Marulu maadi kondeyalle

Composer : Shri Purandara dasaru

ಮರುಳು ಮಾಡಿಕೊಂಡೆಯಲ್ಲೆ ಮಾಯಾದೇವಿಯೇ || ಪ ||
ಇರುಳು ಹಗಲು ಏಕವಾಗಿ ಹರಿಯು ನಿನ್ನ ಬಿಡದಿಪಂತೆ || ಅ.ಪ ||

ಜ್ಞಾನಿಗಳು ನಿತ್ಯ ಅನ್ನಪಾನಾದಿಗಳನ್ನು ಬಿಟ್ಟು
ನಾನಾವಿಧ ತಪದಲಿದ್ದರು ಧ್ಯಾನಕ್ಕೆ ಸಿಲುಕದವನ || ೧ ||

ಸರ್ವ ಸಂಗ ಬಿಟ್ಟು ಸನ್ಯಾಸಿಯಾದ ಕಾಲಕ್ಕೂ
ಸರ್ವದಾ ತನ್ನೆದೆಯ ಮೇಲೆ ಬಿಡದೆ ನಿನ್ನ ಧರಿಸಿಪ್ಪಂತೆ || ೨ ||

ಪ್ರಳಯ ಕಾಲದಲ್ಲಿ ಆಲದೆಲೆಯ ಮೇಲೆ ಮಲಗಿದ್ದಾಗ
ಹಲವು ಆಭರಣಗಳು ಜಲವು ಆಗಿ ಜಾಣತನದಿ || ೩ ||

ರಂಗನು ಭೂಲೋಕದಿ ಭುಜಂಗ ಗಿರಿಯೊಳಲಮೇಲು
ಮಂಗಪತಿಯಾಗಿ ನಿನ್ನ ಅಂಗೀಕರಿಸುವಂತೆ || ೪ ||

ಮಕ್ಕಳ ಪಡೆದರೆ ನಿನ್ನ ಚೊಕ್ಕತನವು ಪೋಪುದೆಂದು
ಪೊಕ್ಕುಳೊಳು ಮಕ್ಕಳ ಪಡೆದು ಕಕ್ಕುಲಾತಿ ಪಡುವಂತೆ || ೫ ||

ಎಡಕೆ ಭೂಮಿ ಬಲಕೆ ಶ್ರೀಯು ಎದುರಿನಲ್ಲಿ ದುರ್ಗಾದೇವಿ
ತೊಡೆಯ ಮೇಲೆ ಲಕುಮಿಯಾಗಿ ಬಿಡದೆ ಮುದ್ದಾಡಿ ಪಂತೆ || ೬ ||

ಎಂದೆಂದಿಗೂ ಮರೆಯೆ ನಿನ್ನಾನಂದದಿ ಜನರಿಗೆಲ್ಲ
ತಂದು ತೋರೆ ಸ್ವಾಧೀನ ಪುರಂದರ ವಿಠಲ ರಾಯನ || ೭ ||

---

maruLu mADikoMDeyalle mAyAdEviyE || pa ||
iruLu hagalu EkavAgi hariyu ninna biDadipaMte || a.pa ||

j~jAnigaLu nitya annapAnAdigaLannu biTTu
nAnAvidha tapadaliddaru dhyAnakke silukadavana || 1 ||

sarva saMga biTTu sanyAsiyAda kAlakkU
sarvadA tannedeya mEle biDade ninna dharisippaMte || 2 ||

praLaya kAladalli Aladeleya mEle malagiddAga
halavu ABaraNagaLu jalavu Agi jANatanadi || 3 ||

raMganu BUlOkadi BujaMga giriyoLalamElu
maMgapatiyAgi ninna aMgIkarisuvaMte || 4 ||

makkaLa paDedare ninna cokkatanavu pOpudeMdu
pokkuLoLu makkaLa paDedu kakkulAti paDuvaMte || 5 ||

eDake BUmi balake SrIyu edurinalli durgAdEvi
toDeya mEle lakumiyAgi biDade muddADi paMte || 6 ||

eMdeMdigU mareye ninnAnaMdadi janarigella
taMdu tOre svAdhIna puraMdara viThala rAyana || 7 ||