Chinta Khandana Stotram

Composer : Shri Vadirajaru

ಯಯಾ ತೇ ಧರ್ಮಕಾಮೌ ಚ ಯಯಾ ತೇ ವ್ಯರ್ಥಮಾಜನಿ |
ಕಿಂ ತಯಾ ಚಿಂತಯಾ ಜೀವ ಹಂತಾಹಂತಾಽಫಲಾ ತವ || ೧ ||

ಸುಖಮೀಶೇಚ್ಛಯಾ ನೃಣಾಂ ದುಃಖಂ ಚಾಪಿ ತದಿಚ್ಛಯಾ |
ನ ಸ್ವೇಚ್ಛಯಾ ಭವೇತ್ ಕಿಂಚಿತ್ ಹಂತಾಹಂತಾಽಫಲಾ ತವ || ೨ ||

ಅದತೋ ಮದತೋಽಂಧಸ್ಯ ಜಿಹ್ವಾಂ ಬಹ್ವಾಶಿನೋ ನರ |
ಸಂತಃ ಖಾದಂತಿ ದಂತಾಸ್ತೇ ಹಂತಾಹಂತಾಽಫಲಾ ತವ || ೩ ||

ಮಹತ್ವೇ ತೇ ಯದಾಽಕಾಂಕ್ಷಾ ಮಹತ್ವೇವ ಭಯಂ ತದಾ |
ಜೀವ ಕಿಂ ಜೀವನಾರ್ಥೇಽತ ಚಿಂತಯಾ ಚಿಂತಯಾಽಚ್ಯುತಮ್ || ೪ ||

ಮಹಾಪದ್ಯಾಗತಾಯಾಂ ಹಿ ಮಹಾಪದ್ಯಾರ್ಥಿನೋಽಧುನಾ |
ಹರಿಣಾ ಸ್ವೈರಿಣಾ ತ್ರಾತಾಃ ಕಿಂ ನ ಖಿನ್ನ ಕೃಪಾಲುನಾ || ೫ ||

ಮಮತಾ ಯೇಷು ತೇ ನಿತ್ಯಮಮತಾಸ್ತೇಽತ ಏವ ಹಿ |
ಅಹಂತಾ ಯತ್ರ ತೇ ಜೀವ ನ ಹಂತಾ ತಸ್ಯ ಕಿಂ ಯಮಃ || ೬ ||

ನ ಸ್ವೇಷ್ಟಂ ಸ್ವೇಚ್ಛಯಾಽಕಾರ್ಷೀತ್ ಕಷ್ಟಂ ವಾತ್ಯಕ್ರಮೀದಿಹ |
ನರೋ ವಾಽಪ್ಯಥವಾ ನಾರೀ ಸುರೋ ವಾಽಪ್ಯಸುರೋಽಪಿ ವಾ || ೭ ||

ಸ್ವೇಷ್ಟಾನಾಪ್ತ್ಯಾ ರೋದನೇನ ರುದ್ರೋ ಅರುದದ್ ಇತಿ ಶೃತಿಃ |
ನರ್ತೇ ತ್ವತ್ಕ್ರಿಯತೇ ಕಿಂಚಿದಿತ್ಯಾಹಾನ್ಯಾಚ್ಯುತಂ ಪ್ರಭುಮ್ || ೮ ||

ಪಾರ್ಥಾಂಪಾರ್ಥಸತೀಮಾರ್ತಾಂ ಹರಂ ಭಸ್ಮಾಸುರಾರ್ದಿತಮ್ |
ವಿರೋಚನಸ್ಯ ಪಿತರಂ ಕಃ ಕಷ್ಟಾತ್ಪ್ರಾಗ್ವ್ಯಮೋಚಯತ್ || ೯ ||

ಶತ್ರವೋ ಯಾಂತಿ ಮಿತ್ರತ್ವಂ ಮಿತ್ರೇಽಮಿತ್ರೇ ಸತಾಂ ಹರೌ |
ಮಿತ್ರಾಣ್ಯೇವ ಚ ಶತ್ರುತ್ವಂ ಶತ್ರೌ ಶತ್ರೌ ಸುರದ್ವಿಷಾಮ್ || ೧೦ ||

ಪಿತುರ್ವಧೇ ಪುತ್ರ ಏವ ಕಾರಣಂ ಪ್ರಾಗಭೂದಿತಿ |
ಕಿಂ ನ ಶ್ರುತಂ ಸರ್ಪವೈರೀ ಸರ್ಪಸ್ಯೈವಾಭಯಂಕರಃ || ೧೧ ||

ದುಃಖಾಸ್ಪೃಷ್ಟೋ ಹರಿಸ್ತ್ವೇಕೋ ದುಃಖಸ್ಪೃಷ್ಟಾಸ್ತತೋಽಪರೇ |
ಅತೋ ನ ಭೀತೋ ದುಃಖೇಭ್ಯೋ ಭವಾನುಭವಧೀರಧೀಃ || ೧೨ ||

ಸುಖಸ್ಯಾನಂತರಂ ದುಃಖಂ ದುಃಖಸ್ಯಾನಂತರಂ ಸುಖಮ್ |
ಇತಿ ಯನ್ನಿಯಮಸ್ತಸ್ಮಾನ್ನಿಯಮೇ ನಿಯಮಂ ಕುರು || ೧೩ ||

ಅತೋ ದುರಂತಯಾ ಸ್ವಾಂತಚಿಂತಯಾ ಕಿಂ ಚಿದಂತಯಾ |
ಹಯಾನನಂ ದಯಾಸಿಂಧುಂ ಸ್ಮರ ಸ್ಮರದಭೀಷ್ಟದಮ್ || ೧೪ ||

ಆಚತುರ್ದಶಾಮಾದ್ವರ್ಷಾದ್ಯಾ ಚಿಂತ ಹೃದಿ ದೇಹಿನಾಮ್ |
ವಾದಿರಾಜೋ ಯತಿಸ್ತಸ್ಯಾಃ ಖಂಡನಾಯೇದಮಭ್ಯಧಾತ್ || ೧೫ ||

|| ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ ಚಿಂತಾಖಂಡನ ಸ್ತೋತ್ರಮ್ ಸಂಪೂರ್ಣಮ್ ||

---

yayA tE dharmakAmau ca yayA tE vyarthamAjani |
kiM tayA ciMtayA jIva haMtAhaMtA&PalA tava || 1 ||

suKamISEcCayA nRuNAM duHKaM cApi tadicCayA |
na svEcCayA BavEt kiMcit haMtAhaMtA&PalA tava || 2 ||

adatO madatO&Mdhasya jihvAM bahvASinO nara |
saMtaH KAdaMti daMtAstE haMtAhaMtA&PalA tava || 3 ||

mahatvE tE yadA&kAMkShA mahatvEva BayaM tadA |
jIva kiM jIvanArthE&ta ciMtayA ciMtayA&cyutam || 4 ||

mahApadyAgatAyAM hi mahApadyArthinO&dhunA |
hariNA svairiNA trAtAH kiM na Kinna kRupAlunA || 5 ||

mamatA yEShu tE nityamamatAstE&ta Eva hi |
ahaMtA yatra tE jIva na haMtA tasya kiM yamaH || 6 ||

na svEShTaM svEcCayA&kArShIt kaShTaM vAtyakramIdiha |
narO vA&pyathavA nArI surO vA&pyasurO&pi vA || 7 ||

svEShTAnAptyA rOdanEna rudrO arudad iti SRutiH |
nartE tvatkriyatE kiMcidityAhAnyAcyutaM praBum || 8 ||

pArthAMpArthasatImArtAM haraM BasmAsurArditam |
virOcanasya pitaraM kaH kaShTAtprAgvyamOcayat || 9 ||

SatravO yAMti mitratvaM mitrE&mitrE satAM harau |
mitrANyEva ca SatrutvaM Satrau Satrau suradviShAm || 10 ||

piturvadhE putra Eva kAraNaM prAgaBUditi |
kiM na SrutaM sarpavairI sarpasyaivABayaMkaraH || 11 ||

duHKAspRuShTO haristvEkO duHKaspRuShTAstatO&parE |
atO na BItO duHKEByO BavAnuBavadhIradhIH || 12 ||

suKasyAnaMtaraM duHKaM duHKasyAnaMtaraM suKam |
iti yanniyamastasmAnniyamE niyamaM kuru || 13 ||

atO duraMtayA svAMtaciMtayA kiM cidaMtayA |
hayAnanaM dayAsiMdhuM smara smaradaBIShTadam || 14 ||

AcaturdaSAmAdvarShAdyA ciMta hRudi dEhinAm |
vAdirAjO yatistasyAH KaMDanAyEdamaByadhAt || 15 ||

|| iti SrImadvAdirAjapUjyacaraNaviracitaM ciMtAKaMDana stOtram saMpUrNam ||