Kugelo Manuja

Composer : Shri Vijayadasaru

ಕೂಗೆಲೋ ಮನುಜ ಕೂಗೆಲೋ || ಪ ||
ಸಾಗರಶಯನನೆ ಜಗಕೆ ದೈವವೆಂದು || ಅ ಪ ||

ಅಚ್ಯುತಾನಂತ ಗೋವಿಂದ ಮಾಧವ ಕೃಷ್ಣ
ಸಚ್ಚಿದಾನಂದೈಕ ಸರ್ವೋತ್ತಮ
ಸಚ್ಚರಿತ ರಂಗ ನಾರಾಯಣ ವೇದ
ಬಚ್ಚಿಟ್ಟವನ ಕೊಂದ ಮತ್ಸ್ಯ ಮೂರುತಿಯೆಂದು ||೧||

ನರಹರಿ ಮುಕುಂದ ನಾರಾಯಣ ದೇವ
ಪರಮ ಪುರುಷ ಹರಿ ಹಯವದನ
ಸಿರಿಧರ ವಾಮನ ದಾಮೋದರ ಗಿರಿ
ಧರಿಸಿದ ಸುರಪಾಲ ಕೂರ್ಮ ಮೂರುತಿಯೆಂದು || ೨ ||

ಪುರುಷೋತ್ತಮ ಪುಣ್ಯಶ್ಲೋಕ ಪುಂಡರೀಕ –
ವರದ ಅಪಾರ ಸದ್ಗುಣನಿಲಯ
ಮುರಮರ್ದನ ಮಂಜುಭಾಷಣ ಕೇಶವ
ನಿರ್ಮಲ ದೇವ ಭೂವರಾಹ ಮೂರುತಿಯೆಂದು || ೩ ||

ನಿಗಮವಂದಿತ ವಾರಿಜನಾಭ ಅನಿರುದ್ಧ
ಅಘನಾಶ ಅಪ್ರಾಕೃತ ಶರೀರ
ಸುಗುಣ ಸಾಕಾರ ಜಗದತ್ಯಂತ ಭಿನ್ನ
ತ್ರಿಗುಣವಂದಿತ ನರಮೃಗ ರೂಪನೆಂದು || ೪ ||

ವಟಪತ್ರಶಯನ ಜಗದಂತರ್ಯಾಮಿ
ಕಟಕ ಮುತ್ತಿನಹಾರ ಕೌಸ್ತುಭ ವಿಹಾರ
ತಟಿತ್ಕೋಟಿ ನಿಭಕಾಯ ಪೀತಾಂಬರಧರ
ನಿಟಿಲಲೋಚನ ಬಾಲವಟು ಮೂರುತಿಯೆಂದು || ೫ ||

ವಿಷ್ಣು ಸಂಕರುಷಣ ಮಧುಸೂದನ ಶ್ರೀ –
ಕೃಷ್ಣ ಪ್ರದ್ಯುಮ್ನ ಪ್ರಥಮ ದೈವವೆ
ಜಿಷ್ಣು ಸಾರಥಿ ರಾಮ ಅಚ್ಯುತಾಧೋಕ್ಷಜ
ಸೃಷ್ಟಿಗೊಡೆಯ ಭಾರ್ಗವ ಮೂರುತಿಯೆಂದು || ೬ ||

ಇಭರಾಜ ಪರಿಪಾಲ ಇಂದಿರೆಯರಸ
ನಭ ಗಂಗಾಜನಕ ಜನಾರ್ದನನೆ
ವಿಭುವೇ ವಿಶ್ವರೂಪ ವಿಶ್ವನಾಟಕ ಋ –
ಷಭ ದತ್ತಾತ್ರೇಯ ಶ್ರೀರಾಮ ಮೂರುತಿಯೆಂದು || ೭ ||

ವೈಕುಂಠ ವಾಮನ ವಾಸುದೇವ ರಂಗ
ಲೋಕೇಶ ನವನೀತಚೋರ ಜಾರ
ಗೋಕುಲವಾಸಿ ಗೋವಳರಾಯ ಶ್ರೀಧರ
ಏಕಮೇವ ಶ್ರೀಕೃಷ್ಣ ಮೂರುತಿಯೆಂದು || ೮ ||

ಹೃಷಿಕೇಶ ಪರಮಾತ್ಮ ಮುಕ್ತಾಮುಕ್ತಾಶ್ರಯ
ಅಸುರ ಭಂಜನ ತ್ರಿವಿಕ್ರಮ ಕಪಿಲ
ಕುಸುಮಶರನಯ್ಯ ಶಾರಂಗಧರಾಚಕ್ರಿ
ವಿಷಹರ ಧನ್ವಂತ್ರಿ ಬೌದ್ಧ ಮೂರುತಿಯೆಂದು || ೯ ||

ಸರ್ವನಾಮಕ ಸರ್ವಚೇಷ್ಟಕ ಸರ್ವೇಶ
ಸರ್ವಮಂಗಳ ಸರ್ವಸಾರ ಭೋಕ್ತ
ಸರ್ವಾಧಾರಕ ಸರ್ವ ಗುಣಗಣ ಪರಿಪೂರ್ಣ
ಸರ್ವಮೂಲಾಧಾರ ಕಲ್ಕಿ ಮೂರುತಿಯೆಂದು || ೧೦ ||

ಈ ಪರಿ ಕೂಗಲು ಆಪತ್ತು ಪರಿಹಾರ ಅ –
ಪಾರ ಜನ್ಮ ಬೆಂಬಿಡದಲೆ ಸಪ್ತ –
ದ್ವೀಪಾಧಿಪ ನಮ್ಮ ವಿಜಯವಿಠ್ಠಲರೇಯ
ಅಪವರ್ಗದಲ್ಲಿಟ್ಟು ಆನಂದಪಡಿಸುವ || ೧೧ ||

---

kUgelO manuja kUgelO || pa ||
sAgaraSayanane jagake daivaveMdu || a pa ||

acyutAnaMta gOviMda mAdhava kRuShNa
saccidAnaMdaika sarvOttama
saccarita raMga nArAyaNa vEda
bacciTTavana koMda matsya mUrutiyeMdu ||1||

narahari mukuMda nArAyaNa dEva
parama puruSha hari hayavadana
siridhara vAmana dAmOdara giri
dharisida surapAla kUrma mUrutiyeMdu || 2 ||

puruShOttama puNyaSlOka puMDarIka –
varada apAra sadguNanilaya
muramardana maMjuBAShaNa kESava
nirmala dEva BUvarAha mUrutiyeMdu || 3 ||

nigamavaMdita vArijanABa aniruddha
aGanASa aprAkRuta SarIra
suguNa sAkAra jagadatyaMta Binna
triguNavaMdita naramRuga rUpaneMdu || 4 ||

vaTapatraSayana jagadaMtaryAmi
kaTaka muttinahAra kaustuBa vihAra
taTitkOTi niBakAya pItAMbaradhara
niTilalOcana bAlavaTu mUrutiyeMdu || 5 ||

viShNu saMkaruShaNa madhusUdana SrI –
kRuShNa pradyumna prathama daivave
jiShNu sArathi rAma acyutAdhOkShaja
sRuShTigoDeya BArgava mUrutiyeMdu || 6 ||

iBarAja paripAla iMdireyarasa
naBa gaMgAjanaka janArdanane
viBuvE viSvarUpa viSvanATaka Ru –
ShaBa dattAtrEya SrIrAma mUrutiyeMdu || 7 ||

vaikuMTha vAmana vAsudEva raMga
lOkESa navanItacOra jAra
gOkulavAsi gOvaLarAya SrIdhara
EkamEva SrIkRuShNa mUrutiyeMdu || 8 ||

hRuShikESa paramAtma muktAmuktASraya
asura BaMjana trivikrama kapila
kusumaSaranayya SAraMgadharAcakri
viShahara dhanvaMtri bauddha mUrutiyeMdu || 9 ||

sarvanAmaka sarvacEShTaka sarvESa
sarvamaMgaLa sarvasAra BOkta
sarvAdhAraka sarva guNagaNa paripUrNa
sarvamUlAdhAra kalki mUrutiyeMdu || 10 ||

I pari kUgalu Apattu parihAra a –
pAra janma beMbiDadale sapta –
dvIpAdhipa namma vijayaviThThalarEya
apavargadalliTTu AnaMdapaDisuva || 11 ||