Eri bandanu Surya

Composer : Shri Amba bai

ಏರಿ ಬಂದನು ಸೂರ್ಯ | ನಾರಾಯಣ ರಥ
ಏರಿ ಬಂದನು ಸೂರ್ಯ [ಪ]

ಏರಿ ಬಂದನು ಸೂರ್ಯ ರಥವನು
ಭಾರಿ ವಸನಾಭರಣ ತೊಡುತಲಿ
ಮೂರುಲೋಕವ ಬೆಳಗು ಮಾಡುತ
ಭಾರಿ ತಮವನು ಛೇದಿಸುತ್ತ [ಅ.ಪ]

ಸಪ್ತ ಹಯೆಗಳ್ ಕಟ್ಟುತ | ಚಕ್ರೇಕ ರಥಕೆ
ಸಪ್ತ ಋಷಿಗಳ್ ಪೊಗಳುತ | ಅರುಣ ಸಾರಥ್ಯ
ಸಪ್ತ ಜಿಹ್ವನ ತೆರದಿ ತೋರುತ
ಸಪ್ತ ಶರಧಿಯ ದಾಟಿ ಸಾರುತ
ಸಪ್ತಗಿರಿ ಮೇರು ಸುತ್ತುತಾ ರಥ
ಸಪ್ತಮಿ ಶುಭ ದಿವಸದಲ್ಲಿ (೧)

ವಾಲಖಿಲ್ಯರು ಎದುರಲಿ | ಅರವತ್ತು ಸಾವಿರ
ಓಲಗ ತೊಡುತಲಲ್ಲೀ | ಹಿಂದು ಮುಂದಿನಲಿ
ಗಾಲಿದಬ್ಬುವ ರಕ್ಕಸೊಬ್ಬನು
ವ್ಯಾಳನೊಬ್ಬನು ರಜ್ಜರೂಪಕೆ
ಮೇಲೆ ಯಕ್ಷಕಿನ್ನರರು ಸುತ್ತಲು
ಕಾಲಕಾರಿವ ಕರ್ಮ ಸಾಕ್ಷಿಯು (೨)

ಉತ್ತರಾಯಣ ಮಾಘದಿ | ಸ್ನಾನವಗೈದು
ಉತ್ತಮರಘ್ರ್ಯ ಕರದಿ | ಪಿಡಿಯುತ್ತ ಭರದಿ
ಉತ್ತಮ ಗಂಗಾದಿ ತೀರ್ಥದಿ
ಉದಿಸಿ ಬರುವಗೆ ಕೊಡುವ ಕತದಿ
ಚಿತ್ತ ನಿರ್ಮಲದಿಂದ ಕಾದಿರೆ
ಹತ್ತಿ ಛಾಯೆಯ ಸಹಿತ ರಥದಿ (೩)

ಜಗಚಕ್ಷುವೆನಿಸಿದನೂ | ಧರ್ಮಜಗೆ ವಲಿದು
ಮಿಗೆ ಅಕ್ಷಪ್ರದನಾದನೂ | ಸವಿತೃ ನಾಮಕನೂ
ಬಗೆ ಬಗೆಯ ಜೀವರುಗಳಯುವ
ತೆಗೆದು ಸೆಳೆಯುತ ದಿನದಿನದಲಿ
ನಿಗಮಗೋಚರ ನಾಜ್ಞೆಧಾರಕ
ಸುಗುಣರಿಗೆ ಸುಜ್ಞಾನವೀಯುತ (೪)

ಶಂಖ ಚಕ್ರಾ ಕಮಲ | ಗದೆಯ ಧರಿಸಿ
ಕಿಂಕರಾದ್ಯರ ನುತಿಗಳ | ಕೇಳುತ್ತ ಬಹಳ
ಶಂಖ ಚಕ್ರಾಂಕಿತನು ಶಿರಿಸಹ
ಶಂಕಿಸದೆ ತನ್ನ ಹೃದಯದಲ್ಲಿರೆ
ಬಿಂಕ ಗೋಪಾಲಕೃಷ್ಣವಿಠಲಗೆ
ಕಿಂಕರನು ತಾನೆಂದು ಪೊಗಳುತ (೫)

---

Eri baMdanu sUrya | nArAyaNa ratha
Eri baMdanu sUrya [pa]

Eri baMdanu sUrya rathavanu
BAri vasanABaraNa toDutali
mUrulOkava beLagu mADuta
BAri tamavanu CEdisutta [a.pa]

sapta hayegaL kaTTuta | cakrEka rathake
sapta RuShigaL pogaLuta | aruNa sArathya
sapta jihvana teradi tOruta
sapta Saradhiya dATi sAruta
saptagiri mEru suttutA ratha
saptami SuBa divasadalli (1)

vAlaKilyaru edurali | aravattu sAvira
Olaga toDutalallI | hiMdu muMdinali
gAlidabbuva rakkasobbanu
vyALanobbanu rajjarUpake
mEle yakShakinnararu suttalu
kAlakAriva karma sAkShiyu (2)

uttarAyaNa mAGadi | snAnavagaidu
uttamaraGrya karadi | piDiyutta Baradi
uttama gaMgAdi tIrthadi
udisi baruvage koDuva katadi
citta nirmaladiMda kAdire
hatti CAyeya sahita rathadi (3)

jagacakShuvenisidanU | dharmajage validu
mige akShapradanAdanU | savitRu nAmakanU
bage bageya jIvarugaLayuva
tegedu seLeyuta dinadinadali
nigamagOcara nAj~jedhAraka
suguNarige suj~jAnavIyuta (4)

SaMKa cakrA kamala | gadeya dharisi
kiMkarAdyara nutigaLa | kELutta bahaLa
SaMKa cakrAMkitanu Sirisaha
SaMkisade tanna hRudayadallire
biMka gOpAlakRuShNaviThalage
kiMkaranu tAneMdu pogaLuta (5)