Madhwashtakam

Composer : Shri Trivikrama panditacharya

ಅಜ್ಞಾನನಾಶಾಯ ಸತಾಂ ಜನಾನಾಂ ಕೃತಾವತಾರಾಯ ವಸುಂಧರಾಯಾಮ್ |
ಮಧ್ವಾಭಿಧಾನಾಯ ಮಹಾಮಹಿಮ್ನೇ ಹತಾಘಸಂಘಾಯ ನಮೋಽನಿಲಾಯ || ೧ ||

ಯೇನ ಸ್ವಸಿದ್ಧಾಂತಸರೋಜಮದ್ಧಾ ವಿಕಾಸಿತಂ ಗೋಭಿರಲಂ ವಿಶುದ್ಧೈಃ |
ದುಸ್ತರ್ಕನೀಹಾರಕುಲಂ ಚ ಭಿನ್ನಂ ತಸ್ಮೈ ನಮೋ ಮಧ್ವದಿವಾಕರಾಯ || ೨ ||

ಪ್ರಪನ್ನತಾಪಪ್ರಶಮೈಕಹೇತುಂ ದುರ್ವಾದಿವಾದೇಂಧನಧೂಮಕೇತುಮ್ |
ನಿರಂತರಂ ನಿರ್ಮಿತಮೀನಕೇತುಂ ನಮಾಮ್ಯಹಂ ಮಧ್ವಮುನಿಪ್ರಕಾಂಡಮ್ || ೩ ||

ಶಾಂತಂ ಮಹಾಂತಂ ನತಪಾತಕಾಂತಂ ಕಾಂತಂ ನಿತಾಂತಂ ಕಲಿತಾಗಮಾಂತಮ್ |
ಸ್ವಾಂತಂ ನಯಂತಂ ತ್ರಿಪುರಾರಿಕಾಂತಂ ಕಾಂತಂ ಶ್ರಿಯೋ ಮಧ್ವಗುರುಂ ನಮಾಮಿ || ೪ ||

ಪುನ್ನಾನನಾಮ್ನೇ ಮುರವೈರಿಧಾಮ್ನೇ ಸಂಪೂರ್ಣನಾಮ್ನೇ ಸಮಧೀತಸಾಮ್ನೇ |
ಸಂಕೀರ್ತಿತಾಧೋಕ್ಷಜ ಪುಣ್ಯನಾಮ್ನೇ ನಮೋಽಸ್ತು ಮಧ್ವಾಯ ವಿಮುಕ್ತಿನಾಮ್ನೇ || ೫ ||

ಸನ್ಮಾನಸಂಸಜ್ಜನತಾಶರಣ್ಯಂ ಸನ್ಮಾನಸಂ
ತೋಷಿತರಾಮಚಂದ್ರಮ್ |
ಸನ್ಮಾನಸನ್ಯಕ್ತಪದಂ ಪ್ರಶಾಂತಂ ನಮಾಮ್ಯಹಂ ಮಧ್ವಮಹಾಮುನೀಶಮ್ || ೬ ||

ಸಂಸ್ತೂಯಮಾನಾಯ ಸತಾಂ ಸಮೂಹೈಶ್ಚಂದ್ರಾಯಮಾನಾಯ ಚಿದಂಬುರಾಶೇಃ |
ದೀಪಾಯಮಾನಾಯ ಹರಿಂ ದಿದೃಕ್ಷೋರಲಂ ನಮೋ ಮಧ್ವಮುನೀಶ್ವರಾಯ || ೭ ||

ಗುಣೈಕಸಿಂಧುಂ ಗುರುಪುಂಗವಂ ತಂ ಸದೈಕಬಂಧುಂ ಸಕಲಾಕಲಾಪಮ್ |
ಮನೋಜಬಂಧುಂ ನತತಪಾದಪದ್ಮಂ
ನಮಾಮ್ಯಹಂ ಮಧ್ವಮುನಿಂ ವರೇಣ್ಯಮ್ || ೮ ||

ಮಧ್ವಾಷ್ಟಕಂ ಪುಣ್ಯತಮಂ ತ್ರಿಸಂಧ್ಯಂ ಪಠಂತ್ಯಲಂ ಭಕ್ತಿಯುತಾ ಜನಾ ಯೇ |
ತೇಷಾಮಭೀಷ್ಟಂ ಪ್ರತನೋತಿ ವಾಯುಃ ಶ್ರೀಮಧ್ವನಾಮಾ ಗುರುಪುಂಗವೋಽಯಮ್ || ೯ ||

ಸಮಸ್ತಶಾಸ್ತ್ರಾಣಿ ಚ ಸಮ್ಯಗೇವ ಕೃತ್ವಾ ಹರೇಃ
ಶಾಶ್ವತಸದ್ಗುಣಾನ್ ಯಃ |
ಪ್ರಕಾಶಯಾಮಾಸ ಸಮಸ್ತಯುಕ್ತಿಭಿಃ ಶ್ರೀಮಧ್ವನಾಮಾ ಚ ಸದಾ ಪ್ರಸೀದತಾಮ್ || ೧೦ ||

ಪರಮಪುರುಷಶ್ರೀಚರಣಸರೋರುಹಮಧುಕರರೂಪಕಮಾನಸಮುದಿತಮ್ |
ಗುರುಕುಲತಿಲಕಶ್ರೀಮದಾನಂದತೀರ್ಥಯೋಗಿವರಂ ಸತತಮಹಂ ವಂದೇ || ೧೧ ||

ಶ್ರೀಮಲ್ಲಿಕುಚವಂಶ್ಯೇನ ಮಧ್ವಾಷ್ಟಕಮುದೀರಿತಮ್ |
ಶ್ರೀಮತ್ತ್ರಿವಿಕ್ರಮಾಖ್ಯೇನ ಗುರ್ವನುಗ್ರಹಕಾರಕಮ್ || ೧೨ ||

|| ಇತಿ ಕವಿಕುಲತಿಲಕಶ್ರೀಮತ್ತ್ರಿವಿಕ್ರಮಪಂಡಿತಾಚಾರ್ಯವಿರಚಿತಂ ಶ್ರೀಮಧ್ವಾಷ್ಟಕಮ್ ||

---

aj~jAnanASAya satAM janAnAM kRutAvatArAya vasuMdharAyAm |
madhvABidhAnAya mahAmahimnE hatAghasaMGAya namO&nilAya || 1 ||

yEna svasiddhAMtasarOjamaddhA vikAsitaM gOBiralaM viSuddhaiH |
dustarkanIhArakulaM ca BinnaM tasmai namO madhvadivAkarAya || 2 ||

prapannatApapraSamaikahEtuM durvAdivAdEMdhanadhUmakEtum |
niraMtaraM nirmitamInakEtuM namAmyahaM madhvamuniprakAMDam || 3 ||

SAMtaM mahAMtaM natapAtakAMtaM kAMtaM nitAMtaM kalitAgamAMtam |
svAMtaM nayaMtaM tripurArikAMtaM kAMtaM SriyO madhvaguruM namAmi || 4 ||

punnAnanAmnE muravairidhAmnE saMpUrNanAmnE samadhItasAmnE |
saMkIrtitAdhOkShaja puNyanAmnE namO&stu madhvAya vimuktinAmnE || 5 ||

sanmAnasaMsajjanatASaraNyaM sanmAnasaM
tOShitarAmacaMdram |
sanmAnasanyaktapadaM praSAMtaM namAmyahaM madhvamahAmunISam || 6 ||

saMstUyamAnAya satAM samUhaiScaMdrAyamAnAya cidaMburASEH |
dIpAyamAnAya hariM didRukShOralaM namO madhvamunISvarAya || 7 ||

guNaikasiMdhuM gurupuMgavaM taM sadaikabaMdhuM sakalAkalApam |
manOjabaMdhuM natatapAdapadmaM
namAmyahaM madhvamuniM varENyam || 8 ||

madhvAShTakaM puNyatamaM trisaMdhyaM paThaMtyalaM BaktiyutA janA yE |
tEShAmaBIShTaM pratanOti vAyuH SrImadhvanAmA gurupuMgavO&yam || 9 ||

samastaSAstrANi ca samyagEva kRutvA harEH
SASvatasadguNAn yaH |
prakASayAmAsa samastayuktiBiH SrImadhvanAmA ca sadA prasIdatAm || 10 ||

paramapuruShaSrIcaraNasarOruhamadhukararUpakamAnasamuditam |
gurukulatilakaSrImadAnaMdatIrthayOgivaraM satatamahaM vaMdE || 11 ||

SrImallikucavaMSyEna madhvAShTakamudIritam |
SrImattrivikramAKyEna gurvanugrahakArakam || 12 ||

|| iti kavikulatilakaSrImattrivikramapaMDitAcAryaviracitaM SrImadhvAShTakam ||