Prarthana dashaka stotram

Composer : Shri Vadirajaru

ರಮಾರಮಣ ಮಧ್ವಾದಿದೇಶಿಕ ಶ್ರೀಹೃದಬ್ಜಗ |
ಹಯಗ್ರೀವ ಕೃಪಾಲೋ ಮೇ ಪ್ರಾರ್ಥನಾಂ ಶ್ರುಣು ಸಾದರಮ್ || ೧ ||

ಅಯೋಗ್ಯವಿಷಯೇ ಸ್ವಾಮಿನ್ ಸರ್ವಥಾ ನ ಮನೋ ಭವೇತ್ |
ಚಾಂಚಲ್ಯಂ ಮೂಲತಶ್ಛಿಂಧಿ ದುರಾಶಾಂ ಹರ ದೂರತಃ || ೨ ||

ದುರ್ಬುದ್ಧಿಂ ಚ ನ ಮೇ ದೇಹಿ ದುಃಶಾಸ್ತ್ರಾವರ್ತನೇ ರತಿಮ್ |
ಹಾಪಯಸ್ವ ಚ ದುರ್ಮಾನಂ ದುರ್ಗುಣಂ ಮೋಚಯ ಪ್ರಭೋ || ೩ ||

ದುಃಸಂಗಂ ದುಷ್ಕ್ರಿಯಾಂ ಛಿಂಧಿ ಹರ ಲೋಕಾಟನಾತ್ಪದೌ |
ನ ನಿಯೋಜಯ ಚಕ್ಷೂಂಷಿ ಪರದಾರಾದಿದರ್ಶನೇ || ೪ ||

ದುಷ್ಪ್ರತಿಗ್ರಹದುಸ್ಪರ್ಶೇ ಕರೌ ಮಾ ಚೋದಯ ಧ್ರುವಮ್ |
ಅಗಮ್ಯಾಗಮನೇ ಗುಹ್ಯಾಂ ಘ್ರಾಣಮಾಘ್ರಾಣನೇಽಸತಾಮ್ || ೫ ||

ಅಪಕರ್ಷತು ಜಿಹ್ವಾಂ ಮೇ ಲೋಕವಾರ್ತಾದುರನ್ನತಃ |
ದುರ್ವಾರ್ತಾದುಷ್ಟಶಬ್ದೇಭ್ಯೋ ನಿವರ್ತಯ ಹರೇ ಶ್ರುತೀ || ೬ ||

ಭವದಿಚ್ಛಾನುಗಂ ಚೇತೋ ಯೋಗ್ಯಸದ್ವಿಷಯಂ ಭವೇತ್ |
ಯದೃಚ್ಛಾಲಾಭಸಂತೃಪ್ತಂ ನಿಶ್ಚಾಂಚಲ್ಯಂ ಭವೇತ್ವಯಿ || ೭ ||

ಸುಜ್ಞಾನಂ ಸರ್ವದಾ ದೇಹಿ ಸಚ್ಛಾಸ್ತ್ರಾವರ್ತನೇ ರತಿಮ್ |
ಸತ್ಸಂಗಂ ಸತ್ಕ್ರಿಯಾಂ ಚೈವ ಪಾದೌ ತ್ವತ್‍ಕ್ಷೇತ್ರಸರ್ಪಣೇ || ೮ ||

ಶ್ರೀಮಧ್ವಶಾಸ್ತ್ರಶ್ರವಣೇ ನಿಯಂಕ್ಷ್ವ ಶ್ರವಣೇ ಸದಾ |
ಹಯಾಸ್ಯ ಚಕ್ಷುಷೀ ಚೇಮೇ ದರ್ಶನೇ ಸನ್ನಿಯೋಜಯ || ೯ ||

ಕರೌ ತ್ವದರ್ಚನೇ ನಿತ್ಯಂ ಸುಖತೀರ್ಥಸ್ಯ ಲೇಖನೇ |
ತ್ವದಾಲಾಪೇ ತ್ವದುಚ್ಛಿಷ್ಟಭೋಜನೇ ಕುರು ಜಿಹ್ವಿಕಾಮ್ || ೧೦ ||

ಘ್ರಾಣಂ ಭವತು ನಿರ್ಮಾಲ್ಯಾಘ್ರಾಣನೇ ನಮನೇ ಶಿರಃ |
ದೇಹಿ ಮೇ ತು ಜ್ಞಾನಭಕ್ತಿ ಪಶುಪುತ್ರಧನಾದಿಕಮ್ || ೧೧ ||

ಪ್ರಾರ್ಥನಾದಶಕಂ ಚೈತತ್ ತ್ರಿಕಾಲೇ ಯಃ ಪಠೇನ್ನರಃ |
ತಸ್ಯಾಭೀಷ್ಟಂ ಹಯಾಸ್ಯೋಽಸೌ ದತ್ವಾ ರಕ್ಷತಿ ಸರ್ವದಾ || ೧೨ ||

|| ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ ಪ್ರಾರ್ಥನಾದಶಕಸ್ತೋತ್ರಂ ||

---

ramAramaNa madhvAdidESika SrIhRudabjaga |
hayagrIva kRupAlO mE prArthanAM SruNu sAdaram || 1 ||

ayOgyaviShayE svAmin sarvathA na manO BavEt |
cAMcalyaM mUlataSCiMdhi durASAM hara dUrataH || 2 ||

durbuddhiM ca na mE dEhi duHSAstrAvartanE ratim |
hApayasva ca durmAnaM durguNaM mOcaya praBO || 3 ||

duHsaMgaM duShkriyAM CiMdhi hara lOkATanAtpadau |
na niyOjaya cakShUMShi paradArAdidarSanE || 4 ||

duShpratigrahadusparSE karau mA cOdaya dhruvam |
agamyAgamanE guhyAM GrANamAGrANanE&satAm || 5 ||

apakarShatu jihvAM mE lOkavArtAdurannataH |
durvArtAduShTaSabdEByO nivartaya harE SrutI || 6 ||

BavadicCAnugaM cEtO yOgyasadviShayaM BavEt |
yadRucCAlABasaMtRuptaM niScAMcalyaM BavEtvayi || 7 ||

suj~jAnaM sarvadA dEhi sacCAstrAvartanE ratim |
satsaMgaM satkriyAM caiva pAdau tvat^kShEtrasarpaNE || 8 ||

SrImadhvaSAstraSravaNE niyaMkShva SravaNE sadA |
hayAsya cakShuShI cEmE darSanE sanniyOjaya || 9 ||

karau tvadarcanE nityaM suKatIrthasya lEKanE |
tvadAlApE tvaducCiShTaBOjanE kuru jihvikAm || 10 ||

GrANaM Bavatu nirmAlyAGrANanE namanE SiraH |
dEhi mE tu j~jAnaBakti paSuputradhanAdikam || 11 ||

prArthanAdaSakaM caitat trikAlE yaH paThEnnaraH |
tasyABIShTaM hayAsyO&sau datvA rakShati sarvadA || 12 ||

|| iti SrImadvAdirAjapUjyacaraNaviracitaM prArthanAdaSakastOtraM ||