Jagatpatiya Toramma

Composer : Shri Vijaya dasaru

ರಾಗ: ಮಧ್ಯಮಾವತಿ , ಆದಿತಾಳ
ಜಗಪತಿಯ ತೋರಮ್ಮ ಎನಗೆ ಕರುಣಾ ಮಾಡಮ್ಮ ॥ ಪ ॥
ಅಘಗಳ ಕಳೆವ ಅಮೋಘದೇವನ
ನಿನ್ನಯ ಜೀವನ ಭಕುತರ ಕಾವನ ॥ ಅ ಪ ॥

ಮೃಗಲಾಂಛನ ವದನೆ ಮೃದು ಸರಸಿಜ ಸದನೆ ।
ಹಗಲು ಇರುಳು ನಿನ್ನ ಸಂಯೋಗನ್ನ ಅನಂತಭೋಗನ್ನ
ಕಿರೀಟಿಯ ಬೀಗನ್ನ ॥ 1 ॥

ಭ್ರಮರ ಕುಂತಳೆ ಜಾಣೆ ಸುಮನೆ ಕೋಕಿಲಗಾನೆ ।
ಕಮಲ ತುಲಸಿಮಣಿ ಹಾರನ್ನ ಜಗದಾಧಾರನ್ನ
ದಶಾವತಾರನ್ನ ॥ 2 ॥

ಅಜರಾಮರಣ ಸಿದ್ಧೆ ತ್ರಿಜಗದೊಳು ಪ್ರಸಿದ್ಧೆ ।
ವಿಜಯವಿಟ್ಠಲ ಶ್ರೀನಿವಾಸನ
ತಿರುವೆಂಗಳೇಶನ ವೈಕುಂಠವಾಸನಾ ॥ 3 ॥

---

jagapatiya tOramma enage karuNA mADamma || pa ||
aGagaLa kaLeva amOGadEvana
ninnaya jIvana Bakutara kAvana || a.pa ||

mRugalAMCana vadane mRudu sarasija sadane |
hagalu iruLu ninna saMyOganna anaMtaBOganna
kirITiya bIganna || 1 ||

Bramara kuMtaLe jANe sumane kOkilagAne |
kamala tulasimaNi hAranna jagadAdhAranna
daSAvatAranna || 2 ||

ajarAmaraNa siddhe trijagadoLu prasiddhe |
vijayaviTThala SrInivAsana
tiruveMgaLESana vaikuMThavAsanA || 3 ||