Ramaa Suladi – Gopala dasaru

Composer : Shri Gopala dasaru

ಶ್ರೀ ಗೋಪಾಲದಾಸರ ಕೃತಿ – ರಮಾಸುಳಾದಿ
ರಾಗ: ಆರಭಿ

ಧ್ರುವತಾಳ
ಇಂದಿರಾದೇವಿ ಮಾತೆ ತಂದೆ ವಿಠಲನರ-
ವಿಂದ ಚರಣಕಿನ್ನು ಅಂದಿಗೆ ಗೆಜ್ಜೆಯಾದೆ
ಹೊಂದಿಕೆಯಾದ ಊರು ಜಾನು ಕೈಯ ಮೇಲೆ
ಚೆಂದದ ಸ್ವರೂಪ ಪೀತಾಂಬರೊಡ್ಯಾಣಾದೆ
ಮಂದರಧರನೊಕ್ಷ ಸ್ಥಳದಲಿ ನೀ ನಿಂದೆ
ಕಂದರದಲಿ ಚಿತ್ರವೈಚಿತ್ರ್ಯ ಪರಿಗಂಧವು
ಪದಕ ಹಾರಂಗಳು ಪುಷ್ಪ ತುಲಸಿ –
ಯಿಂದೊಪ್ಪುವ ಅಲಂಕಾರ ನಂದ ಶೋಭಿತಳಾದೆ
ಒಂದೊಂದು ಹಸ್ತದಲ್ಲಿ ಆಯುಧಗಳಾದೆ
ಚೆಂದುಳ್ಳ ಕಡೆಯ ತೋಳ್ಬಂದಿ ಭುಜಕೀರ್ತಿ
ಕುಂದು ಇಲ್ಲದೆ ಕರ್ಣಕುಂಡಲ ನಾನಾಪರಿ
ಅಂದವಾದರಳೆಲೆ ಸುಂದರ ಕಿರೀಟವು
ಸಂದಿಸಂದಿಗೆ ನಾನಾಭರಣಾಲಂಕಾರಳಾದೆ
ಇಂದಿರೇಶನ ಪ್ರತಿ ಅವಯವಗಳಲಿನ್ನು
ಇಂದಿರೆ ಪ್ರತಿ ಪ್ರತಿ ವಸ್ತುವಾದೆ
ಕಂದರ್ಪನಯ್ಯನ ಆನಂದ ಬೆರೆದು ಸುಖಸುರಿದೆ ನೀ
ಒಂದರಘಳಿಗೆ ಅಗಲದೆ ಇನ್ನು
ಕಂದ ಬೊಮ್ಮನು ಮತ್ತೆ ನಂದಿವಾಹನ
ಅಮರೇಂದ್ರ ಸನಕ ಸನಂದರಿಂದಲಿನ್ನು
ಕುಂದಿಲ್ಲದೋಲಗವ ನಂದಾದಿ ಕೊಳುತ ಮುಕ್ತ-
ರಿಂದ ಸೇವಿತಳಾಗಿ ಎಂದೆಂದು ಬಿಡದಲೆ
ಸಂದೇಹವಿಲ್ಲದೆ ಗೋಪಾಲವಿಠ್ಠಲನ್ನ
ಪೊಂದಿ ಸುಖದಲಿ ಚೆಂದದಿ ಮೆರೆದೆ || ೧ ||

ಮಠ್ಯತಾಳ
ಹರಿ ಅನಿರುದ್ಧನಾಗೆಸಿರಿಶಾಂತಿದೇವಿಯಾದೆ
ಹರಿ ಪ್ರದ್ಯುಮ್ನನಾಗೆಸಿರಿಕೃತಿದೇವಿ ಆದೆ
ಹರಿ ಸಂಕರ್ಷಣನಾಗೆಸಿರಿಜಯದೇವಿ ಆದೆ
ಹರಿ ವಾಸುದೇವನಾಗೆಸಿರಿಮಾಯಾದೇವಿಯಾದೆ
ಎರಡೆರಡವತಾರಕ್ಕೆ ಮರಳಿ
ಮರಳಿ ಚತುರವತಾರಗಳಾದೆ
ಪರಿಪರಿ ಅವತಾರಕ್ಕೆ ಪರಿಪರಿ ರೂಪಳಾದೆ
ಶರಣರ ಪಾಲಕ ಗೋಪಾಲವಿಠ್ಠಲನ್ನ
ಚರಣ ಕಮಲವನ್ನು ಪರಿಪರಿ ಸೇವಿಸುತ || ೨ ||

ತ್ರಿಪುಟತಾಳ
ಧರೆಯ ರೂಪದಿ ಹರಿಗೆ ಕುಳ್ಳಿರೆ ಗದ್ದುಗೆಯಾದೆ
ಮೆರೆವ ಅವ್ಯಾಕೃತ ಗಗನವೆ ಕೊಡೆಯಾದೆ
ಎರಡೆರಡೊಂದು ರೂಪದಿ ಹರಿಯಿತ್ತಲು ರಮಾ
ಮರಳಿ ಶ್ರೀರೂಪದಿ ಹರಿಯಿಂದ ಬೆರೆದು
ಸ್ವರಮಣನ ರಮಿಸಿ ಯೋಗನಿದ್ರೆಯ ಮಾಡಿ
ಹರಿಯಾಜ್ಞದಿಂದ ಅಂಭ್ರಣಿರೂಪಳಾದೆ
ಪರಿಪರಿ ಶ್ರುತಿಯಿಂದ ಸೃಷ್ಟಿಯ ರಚಿಸೆಂದು
ಹರಿಯ ಕೊಂಡಾಡಿದೆ ಹರುಷದಿ ನಲಿದೆ
ಹರಿಯ ನಾಭಿಯಲಿನ್ನು ಸರಸಿಜ ರೂಪದಿ
ವಿರಿಂಚಿಯನೆ ಪಡೆದೆ ಕರುಣಾಕರೆ ಮತ್ತೆ
ಅರಿವಂತೆ ಅಜಗಿನ್ನು ತಪತಪವೆಂದು ಅ –
ಶರೀರ ಹಿತ ನುಡಿದೆ ಅವ್ಯಾಕೃತಕಭಿಮಾನಿ
ಪರಿಪೂರ್ಣ ಗುಣಭರಿತ ಗೋಪಾಲವಿಠ್ಠಲನ್ನ
ಕರುಣದಿಂದೆರಡೆರಡು ಸೃಷ್ಟಿಯ ರಚಿಸಿದೆ || ೩ ||

ಅಟ್ಟತಾಳ
ಹರಿಯಾಜ್ಞೆಯಿಂದಲಿ ಜಡ ಪ್ರಕೃತಿ ದೆಸೆಯಿಂದ
ವರ ತ್ರಿಗುಣಾತ್ಮಕವಾದಂಥ ಮಹತತ್ವ
ಅದರಿಂದ ವೈಕಾರಿಕತೈಜಸ ತಾಮಸವನ್ನು
ಭರಿತವಾದಂಥ ಅಹಂಕಾರ ತತ್ವ
ಪರಿಪರಿ ಸೃಷ್ಟಿಸಿದೆ ವರಮಾಯಾ ನೋವಿಲ್ಲದೆ
ಪರಮದಯಾಳು ಗೋಪಾಲವಿಠ್ಠಲನು
ಕರುಣಿಸುವನು ನೀ ಕರವಿಡಿದವರ || ೪ ||

ಆದಿತಾಳ
ಮಹತ್ತತ್ವ ದೆಸೆಯಿಂದ ಬೊಮ್ಮನ ಸೃಷ್ಟಿಸಿದೆ
ಅಹಂಕಾರ ವೈಕಾರಿಕದಿಂದ ಮನಸ್ಸು
ಆ ಮಹಾ ಇಂದ್ರಿಯಗಳಿಗಭಿಮಾನಿ ದೇವತೆಗಳನ್ನು
ಅಹಂಕಾರ ಪಂಚ ತನ್ಮಾತ್ರೆಯನ್ನು ಸೃಷ್ಟಿಸಿದೆ
ಅಹಂಕಾರ ತೈಜಸದಿಂದ ಚಕ್ಷುರಾದಿ
ಇಹ ಇಂದ್ರಿಯಗಳನ್ನೆಲ್ಲ ಸೃಷ್ಟಿಸಿದೆ
ಅಹಂಕಾರ ತಾಮಸದಿಂದಲಿ
ಪಂಚ ಮಹಾಭೂತಂಗಳ ಸೃಷ್ಟಿಸಿದೆ
ಮೋಹದಿಂದ ಸಕಲ ತತ್ವೇಶರನ್ನು ಸೃಷ್ಟಿಸಿದೆ
ಆ ಹರಿ ಕರುಣಾಪೂರ್ಣ ಕಟಾಕ್ಷದಿ
ಈ ಮಹಾ ಜಗಕೆಲ್ಲ ಪ್ರೇಮದಿಂದ ಸಲಹುವೆ
ಮೋಹನಮೂರುತಿ ಗೋಪಾಲವಿಠ್ಠಲನ್ನ
ಸಾಹಸವಿಲ್ಲದೆ ರಹಸ್ಯ ಪೂಜಿಪೆ || ೫ ||

ಜತೆ
ನಮೋ ನಮೋ ನಿನ್ನ ಪಾದಕಮಲವೆ ಮೊರೆ ಹೊಕ್ಕೆ
ಮಮತೆ ಪುಟ್ಟಿಸೆನಗೆ ಗೋಪಾಲವಿಠಲನಲ್ಲಿ||೬||

---

SrI gOpAladAsara kRuti – ramAsuLAdi
rAga: AraBi

dhruvatALa
iMdirAdEvi mAte taMde viThalanara-
viMda caraNakinnu aMdige gejjeyAde
hoMdikeyAda Uru jAnu kaiya mEle
ceMdada svarUpa pItAMbaroDyANAde
maMdaradharanokSha sthaLadali nI niMde
kaMdaradali citravaicitrya parigaMdhavu
padaka hAraMgaLu puShpa tulasi –
yiMdoppuva alaMkAra naMda SOBitaLAde
oMdoMdu hastadalli AyudhagaLAde
ceMduLLa kaDeya tOLbaMdi BujakIrti
kuMdu illade karNakuMDala nAnApari
aMdavAdaraLele suMdara kirITavu
saMdisaMdige nAnABaraNAlaMkAraLAde
iMdirESana prati avayavagaLalinnu
iMdire prati prati vastuvAde
kaMdarpanayyana AnaMda beredu suKasuride nI
oMdaraGaLige agalade innu
kaMda bommanu matte naMdivAhana
amarEMdra sanaka sanaMdariMdalinnu
kuMdilladOlagava naMdAdi koLuta mukta-
riMda sEvitaLAgi eMdeMdu biDadale
saMdEhavillade gOpAlaviThThalanna
poMdi suKadali ceMdadi merede || 1 ||

maThyatALa
hari aniruddhanAge siri SAMtidEviyAde
hari pradyumnanAge sirikRutidEvi Ade
hari saMkarShaNanAge siri jayadEvi Ade
hari vAsudEvanAge siri mAyAdEviyAde
eraDeraDavatArakke maraLi
maraLi caturavatAragaLAde
paripari avatArakke paripari rUpaLAde
SaraNara pAlaka gOpAlaviThThalanna
caraNa kamalavannu paripari sEvisuta || 2 ||

tripuTatALa
dhareya rUpadi harige kuLLire gaddugeyAde
mereva avyAkRuta gaganave koDeyAde
eraDeraDoMdu rUpadi hariyittalu ramA
maraLi SrIrUpadi hariyiMda beredu
svaramaNana ramisi yOganidreya mADi
hariyAj~jadiMda aMBraNirUpaLAde
paripari SrutiyiMda sRuShTiya raciseMdu
hariya koMDADide haruShadi nalide
hariya nABiyalinnu sarasija rUpadi
viriMciyane paDede karuNAkare matte
arivaMte ajaginnu tapatapaveMdu a –
SarIra hita nuDide avyAkRutakaBimAni
paripUrNa guNaBarita gOpAlaviThThalanna
karuNadiMderaDeraDu sRuShTiya raciside || 3 ||

aTTatALa
hariyAj~jeyiMdali jaDa prakRuti deseyiMda
vara triguNAtmakavAdaMtha mahatatva
adariMda vaikArika taijasa tAmasavannu
BaritavAdaMtha ahaMkAra tatva
paripari sRuShTiside varamAyA nOvillade
paramadayALu gOpAlaviThThalanu
karuNisuvanu nI karaviDidavara || 4 ||

AditALa
mahattatva deseyiMda bommana sRuShTiside
ahaMkAra vaikArikadiMda manassu
A mahA iMdriyagaLigaBimAni dEvategaLannu
ahaMkAra paMca tanmAtreyannu sRuShTiside
ahaMkAra taijasadiMda cakShurAdi
iha iMdriyagaLannella sRuShTiside
ahaMkAra tAmasadiMdali
paMca mahABUtaMgaLa sRuShTiside
mOhadiMda sakala tatvESarannu sRuShTiside
A hari karuNApUrNa kaTAkShadi
I mahA jagakella prEmadiMda salahuve
mOhanamUruti gOpAlaviThThalanna
sAhasavillade rahasya pUjipe || 5 ||

jate
namO namO ninna pAdakamalave more hokke
mamate puTTisenage gOpAlaviThalanalli ||6||