Raghuprema guru stotram

Composer : Shri Muttigi Swamirayacharyaru / Shri Raghurama vittala

ವಂದೇ ಬ್ರಹ್ಮೇಂದ್ರ ರುದ್ರಾದಿ ವಂದ್ಯ ಶ್ರೀಪಾದ ಪಂಕಜಂ |
ಶಂಖ ಚಕ್ರ ಗದಾ ಪದ್ಮ ಧಾರಿಣಂ ಹಯ ಶೀರ್ಷಕಂ || ೧ ||

ಶ್ರೀಮದಾನಂದ ತೀರ್ಥಾಖ್ಯಂ ಪ್ರಣಮಾಮಿ ಜಗದ್ಗುರುಂ |
ಯದ್ವದಶ್ಚಂದ್ರಿಕಾ ಭಕ್ತ ಸಂತಾಪಂ ವಿನಿಕೃಂತತಿ || ೨ ||

ರಘುಕಾಂತಾಖ್ಯ ರಘುದಾಂತಾಖ್ಯ ಯತಿದ್ವಯ ಸಕಾಶತ: |
ರಘುಪ್ರೇಮ ಮುನಿರ್ಜಾತೋ ಅರಣಿಭ್ಯಾಂ ಪಾವಕೋ ಯಥಾ || ೩||

ರಘುದಾಂತ ಕರಾಬ್ಜೋತ್ಥಮ್ ಶಮಾದಿ ಗುಣ ಬೃಂಹಿತಂ |
ರಘುಪ್ರೇಮ ಮುನಿಂ ವಂದೇ ರಾಮ ಪಾದೈಕ ಸಂಶ್ರಯಂ || ೪ ||

ಶ್ರೀಮದಾನಂದ ತೀರ್ಥಾರ್ಯ ಸಂಪ್ರದಾಯ ಪಯೋರ್ಣವೇ |
ಸುಧೇವಹಿ ಸಮುದ್ಭೂತೋ ರಘುಪ್ರೇಮಾಖ್ಯ ಸನ್ಮುನಿ: || ೫ ||

ಕಲಿಕಲ್ಮಷ ಯೋಗೇನ ದುಷ್ಟಚೇತಸ್ಕ ಸಜ್ಜನಾನ್ |
ಉದ್ಧರ್ತುಂ ಪ್ರೇಷಿತೋನೂನಂ ಹರಿಣಾಹಂಸರಾಟ್ ಭುವಂ || ೬ ||

ಗುರುವರ್ಯ ಮಹಾಭಾಗ ಸುಜನೇಷು ದಯಾಂಕುರು |
ಪ್ರಾರ್ಥಯಾಮಿ ದಯಾಸಿಂಧೋ ಮಾಮುದ್ಧರ ಭವಾರ್ಣವಾತ್ || ೭ ||

ದಾರಿದ್ರ್ಯ ದು:ಖ ಸಂತಪ್ತಾ ಯೇ ಜನಾ: ಪರ್ಯುಪಾಸತೇ |
ತೇಷಾಂ ದು:ಖ ಪ್ರಹಾಣಂಸ್ಯಾತ್ ಕ್ಷಿಪ್ರಮ್ ಮೌನೇರನುಗ್ರಹಾತ್ || ೮ ||

ಯೇ ನರಾಸ್ತರ್ತು ಮಿಚ್ಛಂತಿ ಸುದುಸ್ತರ ಭವಾರ್ಣವಂ |
ಸಮಾಶ್ರಯೇ ಯುರ್ನೌ ಕಾಂತೇ ರಘುಪ್ರೇಮಾರ್ಯ ರೂಪಿಣೀಂ || ೯ ||

ಯಸ್ಯಾಂಘ್ರಿ ಧೂಲಿ ಪರಿಭೂಷಿತ ಗಾತ್ರವಂತ: |
ಯಸ್ಯಾಂಘ್ರಿ ಧಾವನ ಜಲಂ ಶಿರಸಾವಹಂತ: |
ಯಸ್ಯಾಂಘ್ರಿ ಕಂಜ ಮಧು ಸೇವನ ಭೃಂಗ ಭೂತಾ: |
ತೇ ನಿತ್ಯ ಸೌಖ್ಯ ಮುಪಯಾಂತಿ ಹರೇ: ಪ್ರಸಾದಾತ್ || ೧೦ ||

ಅಘಾದ್ರೇರ್ದಾರಣೀ ದಕ್ಷ ದೃಷ್ಟಿ ವಜ್ರಿಣಮರ್ಥಯೇ |
ಪ್ರಣತಾರ್ತಿಂ ಪ್ರಣಸ್ಯಾಶು ಪ್ರಣತಾನುದ್ಧರೇತ್ಯಹಂ | ೧೧ ||

ಶಿಷ್ಯೋಹಂ ತನಯೋಹಂ ತೇ ಕಿಂಕರೋಹಮ್ ತವಾನಘ |
ಪ್ರಸೀದ ಕೃಪಯಾಮಹ್ಯಂ ಬಿಂಬರೂಪಂ ಪ್ರದರ್ಶಯ || ೧೨ ||

ಅಸ್ಮಿನ್ ವೃಂದಾವನೇ ಪುಣ್ಯೇ ಸೇವಿತ: ಪದ್ಮಜಾದಿಭಿ: |
ಏಕದ್ವಿತ್ರಿ ಚತುರ್ಭಿಶ್ಚ ಪಂಚಾಷ್ಟ ದಶರೂಪಕೈ: || ೧೩ ||

ಚತುರ್ವಿಂಶತಿ ರೂಪೈರ್ವಾ ಏಕಪಂಚಾ ಶತಾ ತಥಾ |
ಶತರೂಪೈಃ ಸಹಸ್ರೈಶ್ಚ ರೂಪಕೈಃ ರಮತೇ ಹರಿ: || ೧೪ ||

ಹಯಗ್ರೀವಶ್ಚ ಕೃಷ್ಣೌಚ ಲಕ್ಷ್ಮೀ ನಾರಾಯಣಸ್ತಥಾ |
ಧನ್ವಂತರಿಶ್ಚ ರಾಮೌಚ ಕಪಿಲೋದತ್ತ ಏವಚ || ೧೫ ||

ನೃಸಿಂಹ ಭೂಧರೇ ಹಂಸೋ ರೂಪೈರೇತೈರಧೋಕ್ಷಜ |
ಸದಾ ಸನ್ನಿಹಿತೋ ಭೂತ್ವಾ ಕ್ರೀಡತೇ ಭಗವಾನ್ ಸ್ವಯಂ || ೧೬ ||

ಯೇ ನರಾ: ಶ್ರದ್ಧಯಾಯುಕ್ತಾ: ಮುನಿರಾಜಂ ಭಜಂತಿತೇ |
ಜ್ಞಾನ ವಿಜ್ಞಾನಮಾರೋಗ್ಯಂ ಧೈರ್ಯಂ ಕೀರ್ತಿಂಚ ಸಂತತಿಂ ||೧೭||

ಈಶತ್ವಂ ಚ ವಶಿತ್ವಂ ಚ ಶ್ರಿಯಂ ಕ್ಲೇಶ ವಿಮೋಚನಂ |
ಸರ್ವ ಸಿದ್ಧಿ ಚ ಮುಕ್ತಿ ಚ ಲಭಂತೇ ಹಿ ಯಥೇಪ್ಸಿತಮ್ || ೧೮ ||

ದಿವ್ಯ ಸಾಧನ ಸಂಪತ್ಯಾ ತುಷ್ಟ ಪ್ರಾಣ ಪ್ರಸಾದತ: |
ಚತು: ಶತಾಬ್ಧಿ ಪರ್ಯಂತಂ ಭಜಕೇಷ್ಟ ಪ್ರದಾಯಕ: || ೧೯ ||

ವೃಂದಾವನೇತ್ರ ತಿಷ್ಠೇತ ರಾಜಮಾನೋ ಮಹಾಮುನಿ: |
ಸ್ಮಾರಯನ್ನರ್ಜುನಂ ಭಕ್ತ್ಯಾ ವೈರಾಗ್ಯೇಣ ಶುಕಂತಥಾ || ೨೦ ||

ಯತ್ಪಲಂ ನ ಸಮಾಪ್ನೋತಿ ಪ್ರಸವದ್ಗೋ ಪ್ರದಕ್ಷಿಣಾತ್ |
ಪ್ರದಕ್ಷಿಣಾತ್ತದಾಮಾಪ್ನೋತಿ ಗುರುರ್ವೃಂದಾವನಸ್ಯ ವೈ || ೨೧ ||

ಬ್ರಹ್ಮ ರಾಕ್ಷಸ ವೇತಾಲ ಭೂತ ಪ್ರೇತಾದಯೋ ಗಣಾ: |
ನಾಮೋಚ್ಚಾರಣ ಮಾತ್ರೇಣ ಪಲಾಯಂ ತೇನ ಸಂಶಯ: || ೨೨ ||

( ಓಂ ಶ್ರೀ ರಘುಪ್ರೇಮಾಯ ನಮಃ ಇತ್ಯಾಷ್ಟಾಕ್ಷರಮಂತ್ರತತಃ |

ಸರ್ವಾಭೀಷ್ಟಮವಾಪ್ನೋತಿ ನಾತ್ರ ಕಾರ್ಯ ವಿಚಾರಣಾ || )

ಛಂದ ಶಬ್ದಾದಿ ಶಾಸ್ತ್ರೇಷು ಗತಿ ಹೀನೋಸ್ಮಿ ಬಾಲಕ: |
ಗುರ್ವನುಗ್ರಹ ಲೇಶೇನ ರಚಿತಾ ಸ್ತೋತ್ರಮಾಲಿಕಾ || ೨೩ ||

ಏಕವಾರಂ ಪಠೇನ್ನಿತ್ಯಂ ಲಭತೇ ಜ್ಞಾನಮುತ್ತಮಂ |
ದ್ವಿವಾರಂ ತು ಪಠೇನ್ನಿತ್ಯಂ ಮುಚ್ಚತೇ ಸರ್ವ ಬಂಧನಾತ್ || ೨೪ ||

ತ್ರಿವಾರಂ ಯ: ಪಠೇನ್ನಿತ್ಯಂ ತ್ರಿಕಾಲಜ್ಞೋ ಭವಿಷ್ಯತಿ |
ಪಂಚವಾರಂ ಜಪೇನ್ನಿತ್ಯಂ ಮುಚ್ಚತೇ ಪಂಚಪಾತಕಾತ್ || ೨೫ ||

ಸಪ್ತಧಾ ದಶಧಾ ಚೈವ ಭಕ್ತ್ಯಾ ಜಪತಿ ನಿತ್ಯಶ: |
ಧುನೋತಿ ಸರ್ವ ಪಾಪಾನಿ ನಯಾತಿ ಯಮ ಮಂದಿರಂ || ೨೬ ||

ಚಂದ್ರ ಸೂರ್ಯೋ ಪರಾಗೇಚ ವ್ಯತಿಪಾತೇಚ ವೈಧೃತಾ |
ಜನ್ಮಾರ್ಕೇವಾಥ ಪುಷ್ಯಾರ್ಕೇ ಜಪಾಚ್ಛಿದ್ಧಿರ್ಭವಿಷ್ಯತಿ || ೨೭ ||

ಪುರಶ್ಚರಣ ರೀತ್ಯಾವಾ ಶತಮಷ್ಟೋತ್ತರಂ ತಥಾ |
ಏಕದ್ವಿತ್ರಿ ಚತು: ಪಂಚ ಸಪ್ತಕಂ ಮಂಡಲಂ ತಥಾ || ೨೮ ||

ವರ್ಷಮೇಕಂ ಜಪೇದ್ಯೋ ವೈ ಪುರುಷಸ್ತತ್ ಪ್ರಭಾವತ: |
ಸಂಪ್ರಾಪ್ಯ ಸರ್ವಲೋಕಾನ್ ಸ:ಕ್ರಮಾದ್ಯಾತಿ ಪರಂ ಪದಂ || ೨೯ ||

ತ್ರ್ಯಕ್ಷೋಪಾಂಗಲವೇನ ಮನ್ಮಥ ಮುಕಾರ್ಷಿದ್ ಭಸ್ಮಸಾದಂಜಸಾ |
ತದ್ವದ್ ಭಕ್ತ ಮನೋರುಹಾನ್ ಕುವಿಷಯಾನ್ ಕಾಮಾನ್ ಪ್ರದಾಹ್ಯಾಮಲಂ || ೩೦ ||

ಭಕ್ತಿ ಜ್ಞಾನ ವಿರಕ್ತಿ ಭಾಗ್ಯ ಮುಚಿತಂ ದತ್ವಾ ಭವಾರ್ಣೋ ಧೃತಿಂ |
ಕರ್ತಾಯಂ ಮುನಿಪುಂಗವೋ ಅತ್ರ ಭಗವಾನ್ ಪ್ರಾಣೇಶ್ವರ ಸಾಕ್ಷ್ಯಲಂ || ೩೧ ||

ಇತೀದಂ ರಚಿತಂ ಸ್ತೋತ್ರಂ ಸ್ವಾಮಿರಾಯಾಭಿದೇನವೈ |
ಪಠನಾಲ್ಲಭತೇ ಸೌಖ್ಯಮ್ ಶಾಶ್ವತಮ್ ಚೈಹಿಕಂ ತಥಾ || ೩೨ ||

ಚಿಂತಾಮಣಿಂ ಸ್ವಭಕ್ತಾನಾಂ ಕಲ್ಪವೃಕ್ಷಂಚ ಕಾಮದಂ |
ಸ್ವಾಮಿನಂ ತ್ವಾಂ ರಘುಪ್ರೇಮ ತೀರ್ಥಂ ವಂದೇಹ್ಯಭೀಷ್ಟದಂ || ೩೩ ||

|| ಇತಿ ಶ್ರೀ ಮುತ್ತಿಗಿ ಸ್ವಾಮಿರಾಯಾಚಾರ್ಯ ವಿರಚಿತ
ಶ್ರೀ ರಘುಪ್ರೇಮ ತೀರ್ಥ ಸ್ತೋತ್ರಂ ಸಂಪೂರ್ಣಂ ಶ್ರೀ ಕೃಷ್ಣಾರ್ಪಣಮಸ್ತು ||

vaMdE brahmEMdra rudrAdi vaMdya SrIpAda paMkajaM |
SaMKa cakra gadA padma dhAriNaM haya SIrShakaM || 1 ||

SrImadAnaMda tIrthAKyaM praNamAmi jagadguruM |
yadvadaScaMdrikA Bakta saMtApaM vinikRuMtati || 2 ||

raGukAMtAKya raGudAMtAKya yatidvaya sakASata: |
raGuprEma munirjAtO araNiByAM pAvakO yathA || 3||

raGudAMta karAbjOttham SamAdi guNa bRuMhitaM |
raGuprEma muniM vaMdE rAma pAdaika saMSrayaM || 4 ||

SrImadAnaMda tIrthArya saMpradAya payOrNavE |
sudhEvahi samudBUtO raGuprEmAKya sanmuni: || 5 ||

kalikalmaSha yOgEna duShTacEtaska sajjanAn |
uddhartuM prEShitOnUnaM hariNAhaMsarAT BuvaM || 6 ||

guruvarya mahABAga sujanEShu dayAMkuru |
prArthayAmi dayAsiMdhO mAmuddhara BavArNavAt || 7 ||

dAridrya du:Ka saMtaptA yE janA: paryupAsatE |
tEShAM du:Ka prahANaMsyAt kShipram maunEranugrahAt || 8 ||

yE narAstartu micCaMti sudustara BavArNavaM |
samASrayE yurnau kAMtE raGuprEmArya rUpiNIM || 9 ||

yasyAMGri dhUli pariBUShita gAtravaMta: |
yasyAMGri dhAvana jalaM SirasAvahaMta: |
yasyAMGri kaMja madhu sEvana BRuMga BUtA: |
tE nitya sauKya mupayAMti harE: prasAdAt || 10 ||

aGAdrErdAraNI dakSha dRuShTi vajriNamarthayE |
praNatArtiM praNasyASu praNatAnuddharEtyahaM | 11 ||

SiShyOhaM tanayOhaM tE kiMkarOham tavAnaGa |
prasIda kRupayAmahyaM biMbarUpaM pradarSaya || 12 ||

asmin vRuMdAvanE puNyE sEvita: padmajAdiBi: |
Ekadvitri caturBiSca paMcAShTa daSarUpakai: || 13 ||

caturviMSati rUpairvA EkapaMcA SatA tathA |
SatarUpaiH sahasraiSca rUpakaiH ramatE hari: || 14 ||

hayagrIvaSca kRuShNauca lakShmI nArAyaNastathA |
dhanvaMtariSca rAmauca kapilOdatta Evaca || 15 ||

nRusiMha BUdharE haMsO rUpairEtairadhOkShaja |
sadA sannihitO BUtvA krIDatE BagavAn svayaM || 16 ||

yE narA: SraddhayAyuktA: munirAjaM BajaMtitE |
j~jAna vij~jAnamArOgyaM dhairyaM kIrtiMca saMtatiM |17||

ISatvaM ca vaSitvaM ca SriyaM klESa vimOcanaM |
sarva siddhi ca mukti ca laBaMtE hi yathEpsitam || 18 ||

divya sAdhana saMpatyA tuShTa prANa prasAdata: |
catu: SatAbdhi paryaMtaM BajakEShTa pradAyaka: || 19 ||

vRuMdAvanEtra tiShThEta rAjamAnO mahAmuni: |
smArayannarjunaM BaktyA vairAgyENa SukaMtathA || 20 ||

yatpalaM na samApnOti prasavadgO pradakShiNAt |
pradakShiNAttadAmApnOti gururvRuMdAvanasya vai || 21 ||

brahma rAkShasa vEtAla BUta prEtAdayO gaNA: |
nAmOccAraNa mAtrENa palAyaM tEna saMSaya: || 22 ||

( OM SrI raGuprEmAya namaH ityAShTAkSharamaMtratataH |

sarvABIShTamavApnOti nAtra kArya vicAraNA || )

CaMda SabdAdi SAstrEShu gati hInOsmi bAlaka: |
gurvanugraha lESEna racitA stOtramAlikA || 23 ||

EkavAraM paThEnnityaM laBatE j~jAnamuttamaM |
dvivAraM tu paThEnnityaM muccatE sarva baMdhanAt || 24 ||

trivAraM ya: paThEnnityaM trikAlaj~jO BaviShyati |
paMcavAraM japEnnityaM muccatE paMcapAtakAt || 25 ||

saptadhA daSadhA caiva BaktyA japati nityaSa: |
dhunOti sarva pApAni nayAti yama maMdiraM || 26 ||

caMdra sUryO parAgEca vyatipAtEca vaidhRutA |
janmArkEvAtha puShyArkE japAcCiddhirBaviShyati || 27 ||

puraScaraNa rItyAvA SatamaShTOttaraM tathA |
Ekadvitri catu: paMca saptakaM maMDalaM tathA || 28 ||

varShamEkaM japEdyO vai puruShastat praBAvata: |
saMprApya sarvalOkAn sa:kramAdyAti paraM padaM || 29 ||

tryakShOpAMgalavEna manmatha mukArShid BasmasAdaMjasA |
tadvad Bakta manOruhAn kuviShayAn kAmAn pradAhyAmalaM || 30 ||

Bakti j~jAna virakti BAgya mucitaM datvA BavArNO dhRutiM |
kartAyaM munipuMgavO atra BagavAn prANESvara sAkShyalaM || 31 ||

itIdaM racitaM stOtraM svAmirAyABidEnavai |
paThanAllaBatE sauKyam SASvatam caihikaM tathA || 32 ||

ciMtAmaNiM svaBaktAnAM kalpavRukShaMca kAmadaM |
svAminaM tvAM raGuprEma tIrthaM vaMdEhyaBIShTadaM || 33 ||

|| iti SrI muttigi svAmirAyAcArya viracita
SrI raGuprEma tIrtha stOtraM saMpUrNaM SrI kRuShNArpaNamastu ||