಭಯ ಭೀಮನೆ ನಮೊ ನಮೊ
ದರ ಚಕ್ರಧರ ವರ ಅಭಯಹಸ್ತ ಅನಿಲನೆ ನಮೊ
ವೈರಾಗ್ಯನಿಧಿ ಸ್ಥಿತಿ ರೋಚನ ನಮೊ ನಮೊ
ಚರಿಸಿ ಮುಕ್ತಿಯಲಿ ಆನಂದಪ್ರದ ಹರಿಯಾ
ನಿರುತ ಸೇವೆ ಮಾಳ್ಪ ವಿಮುಕ್ತಗಾನಂದನೆ ನಮೊ
ಶರೀರ ಸತ್ವಾತ್ಮಕ ಶುಚಿ ಅನಿಮಿಷೇಶನೆ ನಮೊ
ಪರತರ ಜ್ಞಾನಿ ದಶಮತಿರಾಯನೆ ನಮೊ ನಮೊ
ಮರುತರೊಡೆಯ ಹರಿಯ ಅಚ್ಛಿನ್ನ ಭಕ್ತನೆ
ನಿರುತ ಪಂಚಪ್ರಾಣ ರೂಪ ಧರಿಸಿ ನಿಂದು
ಸರುವದ ಹರಿ ಪಂಚಾತ್ಮಕ ರೂಪ ಸೇವಿಪನೆ ನಮೊ
ಪರಮಾಣು ಮಹದ್ರೂಪನೆ ನಮೊ ನಮೊ ಎಂಬೆ
ಬರದು ಅಜ್ಞಾನದಿ ದೋಷ ಮಹಾ ಪ್ರಳಯದೀ
ತೆರದಲ್ಲಿ ನಿನ ಅಂಶ ಅವತಾರಾದಿಗಳಿಗೆ ಭೇದವಿಲ್ಲೆಂ –
ದೊರೆಯುತಿಹವು ಐತರೇಯ ಶ್ರುತಿಗಳು
ಕರೆವರು ಜ್ಞಾನಿಗಳು ನಿನಗೆ ಅಮೃತನೆಂದು
ಸ್ಮರಹರನಿಗೆ ನಿನ್ನ ಚರಿತೆ ವರ್ಣಿಸಲೊಶವೆ
ಪರಮ ಪಾಮರನಾನೊರಣಿಪುದಕೆ ಶಕ್ತನೆ
ನಿರುತ ನೀನೆ ಎನ್ನ ಮನೋಮಂದಿರದಲ್ಲಿ ನೆಲಸಿಪ್ಪ
ಮರುತಾಂತಸ್ಥ ಹರಿ ಬರೆದಂದದಿ ಬರೆದೆನಿದು
ತರತರದ ಜ್ಞಾನಿಗಳು ಮೆಲಿದ ಉಚ್ಛಿಷ್ಠ ಉಂಡು
ವರದೆನಲ್ಲದೇ ಎನ್ನ ಸ್ವಮತಿಯಲ್ಲಾ
ಮರುತಾವತಾರನಾದ ಹನುಮನೆ ನೀನು
ಭರದಿಂದ ರಾಮನೆಂಜಲೆಡೆ ಕೊಂಡು ಪೋದಂತೆ ಆ –
ತುರದಿಂದ ನಿನ್ನವರ ಎಂಜಲುಣಿಸಿದಕೀ –
ವರ ವೈಷ್ಣವ ಜನುಮವಿತ್ತು ಎನಗೆ ನೀನು
ವರವೀವ ವರದೇಂದ್ರರ ಆಶ್ರಯ ಪಾಲಿಸಿ
ಸುರರೊಡೆಯನೆ ನಿನ್ನ ಸೇವೆ ಇಪ್ಪತ್ತೇಳು –
ವರುಷವಿತ್ತುದದಕೆ ನಿನ್ನ ಇಪ್ಪತ್ತೇಳು
ಕಾರಿಯ ರೂಪಗಳಿಗೆ ಮೊರೆ ಹೊಕ್ಕೆ ಸಥೆಯಿಂದ
ಪರಿಪಾಲಿಸಯ್ಯ ಆಹೇಯ ವೈಷಿಕ ಸುಖ
ಹರಿಸಿ ದೂರೋಡಿಸಿ ನಿನ ಪದ ಸ್ಮರಿಪ ಭಕ್ತರ ಸಂಗ
ಇರಳು ಹಗಲು ನಿನ್ನ ಪಾದಸ್ಮರಣೆಯಿತ್ತು ಜ್ಞಾನ –
ವಿರಹಿತನ ಮಾಡದೇ ಸರ್ವಕಾರ್ಯಗಳಲಿ
ವೆರಗಿಸು ಮನವನು ನಿನ್ನಂತರ್ಯಾಮಿ
ಹರಿಯಲ್ಲಿ ಬಿಡೆ ಬಿಡೆ ನಾ ನಿನ್ನ ಚರಣಯುಗಳ
ಕೊರಳಿಗೆ ಕಟ್ಟಿ ಗಾಯನ ಮಾಡಿ ಕುಣಿಯುವೆ
ಅರವಿದೂರನೆ ನಿನ್ನ ಅಹಿತ ಬೇಡುವದಿಲ್ಲ
ಹರಿಯ ಪದ ಭಕುತಿ ವಿಷಯದಿ ವಿರಕುತಿ
ಸಿರಿ ರಮಣ ಸುಂದರವಿಟ್ಠಲ ಭಕ್ತನೆ ಈಯೋ
ಹರಿಯಾಜ್ಞೆಯಂತೆ ಮುಕ್ತಿದಾತೃನೆ ನಮೊ ನಮೊ || ೧೩ ||
ಜತೆ
ಇನಿತು ಚಿಂತಿಸಿ ವ್ರತವೀ ಜನುಮದೋಳ್ ಮಾಡಲು
ಹನುಮನೊಡೆಯ ಸುಂದರವಿಟ್ಠಲ ಪೊಳೆವ ||
ಶ್ರೀಗುರು ಮಧ್ವೇಶ ಶ್ರೀಕೃಷ್ಣಾರ್ಪಿತವು.
SrI suMdaraviTThala dAsArya viracita
(SrI gorAbALa hanumaMtarAyaru)
SrIhanumadvrata kathA suLAdi
rAga: kApi
dhruvatALa
vratave uttama vrataveMdu pELiharu
atuLa j~jAnanidhi vijayAKya gurugaLu
satata adhyAtuma anaMta vrataveMdu
kShitiyoLu I vratake sarigANeno
patita mAnavara uddhAragOsugavAgi
dvitiya uttama vratavu hanumadvratavo
yatana j~jAnEcCA SaktyAdigaLige niruta
jateyAgi kArya mALpa j~jAnAKya vratavo
atiSayavAda j~jAna Bakti viraktivIvudu
mativaMtaru manake taMdu tiLidu
kShitipati dharmarAjanesagida mahA vratavo
patiBakuti yukutaLAda draupadiyU
pati mUrlOkada SrIkRuShNanupadESadaMtye
mita j~jAnadiMda carita vratavo
hitavaMta hanumaMta pita rAmanige pELe a –
cyutanAda rAmanu mativAn hanu –
maMtana Bakutige volidu mADda vratavo
satata sUtaru SaunakAdyarigidara mahime
miti illadE pELi mADisida vratavo
vRutatijAsana priya suta suMdaraviTThalana Ba –
kuti j~jAnavIva mahASrEShTha vratavo || 1 ||
maTTatALa
jAnhavI tIradali SaunakAdya munigaLu
dhyAni sUtara kuritu sAnurAgadi namisi
mENu BakutiyiMda j~jAnavaMtare nimmiM –
dAnEka vratamahimeyAnu kELi nitya
dhEnisuvevu hariyA punItara mADuvA
kANOvanya vratavu Avudu pELenalu
prANada pAvaniya paratara priyavratavu
sAnurAgadi nitya SUdrAdi nAlku
jANa varNariMda mADvadakke yOgyavo
Enu bEDidare taDiyade koDuvudo
j~jAnijanagaLigella maMgaLatama vratavu
Enu pELali matte ArOgya aiSvarya putrAdigaLIvudu
SrENi dinapratidinadalli varavidya pradavo
hAni lABagaLalli hanumaMtana nenase
mAnanidhi suta suMdaraviTThalana
dhyAna dhAraNavIva uttumA mahavratavo || 2 ||
rUpakatALa
oMdAnoMdu samayadalli SrIvyAsa SiShya –
vRuMdadiMdoDagUDi yudhiShThirana nODalu
aMduLLa dvaitavanake naDetaMdaru EnaMbe
caMdAda nirvaira mRugavRuMdagaLiM kUDiruva
kuMda maMdArAdi puShPa Pala vRukShagaLiM SOBipa
kuMdu dUrODisida j~jAnigaLa samUhavu
CaMdadali kAvyaShaDaMGri niratarAgi
muMde adhyayana Sruta saMpannarAdavaru
oMdoMdu vEda Rugu yajuHsAmAtharvaNa
oMdoMdu SAKA SAstradi pravacanAsaktaru
miMdu haripadajaladi caturavEda GOShadi
saMdEhavilladalE BagavadgItA lIlA
eMdeMbuva harikathAmRuta pAna mADuva
saMdOha munigaLige nityAnna dAnava mADi
baMdhugaLiM sahita iruva yudhiShThiranannu
suMdaraviTThalAtmaka vyAsadEvanu
aMdu dvaitavanadalli kRupAdRuShTiyiMda nODidanu || 3 ||
JaMpitALa
kRuShNadvaipAyanA munigaLAgama kELi
kRuShNe sahitA anujaroDane kUDi
jEShThanAda yudhiShThiranu tA dUra naDetaMdu vA –
siShTha kRuShNage sAShTAMga praNAmagaLa mADi ni –
rdiShTavAdEkAMta sthaLake karetaMdu
SrEShThavAdAsanada mEle kuLLirisi
jiShNvAdi kRuShNeyoDane utkRuShTa pUjeya mADe para –
mEShThi janakanu tAnu tuShTanAhe
SiShTAcAradaMte kuSala praSneyu mADda ni –
rduShTa BImArjunare ASviniyarE mana –
muTTi haripAda Bajaneya mADi suKigaLAgihyare ?
dhiTTatanadale tapavanesagi kirITiyU
niShThiyali maharudranolisi pASupataveMbu –
tkRuShTAstra saMpAdaneyu mADidadu kELi
hRuShTanAdeno nAnu nimmiMdali kUDi
kaShTa baDutiruva nina duHKa SAMtyartha
iShTavIvudakAgi baMdihanu rAjA yu –
dhiShThirane kELuttuma vratavu ninagOsuga
sRuShTigoDeya suMdaraviTThala pELvenenalu
niShThiyiMdali dharmatanaya nuDidanu || 4 ||
triviDitALa
namo namo tAta mahA KyAtavaMtare nimage
namo namo namo eMdu binnaisuve
Srama parihara vratavAvudadara mahime
sumanasaroDeyane pELayyA jIyyA
kumati pariharisuva dEvate Aru u –
ttuma niyama Avudu pUjAkramavu
Same damevIva niyama tithi Avudu
rame ramaNane Ava mAsadali mADOdu
Samala vivarjita vyAsadEvane nimmA –
gamanavu emmaya kaShTa dUrODisalu
samIcIna matiyittu Baktara pAlipudenuta
samacitta uLLa munigaLa kUDa namisalu
BramaNa matiya kaLeva hanumAn ha –
numannAma punaH punaH smarisi SrIvyAsaru
amama pELalEno hanumadvratavO
dhImaMta hanumaMtana nAmOccAraNeyiMda
sAmasta kArya siddhipadu saMSaya byADi
A mahA duShTa grahOccATana jvarAdi
tAmasa rOga nivAraNavAguvadu
prEmadiMdali kELu bahu vAkyagaLiMdEnu ?
sImegANada aBIShTapradAyakavo
nI mareyadiru hiMde dvArakiyalli
SrImadviShNuve kRuShNa pAMcAliya ni –
ssIma Bakutige volidu I mahA ha –
nUmadvratavannu upadESisi
nEmadiMdalI vratavu mADisiralu
kAmita PalavIvA vratada mahime A
svAmi anugrahadi saMpadaiSvaryAdi
A mahA stOmagaLu prAptavAgalu nimage
I mahA vrata mahime tiLiyada pArthanu
prEmadiM draupadi dharisida dOrava nODi
hE mahiShiye idEnnennalAgi
tAmarasanayane SrIhanumaddOravenne
A mahA aiSvarya garvike krOdhAdi ni –
ssIma parAkrami nuDida arjunanu
kAminiye kELu A hanumaneMbo kapi
nA mudadi dhvajadalli dharisiruvenu I
marmavanu tiLiyade A vanacara SAKAmRuga
kAmitaPala koDaballade kELinnu
pAmara vratadiMda vaMcisidelladE nInu
kAmijanara teradiMdali arjunanu
BAme draupadi dharisida trayOdaSa graMthiyukta
A mudada dOravanu haridu bisATalu
hEmAdi sakala saMpadaiSvarya rAjyavu
BUmi sahita prAptavAdudella pOge
BrAmaka matiyiMda nIvugaLI pari
SrImadAMdhadiMda prAptavya duHKa Palavu
svAmi Aj~jadi hadimUroruSha pariyaMta
nEmisidaMte anuBavisabEkayyA SrI –
rAme manoramanu initu nuDiye
svAmi Aj~java tiLida draupadi dEviyu
hE mahatmare SrIvyAsara nuDi nijavO
BImaBavAbdhi dAMTisuva suMdaraviTThalana
nEmagaLellA tiLiyalOSave eMdigu || 5 ||
dhruvatALa
kELayyA dharmarAja Alasa mADade
pELuve ninagoMdu purAtana katheyu
Alisi manake taMdu bALu cannAgi nInu
SIle sIteya nODuva icCA uLLa mA –
lOla rAmanu nitya lakShmaNanoDagUDi
mElAda RuShyamUka giriya madhyadalli
SIla BakutiyuLLa hanumaMtana darSanAge
ALuva kapi rAjya sugrIvana saKyavanu ba –
hALa matiyuLLa vAyuja mADise
nAlaku mAsa maLegAlavu vAsa mADda
kAladali hanumanu rAmadEvage namisi
nIlamEGaSyAma SrIrAma nIninna
bAlana binnapa manake taralU
pELuve nimma sannidhAnadalenna nAma mahime
mElu sileyanuddharisida SrIrAma nInaj~jane
kAla jananadali iMdraniMdali enna
mElAda vajrAyudhadiMda hanu GAtisalu
BUlOkadalli aMdinAraBya hanumaneMdu KyAtanAge
kELayyA aMjanAdriyalli sUryOdaya
kAlake prakaTanAda bAla raviya nODi haNNeMdu
mElAgi BakShipudake uDDANa mADalAgi
I lIleya tiLidu lOkaSikShaNagOsuga
kAla vajrAyudhadiMda hoDeyalu mUrCita
bAlanaMte biddavanenna nODi svAhA –
lOlana saKanAda vAyudEvanu enna
mElina prItiyiMda sarvajIvara SvAsa
kAlanAmaka BagavAnicCeyaMte tRuTi –
kAla biDade mADva SvAsa nirOdhise Saci –
lOlaniMdenna putrana keDahiralavanannu I
kAla lavadalli keDahenenalu A –
kAladali brahmAdi dEvategaLu sAkShAtkArarAgi
Olaisi pELda mAtu enagOsuga AMjanEyA
bAlane ciraMjIviyAgu nIne parAkrami
mElenipa SrIrAmana kAryasAdhakanAgenuta
bAla hanumana pUje mADdaru dEvategaLu
mElAda mArgaSira Suddha trayOdaSi
kAla aBijin muhUrtadalli Aru pUjiparo
Alasavillade puruShArtha hoMduvareMdu
tALa myALaroDane varava nIDi pOdaru
AlayA svarga satyAdi lOkake aMdu hIge
pELe suMdaraviTThala raGurAmanu nasunage –
yAli olidu hanumage hasanmuKanAgi iralu || 6 ||
maTTatALa
Bakuta vatsala nInu BakutaricCida nInu
Bakuta bAMdhava nInu BakutaroDiya nInu
Bakuta pAlakaneMba biruduLLava nInu
BakutariMdali nInu ninniMdale Bakutaru
akaLaMka aiSvarya satu citu AnaMdAtmA
mukuti pradAtane sarva svAmi nInu
sakala lOkagaLoDeya ninniMdale sarva
vyakutavAgvadu satya sarvaj~janu nInu
Bakutara manadiMgita tiLiyadavane nInu
aKiLa brahmAMDadarase namonamo namonamo
BakutariMdalE ninna KyAti mUrlOkakke
BakutarE ninnayA mahimeya hogaLuvaru
Bakutaru ninniMdale kIrtivaMtaraharu
akuTila praBO nInu nA ninna nija Bakta
sakala kAladalli ninna nA mareyadalE
viKanAsAMDadalli sEve mALpadu nijavAge
Sakutane ena kIrti ninniMdAgali viBO
ukuti lAlisu praBO tavacittava dhAre
Bakuta hanumaMta initu vij~jApisi nilalu
prakaTita aSarIra vAkyavu biDadale
sakala nuDi hanumA satyanADidanenalu
sukara EkamEvadvitiya suMdaraviTThala tuShTanAhe || 7 ||
JaMpitALa
mAsa mArgaSIrSha Suddha trayOdaSi
A sumuhUrta jayA aBijin kAlake
SrISa rAmanu hanumadvratava mADda trayO –
daSa graMthiyuta haridrA dOragaLali
BAsurA mativIva hanumanAvhAnisi
pESalA pItagaMdha vastra puShTigaLiMdalI
SrIsIte vakShasthaLadippa nityAviyOgini
A sugrIva lakShmaNAdigaLoDane nesagida nEnaMbe
lESa biDadE “OM namO BagavatE vAyunaMdanAya”
I sumaMtrava japisi tA sahasadi mADdanO
dESaparimita prastha trayOdaSa gOdhUmavanu
A sudakShaNe tAMbUla saha dvijarigitta dAna
mIsalA manadi I satkatheyanu kELi
BESamuKi sItiyaLa kUDdaneMbadu KyAti
A satyalOkarige Adudu accarave pUrNakAmanige
klESanASanavu sugrIvanige viSEShavAdudu satyavenni
tOShadali viBIShaNa SrIrAmanAj~jeyiM mADdu
dESa laMkeya rAjyavanu paDedanu
hE sumatiyE kELaMdinAraBya BUlOkake
lEsu viSrutavAditai hanumadvratavU
A susaMvatsara trayOdaSa pariyaMta mADduda –
kIsu udyApaneyayyA Adi madhyAMtakE
“mAsAnAM mArgaSIrShOhaM” eMdu gIteyali
A svAmi divya nuDiyuMTu kEL dharmajane
strI sahita anujaroDanE I vratavanu
mESanAj~jeyideMdu mADalu ninage rAjya
kOSa BAMDAra prAptiyAguvadu
lESa saMSaya byADenalu SrIvyAsa
A suMdaraviTThalana Bakutaru mudaBaritarAge || 8 ||
rUpakatALa
raviyu vRuScika rASige baralAgi
saveyAda padavIva vratava mADuvadakke
kavaLA aj~jAnAKya rAtri kaLedu
suvimalA j~jAnAKya prAtaHkAladaleddu
kavi vyAsara muMde mADi dharmajanu
suvivEka buddhiyiM snAnAdigaLa mADi
haviShAdi dravyagaLali hariya ciMtisi mA –
dhavanAj~jeyaMte udyApanavaM gaidu
kavyavAhananalli mUlamaMtradiMda
lavakAla biDadale vEdasUktagaLiM hOmisi
navaBakutiyali hanumaMtana vratAcarisalu
havaNisi saMvatsaravu pOgalu pAMDavaru
bavaradalli kauravara gelidu nijarAjya paDedareMdu
pravacanAsakta sUtAcAryaru Saunakare
tavakadali nIvI vratavanu mADiraiyyA
BaviShyOttaradalli pELiharu vyAsadEva
pavamAnisuta hanumadvrata mahimeyanu
javaBakutiyali mADe suMdaraviTThala volivA || 9 ||
triviDitALa
(adhyAtma-samAlOcane)
paramAtma SrIrAma paripUrNakAmanu
puraharanuta Ipari BakutanaBilAShe
paripUraisidanallade idariMdEnu prayOjana pA –
mara mati tyajisi tiLiye mAnavaru nitya
“yadyadAcarati SrEShTha taddEvEtarOjanAH”
suraroDiya pELiha satyavAkyavu
sariyenni muMde anEka pramEyagaLuMTu
paramAnaMdaBaritA suj~jAna vij~jAnAtuma
muravirOdhiya rUpA puMstrI BEdadali
eraDuMTu eMdigU nityasatyavAgi
aravidUraru initupAsaneya mADuvaru
nirutadali AnaMdamaya puruSha tAnu
svaramaNanu tanna vij~jAnAKya strIrUpadi
carisi suKapaDuva AnaMdamaya rAma
haranaiya hanumaneMbudu j~jAnake Sabda
varadoradu pELihyavu anEka SrutigaLu
karaNaSuddhili tiLi
“ramaMte yasmin yOginaH” rAmeMdu
Barita “AnaMdamaya rAmanu” hanumABidA –
turada j~jAna vij~jAna rUpadi ramisi AnaMda –
BaritanAdanu mudadiMda kELi muMde
karuNAkara rAma mADida cariyavu
sarasavAda mArgaSIrSha vRuScika mAsEnu ?
haritABa trayOdaSi graMthi dOravEnu ?
mereva trayOdaSi jayA aBijin Enu ?
vara gOdhUma parimita prasthavAvudu ?
suragaMgeyAda jAhnavi tIravAvudo ?
paurANika sUta SaunakarArayya ?
parama maMgaLayukta dvaitavanavAvudu ?
parASaratanaya vyAsare sarvatradali
aranimiSha biDadale vyAptanAgippanu
varavEdAdi viBAgagaisi
nirNaisida cAritranO ?
smaranaiyya SrIkRuShNa vara pAMDavarAru ?
marutAtma BIma arjuna aSvinEyaru
niruvaira dharmaja kRuShNe Araiyya tiLiye ?
saruva adhyAtma adhidaivadiMdale miLita
siri vara suMdaraviTThala tAniMdu dayadi
guruvaMtaryAmi pELisidaMte pELve || 10 ||
JaMpitALa
sAdhanava mADuvA mAdhavana BakutarE
bAdarAyaNara matake anukUlavAgi
Adaradi SrImadAnaMdatIrtharuktiyaMte
sAdaradi oreve j~jAnigaLa padakeragi
A dvaitavanave suKaduHKa saMsAravanadhi a –
gAdha dATuvadake jIvigaLu nitya
sAdhana sAdhya siddharu mUru bageyali
mOda BaritarAda vara j~jAnigaLa saMgadali
BEda paMcaka taratamavaritu avarige a –
nnAdigaLa koDalu SrIhari prItanAgi
kAduvA karma vikarmagaLa taggisalu
mEdiniyoLu vara brAhmaNa janumavittu
BUdEvarAda j~jAnigaLali Bakuti ittu
KEda dUrODisi j~jAnavIvudake mahA
sAdhugaLa saMgatiyittu SravaNa mana –
nAdi nidhidhyAsavanIyalU SrI –
pAdatIrtha “gaMgA iDAKyanADi” –
yAda nadiyE jAnhaviyali miMdu SuciyAgi
krOdharahita sUtapaurANika gurugaLu
mOdaBarita j~jAnaBaktivairAgya hari –
pAdadali prasavisuva sUtarali
sAdhanA sAdhya BakutareMba Saunakaru
AdhyAtumA adhidhaiva tiLiyE praSnavu
Adaradi mADdudEnaccaraveMdu tiLiyabEDi
A dharmajane muKya SravaNakke aBimAni
tA dUradali bAhiradalidda SabdAdigaLa gaMdhaj~jAnA –
vAdudake aSviniyaru I manave caMcala –
vAda mada madakari kaTTalu A arjunane iMdranu
tAyadi Bakuti vIvudake BArati kRuShNe
I dayiteyoDeya mahAj~jAna vAyu BImA
A durita kaLevudake SrIkRuShNana pra –
sAdavE muKyavu “EnaM mOcayAmi”
sAdhanadI vidhadi SravaNAdi navaBakuti Barita
mAdhavana viBUti pUrNaviruva mAsa –
vAda kAlave mArgaSIrSha navamA –
vAda kAraNadi bahu SrEShThavahudaiyya ravi –
yAda savitRunu vRuScikakudayanAge samagatiyeMdu
Adaradi budharu pELuvaru BAgavatadi mana ni –
rOdhisi citta samaviDuvadE vRuScika rASi eM –
b~hAdiyane tiLiyalu raviyudaya mihirAKya j~jA –
nOdayadi samamanaskanAgalU cittadalli
tA dayadi adhOkShajanu poLevanu I
Adi mUrutiye kapila kalki hayA –
syAdi trayOdaSa mUruti tithi tra –
yOdaSake aBimAniyAda kubEranali
niMdu sthira dharma buddhi mOdadiM pAliparu
kapila kalki rUpAdi suprakAsyavE aBijin
kAla ravi acalanAgihyaneMdu
sAdhu sammatavAda I marmava tiLidu A –
rAdhisu j~jAnAKya aBijin prakASadali jayavU
A dIpadali prakASisuva guNaviruvadAdudariMda
“dIpa saMyOjanAj~jAnaM putralABOBaveddhruvaM”
vAdigaLa palmuriva budhara vAkyave uMTu
mEdini suraru tiLiyiri A trayOdaSa rUpa
I dIpaveMba j~jAnAKya prakASavu
vEdavyAsAdi rUpagaLiM AguvadeMdu
vEda sAmadiM kAlarUpagaLa tiLuvaLikeyAgalu
vEda vistarisidA vyAsara daya bEku A
vEdagaLigella prakRuti Suddhare aBimAni –
yAda Irvara pitanu kRutipati dEva –
nAda pradyumnaneMdu gAyana mADirO sAma –
vEdakke aBimAni haritABa pradyumnanO
BEda j~jAnanIva hanumAnupaniShat sAma –
vEdIyavAda kAraNadi haridvarNavuLLa –
yAda dOrave pradyumnAKya karuNAmAle
A dEvategaLella madhuvidyA upAsakarAgi
Urdhvagata ravi raSmi pItavarNa viSiShTAnEka
vEda samUhagaLiM stuti mADi j~jAnAKya –
vAda mahOdadhiyalli muLugi AnaMda baDuvaru nitya
mOdAryaraMtaga suMdaraviTThala nuDisidaMdadi nuDide || 11 ||
aTTatALa
A pItavarNa viSiShTa dOrada graMthi
SrIpradyumnana j~jAnAKya rUpaga –
LI pari ciMtisi hanumannAvhAnisi
A puruSha vaikuMTha anaMtAsana SvEta –
dvIpa maMdirana mUru rUpagaLoMde
tApasi badarinivAsi vEdavyAsa dEva mattE
BUpa mahidAsa SiMSumAra hayaSIrSha
kOpa kaLeda dhanvaMtri kalki vaDaBA
pApahara kapila haMsavaktra RuShaBa yaj~jA –
dI praSnigarBa j~jAna rUpagaLu nityA
I pari suj~jAna koDuvaru biDadale
mApati rUpagaLaMte anudinadalli
SrIpayOnidhisute rUpa dhyAnisu satata
I poDaviyoLidaraMte hanuma vAyu
rUpagaLu biDade sEve mALparu hariyA
I pathadiM suj~jAnigaLu carisuvaraiyyA
A puNyaveMba suparimaLa gaMdhAnu –
lEpana SAstrAlApanave SrItulasi pU –
cApanaBimata manOvRuttigaLe puShpa
kOpave dhUpavu BaktiyE BUShaNa
vyApisida sadbuddhi CatravayyA
dIpave suj~jAna ArArtigaLe guNakathana
pAparahita hari rUpagaLaikya ciMtisuvade
sOpaskAra nivEdana naivEdyaveMdu
I pari ShODaSOpacAra vidhAnadiM –
dI pUje adhyAtumadalli adhidhaivaga –
LI pari vyApya vyApaka rUpagaLa dhyAnise
nI paripAlipadeMdu Bakuti snEha
rUpa snigdAKya gOdhUmavanu nInu
SrIpati trayOdaSa BUpa brAhmaNa –
rUpagaLigarpisu manOvAca kAyika dakShiNe
rUpa viSiShTa tAMbUla gaMgA hari –
rUpa dravadi avaBRutanesagu j~jAnAKya yaj~ja
“nahi j~jAnEna sadRuSaM pavitramihavidyatE”
A paramAtma pELihadu nija naMbu
KyApiKyApige hanuma hanumaneMdu nuDiye
SrIpati suMdaraviTThala volidu nalidADuvA || 12 ||
AditALa
(PalaSruti)
aritu I pariyiMda sarasa j~jAna hRudi
saritu salila dhyAnadi niruta miMdu
saruva rAgadvESha malavannu kaLedu
paratara j~jAna saMpAdisali bEku
hara muKya tAtvarige ide ide vrata muKya
niraMSigaLAda mumukShugaLI pari
vratavanu mADe j~jAna doreyuvadaccaravE ?
Barita Bakti yiMdAru kELi mADvaru satata
baredadu I kalpa Ara maneyallihadu
niruta paThaNe vrata mADida puNyavu
dorevudu saMpUrNa manOratha siddhipudu
vara brAhmaNa vEdavEdya SrImaMtanAha
dhuradi kAduva kShatriyanige parAkrama
baruvadu vaiSyanige dhanada kOSavu
caraNaja SUdranige mahA kRuShi dhana prApti
vara ArOgyavu rOgige putrArthige putralABa
eraDoMdu dharmakkellanukUlAda dravyAgama
parama maMgaLa mOkShArthige mOkShavu
smarisuta hanumannAma prayANa mADalu
saruvada vijayapradanAgi tirugi baruva tI –
varadiMda nararI pari BakutiyiMda vrata mADI –
pari mUrAvarti “OM namO BagavatE vAyunaMdanAya”
vara maMtradiMda gaMdha lEpana mADi PaNige
smarisi tilakavaniDalu lOka rAja vaSa sadAcAra
niratanAhanu sarvatra saBeyalli
baruva vyavahAra dyUtAdi vyasanavu
karakarigoLisuva siMha vyAGra BayadiMda muktanAha
saruva kAryagaLiM sarvatra vijayanAha
tvarita trayOdaSa graMthiyukta hanumaMtana
harita dOra kaMTha dakShiNa karadallAdaru
dharisidare sarvABIShTa siddhisuvadu nissaMdEha
vara brAhmaNa kShatra vaiSya SUdrarige saMpa –
tkara viSESha pativrata strIyarige
niruta j~jAnaBaktyAdigaLIvudu satya satya
hari vEShadhAri hanumaMtana vratavu
hariya maMgaLanAma mahime tiLisi nityA
hari volimeyAgi hariyu volivanu satya
vara vyAsadEvanu niruta vij~jAnadali
carisida I pari stOtra mADirai j~jAnigaLu
(vAyudEvara mahAmahime varNanapUrvaka namana)
vara kapi hanumane vAyuputrane namo
maruta BAvi brahma padArhane namo namo
kareva mahABIShTa sadAkAla namo namo
niruta rAmaBakta hanumane namo namo
smaranayya kRuShNaprIya BImane namo namo
guru vyAsaSiShya madhvarAyane namo namo
saruva vEdagaLiMda stutyane namo namo
paripUrNa j~jAnaBakuti virakutane namo namo
Barita lAGava Saktane namo namo namo
kareva vidyAbuddhi kuSalane namo namo
siriye mAdhurya tEja SuBavAku namo namo
paratara pUrNa dhairya Sauryane namo namo
mereva aBaya kIrti prAj~jate prANa namo
hari rUpagaLaMte rUpadharane namo namo
niruta hari guNarUpakrIyA dhyAna mALpane namo
saruva lOkakke dvitiya ISvara namo namo
eraDu vidhada muktidAtane namo namo
paramEShThi AraBya sakala jIvarali
niruta haMsamaMtra japtane namo namo
karaNa manAdi vyApAra niruta biDade mADdu
niravikAranAgi iruvane namo namo
saruvada strIrUpa dharisi hariya voDane
paripari krIDe ramisidAnaMda harige arpipa namo
niruta svarUpadi biDade vyAptane namo
carisi liMga avyakta aniruddha
SarIra prAkRuta sthUla kArya mALpane namo
karaNa niyAmaka tatvaroDeyane namo namo
niravyAjadiM hariya pUjipa Baktane namo namo
paramANu jIvigaLige dEha koDuvane namo
karuNALu nityanAgi tanapada jIvigaLali
carisi SvAsOcCvAsa tuLasidaLagaLa nitya
vara mUlESage arpipa lALUkane namo
mereva dvAsapta nADigaLali vyAna rUpI –
pariyu dharisi hariya meccipane namo namo
kareva annamayAdi kOSagaLalippane namo namo
tvaritadi paMcaparvadi kArya mALpa
surarallippa paMcarUpane namo namo
svara vyaMjananudAtta udAttane namo namo
vara brahmanADigata udAnane namo namo
saruva kamalagaLalli niruta vyAptane namo
smarisi haripada pUje mALpane namo hRunmaM –
dirada maMTapa dvAragata paMcaprANane namo
harirUpa nOLpudake kannaDiyAgippane namo namo
caraNa smaripa Baktara dOSha kaLevane namo A –
turadiMda dakShiNAkShigata gOvatsa rUpane namo namo
baruva mUrAvasthige niyAmaka namo namo
paripari rUpadi saptadhAtugatanAgi
vara sapta CaMdassugaLiM stOtra mALpane namo
niruta AKaNASma kAyane namo namo
kara caraNAdi avayavadi vyAptane namo
saruva rOma kUpagaLallippane namo namo
varaTaLenipa lakShmIvara haMsOpAsakane namo
puruTa garBAMDadi KETa kukkuTa jalaTa
dharisida trikOTirUpa kApilane namo namo
saruva jaDa jaMgamadi vyAptane namo namo
vara caturdaSa lOka praBuve namo namo
svaraNa varNa brahmAMDa bAhiradalippane namo
niruta navAvaraNa avyAkRuta gaganadi
harirUpa guNakrIya tiLivane namo namo mahA –
nmaruta dhRuti smRuti bala viKyAta namo
guruvara viKyAta mahA dhyAtane namo namo
garaLaBuk BavarOga BEShaja namo namo
svaravaraNane dEhasta pratyAsvara sUryagatane jIvE –
Svara viSvacEShTaka viBIShaNe namo namo
niraduShTa vItaBaya BImane namo namo
dara cakradhara vara aBayahasta anilane namo
vairAgyanidhi sthiti rOcana namo namo
carisi muktiyali AnaMdaprada hariyA
niruta sEve mALpa vimuktagAnaMdane namo
SarIra satvAtmaka Suci animiShESane namo
paratara j~jAni daSamatirAyane namo namo
marutaroDeya hariya acCinna Baktane
niruta paMcaprANa rUpa dharisi niMdu
saruvada hari paMcAtmaka rUpa sEvipane namo
paramANu mahadrUpane namo namo eMbe
baradu aj~jAnadi dOSha mahA praLayadI
teradalli nina aMSa avatArAdigaLige BEdavilleM –
doreyutihavu aitarEya SrutigaLu
karevaru j~jAnigaLu ninage amRutaneMdu
smaraharanige ninna carite varNisaloSave
parama pAmaranAnoraNipudake Saktane
niruta nIne enna manOmaMdiradalli nelasippa
marutAMtastha hari baredaMdadi baredenidu
taratarada j~jAnigaLu melida ucCiShTha uMDu
varadenalladE enna svamatiyallA
marutAvatAranAda hanumane nInu
BaradiMda rAmaneMjaleDe koMDu pOdaMte A –
turadiMda ninnavara eMjaluNisidakI –
vara vaiShNava janumavittu enage nInu
varavIva varadEMdrara ASraya pAlisi
suraroDeyane ninna sEve ippattELu –
varuShavittudadake ninna ippattELu
kAriya rUpagaLige more hokke satheyiMda
paripAlisayya AhEya vaiShika suKa
harisi dUrODisi nina pada smaripa Baktara saMga
iraLu hagalu ninna pAdasmaraNeyittu j~jAna –
virahitana mADadE sarvakAryagaLali
veragisu manavanu ninnaMtaryAmi
hariyalli biDe biDe nA ninna caraNayugaLa
koraLige kaTTi gAyana mADi kuNiyuve
aravidUrane ninna ahita bEDuvadilla
hariya pada Bakuti viShayadi virakuti
siri ramaNa suMdaraviTThala Baktane IyO
hariyAj~jeyaMte muktidAtRune namo namo || 13 ||
jate
initu ciMtisi vratavI janumadOL mADalu
hanumanoDeya suMdaraviTThala poLeva ||
SrIguru madhvESa SrIkRuShNArpitavu.
Leave a Reply