Composer: Shri Vadirajaru
ನಿನ್ನ ಕರುಣವನ್ನು ವರ್ಣಿಪ ಕವಿ ಯಾರು ಅನ್ನದಾನಿ ಕುಕ್ಕೆಯ ಶನ್ಮುಖನೆ ||
ಮನಕೆ ಅಭಿಮಾನಿಯಾಗಿ ನರರ ಯಂತ್ರದೊಳಿದ್ದು ಅನುದಿನ ಅಜನ ಸುಖವ ಕೊಡುವೆ |
ಸನಕಾದಿ ಮುನಿ ಕುಲಾಗ್ರಜನಾಗಿ ಲೋಕಕ್ಕೆ ಅನುಪಮ ತತ್ವದ ನಿರವ ತೋರಿಸುವೆ ||೧||
ತಾರಕ ಮೊದಲಾದ ದನುಜರ ಮರ್ದಿಸಿ, ಧಾರುಣಿ ದಿವಿಜರಟ್ಟುಳಿ ಅಟ್ಟುವೆ
ವೀರ ಸಾಂಬ ಮೊದಲಾದ ರೂಪವ ತಾಳ್ದು ಧಾರುಣಾಸುರರ ಕಪಟ ಖಂಡಿಸುವೆ ||೨||
ನರರ ಕುಷ್ಠ ಮೊದಲಾದ ಘೋರ ವ್ಯಾಧಿಗಳನ್ನು ಪರಿಹರಿಸುತಲಿ ಪಾವನರ ಮಾಳ್ಪೆ |
ಸಿರಿ ಹಯವದನ ನರಸಿಂಹನ ಮೆಚ್ಚಿನ ವರ ಕುಕ್ಕೆ ಪುರದಲ್ಲಿ ಪುನರಪಿ ತೋರಿದೆ ||೩||
ninna karuNavannu varNipa kavi yaaru annadAni kukkeya shanmukhane ||
manake abhimAniyaagi narara yaMtradoLiddu anudina ajana sukhava koDuve |
sanakAdi muni kulAgrajanAgi lOkakke anupama tatvada nirava tOrisuve ||1||
tAraka modalAda danujara mardisi, dhAruNi divijaraTTuLi aTTuve
veera sAMba modalAda rUpava tALdu dhAruNAsurara kapaTa khaMDisuve ||2||
narara kuShTha modalAda ghOra vyAdhigaLannu pariharisutali pAvanara mALpe |
siri hayavadana narasiMhana mecchina vara kukke puradalli punarapi tOride ||3||
Leave a Reply