Baare Venkataramani

Composer : Shri Indiresha ankita

ಬಾರೆ ವೆಂಕಟರಮಣಿ ಶ್ರೀ ಶ್ರೀದೇವಿ
ಬಾರೆ ವೆಂಕಟರಮಣಿ ||ಪ||

ಬಾರೆ ವೆಂಕಟರಮಣಿ ಪಾರಾಯಣ ಕೇಳೆ
ಚಾರು ವದನೆ ಉಪಹಾರ ಕಾಲಕ್ಕೆ ನಿತ್ಯ ||ಅ.ಪ||

ಏನು ಪುಣ್ಯವೆ ನಂದು ಪಾರಾಯಣ
ನೀನೆ ಕೇಳುವಿ ಬಂದು |
ಹೀನ ಮಾನವನಿಗೆ ನೀನು ಬರುವಿ ಎಂಬೊ
ಜ್ಞಾನವಿಲ್ಲದೆ ಉಚ್ಚ ಸ್ಥಾನದೊಳಗೆ ಕೂಡೆ |೧|

ಸ್ವಪ್ನದೊಳಗೆ ಬರುವಿ ಶ್ರೀ ಶ್ರೀದೇವಿ
ಕ್ಷಿಪ್ರ ತನದಿ ಪೋಗುವಿ |
ಸರ್ಪಶಯನ ನಮ್ಮಪ್ಪ ಗೋಕುಲ ಬಾಲ
ನಪ್ಪಿಕೊಂಬುವ ಸುಖ ಒಪ್ಪಿಸೆ ಬೇಗನೆ |೨|

ಎಲ್ಲ ದೇವತೆಗಳನು ತಡೆದಿಹೆ
ಪುಲ್ಲ ವಾರಿಜ ನಯನೆ
ಗೊಲ್ಲ ಬಾಲನ ಪದ ಪಲ್ಲವ ನೋಡದೆ
ನಿಲ್ಲಲೊಲ್ಲದು ಮನ ಸೊಲ್ಲು ಲಾಲಿಸು ಬೇಗ |೩|

ಮಂಗಳಾಂಗಿಯೇ ನಿನ್ನ ಕಾಣದೆ
ಬಲು ಭಂಗ ಪಡುವೆನಮ್ಮ |
ಗಂಗಾ ಜನಕ ಸಿರಿ ರಂಗನಂಕದಿ ಕೂತು
ಭೃಂಗಕುಂತಳೆ ಹೃದಯಂಗಣ-ದೊಳಗಾಡೆ |೪|

ಇಂದಿರೇಶನ ರಾಣಿ ಎನ್ನಯ
ಮನ-ಮಂದಿರದೊಳು ಬಾ ನೀ |
ನಂದಗೋಕುಲ ಬಾಲಾನಿಂದು ಕರದೊಳೆತ್ತಿ
ತಂದು ತೋರಿಸೆ ಅರವಿಂದನಯನೆ ಲಕ್ಷ್ಮೀ |೫|

---

bAre veMkaTaramaNi SrI SrIdEvi
bAre veMkaTaramaNi ||pa||

bAre veMkaTaramaNi pArAyaNa kELe
cAru vadane upahAra kAlakke nitya ||a.pa||

Enu puNyave naMdu pArAyaNa
nIne kELuvi baMdu |
hIna mAnavanige nInu baruvi eMbo
j~jAnavillade ucca sthAnadoLage kUDe |1|

svapnadoLage baruvi SrI SrIdEvi
kShipra tanadi pOguvi |
sarpaSayana nammappa gOkula bAla
nappikoMbuva suKa oppise bEgane |2|

ella dEvategaLanu taDedihe
pulla vArija nayane
golla bAlana pada pallava nODade
nillalolladu mana sollu lAlisu bEga |3|

maMgaLAMgiyE ninna kANade
balu BaMga paDuvenamma |
gaMgA janaka siri raMganaMkadi kUtu
BRuMgakuMtaLe hRudayaMgaNa-doLagADe |4|

iMdirESana rANi ennaya
mana-maMdiradoLu bA nI |
naMdagOkula bAlAniMdu karadoLetti
taMdu tOrise araviMdanayane lakShmI |5|