Shri Krishna mangalashtaka

Composer : Shri Vyasarajaru

ಶ್ರೀನಾರೀವದನಾಂಬುಜಸ್ಯ ತರಣಿಃ ಶ್ರೀವತ್ಸಧಾರೀ ಹರಿಃ
ಶ್ರೀವೈಕುಂಠನಿವಾಸಲೋಲುಪಮತಿಃ ಶ್ರೀಕೌಸ್ತುಭಾಲಂಕೃತಃ |
ಶ್ರೀಮದ್ಬ್ರಹ್ಮಪಿನಾಕಿಪೂಜಿತಪದಃ ಶ್ರೀಶಂಖಚಕ್ರಾಂಕಿತಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೧ ||

ಕಸ್ತೂರೀಯುತಗಂಧಲೇಪುತತನುಃ ಕುಂದಾಬ್ಜಮಾಲಾಧರಃ
ಕೇಯೂರಾದಿಸಮಸ್ತಭೂಷಣಯುತಃ ಕಂಜಾದಿಚಿಹ್ನಾಂಕಿತಃ |
ಮೀನಾಂಕಾದ್ಭುತಕೋಟಿಸುಂದರತನುರ್ಮಾಯಾತಿಗೋ ಮಾಧವಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೨ ||

ದೇವಾನಾಮಧಿಪಃ ಪಿನಾಕಿಸುಸಖೋ ದೇವಾರಿದರ್ಪಾಪಹಃ
ಕೌಂಡಿನ್ಯಾದಿತಪಸ್ವಿಸಂಘವಿನುತಃ ಕೌಂತೇಯಸಂರಕ್ಷಕಃ |
ವೇದ್ಯಾದ್ಯರ್ಥಪದಕ್ರಮಾದಿಸಮಿತೋ ವಿಶ್ವಾಧಿನಾಥೋ ಹರಿಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೩ ||

ಪೃಥ್ವೀಭಾರನಿವಾರಣೀ ಸುನಿರತಃ ಪೃಥ್ವೀಪತಿಃ ಪಾರ್ಥಿವೈಃ
ಮಾಂಧಾತೃಪ್ರಮುಖೈಃ ಸಮರ್ಚಿತಪದೋ ಮೀನಾಂತತಾತೋ ಗುರುಃ |
ನಕ್ಷತ್ರಾಧಿಪಚಂಡಭಾನುನಯನೋ ನಾಗೇಂದ್ರಶಾಯೀ ಹರಿಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೪ ||

ಸರ್ವಜ್ಞಃ ಸನಕಾದಿಭಿಃ ಪರಿವೃತಃ ಸರ್ವೇಷು ಕೃತ್ಯೇಷ್ವಪಿ
ಧ್ಯೇಯೋ ಧಾಮನಿವಾಸಬಿಂಬವಸತಿಃ ಸರ್ವಜ್ಞಚೂಡಾಮಣಿಃ |
ಸತ್ಯಜ್ಞಾನಶುಭಸ್ವರೂಪಸುಖದಃ ಸರ್ವೇಷ್ಟದಾತಾ ಹರಿಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೫ ||

ಗೋವಿಂದೋ ಗರುಡಧ್ವಜೋ ಗುರುತಮೋ ಗಾಂಗೇಯಸಂರಕ್ಷಕಃ
ಗಾಂಗೇಯಾಂಬರಚುಂಬಿತೋ ಗಗನಸದ್ಗಂಗಾಪತಿರ್ಗೋಗತಿಃ |
ಗಂಧರ್ವಾದಿಸುಗೀತಹೃಷ್ಟಹೃದಯೋ ಗೋಪಾಲಬಾಲಾನ್ವಿತಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೬ ||

ಯಜ್ಞೇಶೋ ಯದುನಂದನೋ ಯದುಪತಿರ್ಯಜ್ಞೇಶ್ವರೋ ಯಜ್ಞಭುಕ್
ಯಜ್ಞಘ್ನೇಶತನೂಜಭಾವಭರಿತೋ ಯಜ್ಞಾಽಭಿಧೇಯೋ ಹರಿಃ |
ಯಜ್ಞೋದ್ಭಾಸವಿಭೂತಯಜ್ಞಫಲದೋ ಯಜ್ಞಪ್ರಿಯಃ ಶ್ರೀಕರಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೭ ||

ಪೂರ್ಣಪ್ರಜ್ಞಮತಸ್ಥಿತಾರ್ಯಸುಖದಃ ಪೂರ್ಣೇಂದುಬಿಂಬಸ್ಥಿತಃ
ಪುಣ್ಯಾನೇಕಫಲಪ್ರದಾನಚತುರಃ ಶ್ರೀಪುಂಡರೀಕಪ್ರಿಯಃ |
ವಿಜ್ಞಾನಾದ್ಯಮಲಾಕೃತಿರ್ವಿಜಯತೇ ಶ್ರೀವಿಟ್ಠಲಃ ಶ್ರೀಕರಃ
ಶ್ರೀವ್ಯಾಸಾರ್ಯಮನೋಽಂಬುಜಸ್ಥಿರರತಿಃ ಕುರ್ಯಾತ್ಸದಾ ಮಂಗಲಮ್ || ೮ ||

|| ಇತಿ ಶ್ರೀವ್ಯಾಸರಾಜವಿರಚಿತಂ ಶ್ರೀಕೃಷ್ಣಮಂಗಳಾಷ್ಟಕಮ್ ||

---

shrInArIvadanAMbujasya taraNiH shrIvatsadhArI hariH
shrIvaikuMThanivAsalOlupamatiH shrIkoustubhAlaMkRutaH |
shrImadbrahmapinAkipUjitapadaH shrIshaMkhachakrAMkitaH
shrIvyAsAryamanO&MbujasthiraratiH kuryAtsadA maMgalam || 1 ||

kastUrIyutagaMdhalEputatanuH kuMdAbjamAlAdharaH
kEyUrAdisamastabhUShaNayutaH kaMjAdichihnAMkitaH |
mInAMkAdbhutakOTisuMdaratanurmAyAtigO mAdhavaH
shrIvyAsAryamanO&MbujasthiraratiH kuryAtsadA maMgalam || 2 ||

dEvAnAmadhipaH pinAkisusakhO dEvAridarpApahaH
kouMDinyAditapasvisaMghavinutaH kouMtEyasaMrakShakaH |
vEdyAdyarthapadakramAdisamitO vishvAdhinAthO hariH
shrIvyAsAryamanO&MbujasthiraratiH kuryAtsadA maMgalam || 3 ||

pRuthvIbhAranivAraNI sunirataH pRuthvIpatiH pArthivaiH
mAMdhAtRupramukhaiH samarchitapadO mInAMtatAtO guruH |
nakShatrAdhipachaMDabhAnunayanO nAgEMdrashAyI hariH
shrIvyAsAryamanO&MbujasthiraratiH kuryAtsadA maMgalam || 4 ||

sarvaj~jaH sanakAdibhiH parivRutaH sarvEShu kRutyEShvapi
dhyEyO dhAmanivAsabiMbavasatiH sarvaj~jachUDAmaNiH |
satyaj~jAnashubhasvarUpasukhadaH sarvEShTadAtA hariH
shrIvyAsAryamanO&MbujasthiraratiH kuryAtsadA maMgalam || 5 ||

gOviMdO garuDadhvajO gurutamO gAMgEyasaMrakShakaH
gAMgEyAMbarachuMbitO gaganasadgaMgApatirgOgatiH |
gaMdharvAdisugItahRuShTahRudayO gOpAlabAlAnvitaH
shrIvyAsAryamanO&MbujasthiraratiH kuryAtsadA maMgalam || 6 ||

yaj~jEshO yadunaMdanO yadupatiryaj~jEshvarO yaj~jabhuk
yaj~jaghnEshatanUjabhAvabharitO yaj~jA&bhidhEyO hariH |
yaj~jOdbhAsavibhUtayaj~japhaladO yaj~japriyaH shrIkaraH
shrIvyAsAryamanO&MbujasthiraratiH kuryAtsadA maMgalam || 7 ||

pUrNapraj~jamatasthitAryasukhadaH pUrNEMdubiMbasthitaH
puNyAnEkaphalapradAnachaturaH shrIpuMDarIkapriyaH |
vij~jAnAdyamalAkRutirvijayatE shrIviTThalaH shrIkaraH
shrIvyAsAryamanO&MbujasthiraratiH kuryAtsadA maMgalam || 8 ||

|| iti shrIvyAsarAjavirachitaM shrIkRuShNamaMgaLAShTakam ||