Dasana madiko enna

Composer : Shri Purandara dasaru

ದಾಸನ ಮಾಡಿಕೊ ಎನ್ನ ಸ್ವಾಮಿ
ಸಾಸಿರನಾಮದ ವೆಂಕಟರಮಣ [ಪ]

ದುರು ಬುದ್ಧಿಗಳನೆಲ್ಲ ಬಿಡಿಸೋ
ನಿನ್ನ ಕರುಣ ಕವಚವೆನ್ನ ಹರಣಕ್ಕೆ ತೊಡಿಸೋ
ಚರಣ ಸೇವೆ ಎನಗೆ ಕೊಡಿಸೋ
ಅಭಯ ಕರಪುಷ್ಪವಾ ಎನ್ನ ಶಿರದಲಿ ಮುಡಿಸೋ [೧]

ದೃಢ ಭಕ್ತಿ ನಿನ್ನಲಿ ಬೇಡಿ
ನಾ ಅಡಿಗೆರಗುವೆನಯ್ಯ ಅನುದಿನ ಪಾಡಿ
ಕಡೆಗಣ್ಣಲೇಕೆನ್ನ ನೋಡಿ ಬಿಡುವೆ
ಕೊಡು ನಿನ್ನ ಧ್ಯಾನವ ಮನಶುಚಿ ಮಾಡಿ [೨]

ಮೊರೆಹೊಕ್ಕವರ ಕಾವ ಬಿರುದು
ಎನ್ನ ಮರೆಯದೆ ರಕ್ಷಣೆ ಮಾಡಯ್ಯ ಪೊರೆದು
ದುರಿತಗಳೆಲ್ಲವ ತರಿದು ಸಿರಿ
ಪುರಂದರ ವಿಠಲ ಯೆನ್ನನ್ನು ಪೊರೆದು [೩]

---

dAsana mADiko enna svAmi
sAsiranAmada veMkaTaramaNa [pa]

duru buddhigaLanella biDisO
ninna karuNa kavacavenna haraNakke toDisO
caraNa sEve enage koDisO
aBaya karapuShpavA enna Siradali muDisO [1]

dRuDha Bakti ninnali bEDi
nA aDigeraguvenayya anudina pADi
kaDegaNNalEkenna nODi biDuve
koDu ninna dhyAnava manaSuci mADi [2]

morehokkavara kAva birudu
enna mareyade rakShaNe mADayya poredu
duritagaLellava taridu siri
puraMdara viThala yennannu poredu [3]