Muraliya nadava keli

Composer : Shri Vidyaprasanna tirtharu

ಮುರಲಿಯ ನಾದವ ಕೇಳಿ ಬನ್ನಿ ||ಪ||
ಮುರಲಿಯ ನಾದವ ಕೇಳಿ ||ಅ.ಪ||

ಮದುರಾನಾಥನು ಮುರಲಿಯನೂದಲು
ಸುರಿವುದಾನಂದಜಲ ನಯನದಲಿ ||೧||

ಕಂಗೊಳಿಸುವ ಬೆಳದಿಂಗಳ ಸೊಬಗಿಲಿ
ತಂಗಾಳಿಯ ಸುಖದಿ ಶ್ರೀರಂಗನ || ೨||

ಶ್ಯಾಮಲಾಂಗನು ತನ್ನ ಕೋಮಲ ಕರದಲಿ
ಆ ಮುರಲಿಯ ಪಿಡಿಯೆ ಹೃದಯದಲಿ
ಪ್ರೇಮವು ತುಂಬುವುದು ||೩||

ಪಂಚಬಾಣನ ಪಿತ ಮುರಲಿಯ ಮಧುರಸ
ಹಂಚಲೆಮಗೆ ರೋಮಾಂಚವಾಗುವುದು ||೪||

ರಜನೀಕಾಂತನ ಕುಲದಲಿ ಜನಿಸಿ
ವ್ರಜಜನಗಳಿಗಧಿಕ ಪ್ರಸನ್ನನ ||೫||

---

muraliya nAdava kELi banni ||pa||
muraliya nAdava kELi ||a.pa||

madurAnAthanu muraliyanUdalu
surivudAnaMdajala nayanadali ||1||

kaMgoLisuva beLadiMgaLa sobagili
taMgALiya suKadi SrIraMgana || 2||

SyAmalAMganu tanna kOmala karadali
A muraliya piDiye hRudayadali
prEmavu tuMbuvudu ||3||

paMcabANana pita muraliya madhurasa
haMcalemage rOmAMcavAguvudu ||4||

rajanIkAMtana kuladali janisi
vrajajanagaLigadhika prasannana ||5||