Baro Gopinatha

Composer : Shri Vijayaramachandra vittala

ಬಾರೊ ಗೋಪಿನಾಥ ನಿನ್ನಗಲಿರಲಾರೆನೊ [ಪ]

ವಾರೆ ನೋಟದಿ ನಾರೇರ ಮನ ಸೆಳೆವೊ ಶೌರಿ [ಅ.ಪ]

ವಾರಿಚರ ಕೂರ್ಮನೆ ಧಾರುಣಿ ತಂದನೆ
ತೋರ ಕೊರಳ ಹಾರ ವರಮೃಗರೂಪನೆ [೧]

ಭೂದಾನವ ಬೇಡಿ ಮೇದಿನಿ ಪಾಲಕರ ಕೊಂದು
ಆ ದಶಾಸ್ಯನಳಿದ ಸೋದರ ಮಾವನ ವೈರಿ [೨]

ಬೆತ್ತಲೆ ನಿಂತು ದುಷ್ಕೃತ್ಯ ಮಾಳ್ಪರ ಕೊಂದು
ಉತ್ತಮ ತುರಗವೇರಿದ ಭೃತ್ಯವತ್ಸಲ ದೇವ [೩]

ವಿಜಯ ರಾಮಚಂದ್ರವಿಠ್ಠಲರಾಯನೆ
ಸುಜನ ವಂದಿತ ನಿನ್ನ ಭಜನೆಯ ಪಾಲಿಸೊ [೪]

---

bAro gOpinAtha ninnagaliralAreno [pa]

vAre nOTadi nArEra mana seLevo Sauri [a.pa]

vAricara kUrmane dhAruNi taMdane
tOra koraLa hAra varamRugarUpane [1]

BUdAnava bEDi mEdini pAlakara koMdu
A daSAsyanaLida sOdara mAvana vairi [2]

bettale niMtu duShkRutya mALpara koMdu
uttama turagavErida BRutyavatsala dEva [3]

vijaya rAmacaMdraviThThalarAyane
sujana vaMdita ninna Bajaneya pAliso [4]