Shri Gurubhyo namaha ! Vasudeva geeti !

14 haadugaLu – Haadu ondu : Vasudeva geeti [From Shri Bannanje Govindacharya’s book]

ವಾಸುದೇವಗೀತಿ

ಅಗಣಿತಸುಪೂರ್ಣನಿರ್ದೋಷನಾನಾ-
ಗುಣಗಣಮನಂತಮಕ್ಷಯ್ಯದೇಹಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್||೧||
ವಿಧಿಪವನಭೂತನಾಥಾಂಡಜಾತ-
ತ್ರಿದಶಪತಿಮುಖ್ಯವೃಂದಾರಕೇಡ್ಯಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೨||
ಮಕರವಪುಷಾ~ಗಮಂ ಬ್ರಹ್ಮಣೇ~ದಾ-
ದಚಲವರಮುದ್ದಧೇ ಕಚ್ಛಪೋ ಯಃ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೩||
ಕ್ಷಿತಿವಲಯಮುದ್ದಧೇ ಸೂಕರೋ ಯೋ
ನೃಹರಿರಸುರೇಂದ್ರಸಂಹಾರಹೇಳಃ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೪||
ಬಲಿದಿತಿಸುತಾದ್ ದದೌ ಜಿಷ್ಣವೇ ಯೋ
ನರಪತಿಕುಲಾಂತಕೋ ರಾಮದೇವಃ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೫||
ವಸತಿಚರಸೂದನೋ ರಾಘವೋ ಯೋ
ಭುವನಭರಕೃಂತನೋ ಯಾದವೇಂದ್ರಃ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೬||
ಖಲಮತಿವಿಮೋಹನೋ ಬೋಧಿಬುದ್ಧಃ
ಖಲರಿಪುರಲಕ್ಷ್ಯಕಲ್ಕ್ಯಾತ್ಮಕೋ ಯಃ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೭||
ವಿಬುಧಗಣಸೇವಿತಂ ಪ್ರಾಣನಾಥಂ
ಸಲಿಲಶಯನೇಚ್ಛಯೇಹಾವತೀರ್ಣಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಪೂರ್ಣಬೋಧಮ್ ||೮||
ಕಪಿವರತನುಂ ಹನೂಮಂತಮಂಭೋ-
ನಿಧಿತರಣದಕ್ಷಿಣಂ ರಾಮದಾಸಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಪೂರ್ಣಬೋಧಮ್ ||೯||
ಭರತಕುಲಮಂಡನಂ ಭಾರತೀಶಂ
ಭುವನಭರಕೃಂತನಂ ಭೀಮಸೇನಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಪೂರ್ಣಬೋಧಮ್ ||೧೦||
ಯತಿವರಮಮೇಯಕೈವಲ್ಯದೇಹಂ
ಹೃದಯತಿಮಿರಾಪಹಂ ಸಜ್ಜನಾನಾಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಪೂರ್ಣಬೋಧಮ್ ||೧೧||
ಗುರುಮಯುಗವಿಕ್ರಮಾಚಾರ್ಯವರ್ಯಂ
ದಶಮತಿಕೃತಾಂತರಾಜೀವಭೃಂಗಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಸೂರಿವರ್ಯಮ್ ||೧೨||
ನಿಖಿಲನಿಗಮಾಂತವೇದ್ಯಂ ರಮೇಶಂ
ಗುಣಗಣಮಜಂ ಸದಾ ಭಾವಯಂತಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಸೂರಿವರ್ಯಮ್ ||೧೩||
ಸುಜನಗಣಸೇವನೀಯಂ ಗುಣಾಢ್ಯಂ
ಖಲಜನಸೃಗಾಲಸಂದೋಹಸಿಂಹಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಸೂರಿವರ್ಯಮ್ ||೧೪||
ಹರಿರತಮತಿಂ ಗುರುಂ ಸಜ್ಜನಾನಾಂ
ನಿಜಜನಮನೋರಥಾನ್ ಪೂರಯಂತಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಸೂರಿಸೂನುಮ್ ||೧೫||
ಸುಸಮಯಮಹಾಬ್ಧಿಸೂಕ್ಷ್ಮಾರ್ಥಸಾರ್ಥಾನ್
ಪ್ರಿಯತಮನಿಜೇಚ್ಛಯಾ ದರ್ಶಯಂತಮ್
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಸೂರಿಸೂನುಮ್ ||೧೬||
ಪ್ರವಚನಪರಂ ಗುರುಂ ಸಜ್ಜನಾನಾಂ
ನಿಖಿಲನಿಗಮಸ್ಯ ಮಾಧ್ವಸ್ಯ ನಿತ್ಯಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ಸೂರಿಸೂನುಮ್ ||೧೭||
ಲಿಕುಚತಿಲಕಾತ್ಮಜಾನಾಂ ಪ್ರಸಾದಾ-
ದವರಜನಿನಾ ಕೃತಾ ಗೀತಿಕೇಯಮ್ |
ಅನವರತಮಾದರಾದಂಬುಜಾಕ್ಷಂ
ಸ್ಮರ ಭವಭಯಾಪಹಂ ವಾಸುದೇವಮ್ ||೧೮||

ಶ್ರೀ ಕೃಷ್ಣಾರ್ಪಣಮಸ್ತು ||