Shri Mahalakshmiya alankarisi

Composer : Shri Purandara dasaru

ಶ್ರೀ ಮಹಾಲಕ್ಷ್ಮೀಯ ಅಲಂಕರಿಸಿ ಕರೆದರು || ಪ ||

ಕೇಶವ ನಿಮ್ಮ ನಾಮ ಮಾಂಗಲ್ಯಸೂತ್ರ ತಾಳಿ |
ನಾರಾಯಣ ನಿಮ್ಮ ನಾಮ ತಾಳಿ ಪದಕವು |
ಮಾಧವ ನಿಮ್ಮ ನಾಮ ಸುರಗಿ ಸಂಪಿಗೆ ಮೊಗ್ಗು |
ಗೋವಿಂದ ನಿಮ್ಮ ನಾಮ ಗೋಧಿಯ ಸರವು || ೧ ||

ವಿಷ್ಣುವೆ ನಿಮ್ಮ ನಾಮ ರತ್ನ ಕುಂಡಲಗಳು |
ಮಧುಸೂಧನ ನಿಮ್ಮ ನಾಮ ಮಾಣಿಕ್ಯದ ಹರಳು |
ತ್ರಿವಿಕ್ರಮ ನಿಮ್ಮ ನಾಮ ವಂಕಿ ನಾಗಮುರುಗಿಯು |
ವಾಮನ ನಿಮ್ಮ ನಾಮ ಓಲೆ ಏಕಾವಳಿಯು || ೨ ||

ಶ್ರೀಧರ ನಿಮ್ಮ ನಾಮ ಒಳ್ಳೆ ಮುತ್ತಿನ ಹಾರ |
ಹೃಷಿಕೇಶ ನಿಮ್ಮ ನಾಮ ಕಡಗ ಗೆಜ್ಜೆಯು |
ಪದ್ಮನಾಭ ನಿಮ್ಮ ನಾಮ ಮುತ್ತಿನಡ್ಡಿಗೆಯು |
ದಾಮೋದರ ನಿಮ್ಮ ನಾಮ ರತ್ನದ ಪದಕವು || ೩ ||

ಸಂಕರ್ಷಣ ನಿಮ್ಮ ನಾಮ ವಂಕಿ ತೋಳಾಯಿತು |
ವಾಸುದೇವ ನಿಮ್ಮ ನಾಮ ಒಲಿದ ತೋಡೆ |
ಪ್ರದ್ಯುಮ್ನ ನಿಮ್ಮ ನಾಮ ಹಸ್ತ ಕಂಕಣ ಬಳೆ |
ಅನಿರುದ್ಧ ನಿಮ್ಮ ನಾಮ ಮುಕುರ ಬುಲಾಕು || ೪ ||

ಪುರುಷೋತ್ತಮ ನಿಮ್ಮ ನಾಮ ಹೊಸ ಮುತ್ತಿನ ಮೂಗುತಿ |
ಅಧೋಕ್ಷಜ ನಿಮ್ಮ ನಾಮ ಚಂದ್ರ ಸೂರ್ಯ |
ನಾರಸಿಂಹ ನಿಮ್ಮ ನಾಮ ಚೌರಿ ರಾಗಟಿ ಗೊಂಡ್ಯ |
ಅಚ್ಯುತ ನಿಮ್ಮ ನಾಮ ಮುತ್ತಿನ ಬೊಟ್ಟು || ೫ ||

ಜನಾರ್ದನ ನಿಮ್ಮ ನಾಮ ಜರಿಯ ಪೀತಾಂಬರ |
ಉಪೇಂದ್ರ ನಿಮ್ಮ ನಾಮ ಕಡಗ ಗೆಜ್ಜೆಯು |
ಶ್ರೀಹರಿ ನಿಮ್ಮ ನಾಮ ಕಂಚು ಅಂಕಿಯ ತುಳಸಿ |
ಶ್ರೀಕೃಷ್ಣ ನಿಮ್ಮ ನಾಮ ನಡುವಿನೊಡ್ಯಾಣವು || ೬ ||

ಸರಸಿಜಾಕ್ಷ ನಿಮ್ಮ ನಾಮ ಅರಶಿಣ ಎಣ್ಣೆ ಹಚ್ಚಿ |
ಪಂಕಜಾಕ್ಷ ನಿಮ್ಮ ನಾಮ ಕುಂಕುಮ ಕಾಡಿಗೆಯು |
ಪುರಂದರ ವಿಠ್ಠಲ ನಿಮ್ಮ ನಾಮ ಸರ್ವಾಭರಣವು |
ನಿಲುವುಗನ್ನಡಿಯಲಿ ಲಲನೆಯ ತೋರಿಸುತ || ೭ ||

---

shree mahAlakShmIya alaMkarisi karedaru || pa ||

kEshava nimma nAma mAMgalyasootra tALi |
nArAyaNa nimma nAma tALi padakavu |
mAdhava nimma nAma suragi saMpige moggu |
gOviMda nimma nAma gOdhiya saravu || 1 ||

viShNuve nimma nAma ratna kuMDalagaLu |
madhusoodhana nimma nAma mANikyada haraLu |
trivikrama nimma nAma vaMki nAgamurugiyu |
vAmana nimma nAma Ole EkAvaLiyu || 2 ||

shreedhara nimma nAma oLLe muttina hAra |
hRuShikEsha nimma nAma kaDaga gejjeyu |
padmanAbha nimma nAma muttinaDDigeyu |
dAmOdara nimma nAma ratnada padakavu || 3 ||

saMkarShaNa nimma nAma vaMki tOLAyitu |
vAsudEva nimma nAma olida tODe |
pradyumna nimma nAma hasta kaMkaNa baLe |
aniruddha nimma nAma mukura bulAku || 4 ||

puruShOttama nimma nAma hosa muttina mooguti |
adhOkShaja nimma nAma caMdra soorya |
nArasiMha nimma nAma chouri rAgaTi goMDya |
achyuta nimma nAma muttina boTTu || 5 ||

janArdana nimma nAma jariya peetAMbara |
upEMdra nimma nAma kaDaga gejjeyu |
shreehari nimma nAma kaMcu aMkiya tuLasi |
shreekRuShNa nimma nAma naDuvinoDyANavu || 6 ||

sarasijAkSha nimma nAma arashiNa eNNe hacci |
paMkajAkSha nimma nAma kuMkuma kADigeyu |
puraMdara viThThala nimma nAma sarvAbharaNavu |
niluvugannaDiyali lalaneya tOrisuta || 7 ||