Durga Stava – Shri Vadirajaru

ಭಾವೀಸಮೀರ ಶ್ರೀ ವಾದಿರಾಜ ವಿರಚಿತ ಶ್ರೀ ದುರ್ಗಾ ಸ್ತವ

ಸನ್ನದ್ಧ ಸಿಂಹ ಸ್ಕಂಧಸ್ಥಾಂ ಸ್ವರ್ಣವರ್ಣಾಂ ಮನೋರಮಾಮ್ |
ಪೂರ್ಣೇಂದು ವದನಾಂ ದುರ್ಗಾಂ ವರ್ಣಯಾಮಿ ಗುಣಾರ್ಣವಾಮ್ || ೧ ||

ಕಿರೀಟ-ಹಾರ-ಗ್ರೈವೇಯ -ನೂಪುರಾಂಗದ ಕಂಕಣೈಃ |
ರತ್ನಕಾಂಚ್ಯಾ ರತ್ನಚಿತ್ರ ಕುಚ-ಕಂಚುಕ-ತೇಜಸಾ || ೨ ||

ವಿರಾಜಮಾನಾ ರುಚಿರಾಂಬರಾ ಕಿಂಕಿಣಿ-ಮಂಡಿತಾ |
ರತ್ನ-ಮೇಖಲಯಾ ರತ್ನ-ವಾಸೋಪರಿ ವಿಭೂಷಿತಾ || ೩ ||

ವೀರ-ಶೃಂಖಲಯಾ ಶೋಭಿ-ಚಾರುಪಾದ ಸರೋರುಹಾ |
ರತ್ನ ಚಿತ್ರಾಂಗುಲೀ-ಮುದ್ರಾ ರತ್ನ ಕುಂಡಲ ಮಂಡಿತಾ || ೪ ||

ವಿಚಿತ್ರ ಚೂಡಾಮಣಿನಾ ರತ್ನೋದ್ಯತ್-ತಿಲಕೇನ ಚ |
ಅನರ್ಘ್ಯ-ನಾಸಾ-ಮಣಿನಾ -ಶೋಭಿತಾಸ್ಯ ಸರೋರುಹಾ || ೫ ||

ಭುಜಕೀರ್ತ್ಯಾ ರಚ್ನಚಿತ್ರ ಕಂಠ ಸೂತ್ರೇಣ ಚಾಂಕಿತಾ
ಪದ್ಮಾಕ್ಷಿಣೀ ಸುಬಿಂಬೋಷ್ಠೀ ಪದ್ಮಗರ್ಭಾದಿಭಿಃಸ್ತುತಾ || ೬ ||

ಕಬರೀ-ಭಾರ-ವಿನ್ಯಸ್ತ-ಪುಷ್ಟಸ್ತ-ಬಕವಿಸ್ತರಾ |
ಕರ್ಣ-ನೀಲೋತ್ಪಲ-ರುಚಾ ಲಸದ್ ಭ್ರೂ-ಮಂಡಲತ್ವಿಷಾ || ೭ ||

ಕುಂತಲಾನಾಂ ಚ ಸಂತತ್ಯಾ ಶೋಭಮಾನಾ ಶುಭಪ್ರದಾ |
ತನು ಮಧ್ಯಾ ವಿಶಾಲೋರಃಸ್ಥಲಾ ಪೃಥುನಿತಂಬಿನೀ || ೮ ||

ಚಾರು-ದೀರ್ಘ-ಭುಜಾ ಕಂಬು-ಗ್ರೀವಾ ಜಂಘಾ-ಯುಗಪ್ರಭಾ |
ಅಸಿ-ಚರ್ಮ-ಗದಾ-ಶೂಲ-ಧನುರ್-ಬಾಣಾಂಕುಶಾದಿನಾ || ೯ ||

ವರಾಭಯಾಭ್ಯಾಂ ಚಕ್ರೇಣ ಶಂಖೇನ ಚ ಲಸತ್ಕರಾ |
ದಂಷ್ಟ್ರಾಗ್ರ-ಭೀಷಣಾಸ್ಯೋತ್ಥ ಹುಂಕಾರಾರ್ದಿತ ದಾನವಾ || ೧೦ ||

ಭಯಂಕರೀ ಸುರಾರೀಣಾಂ ಸುರಾಣಾಮ್-ಅಭಯಂಕರೀ |
ಮುಕುಂದಕಿಂಕರೀ ವಿಷ್ಣುಭಕ್ತಾನಾಂ ಮೌಕ್ತಶಂಕರೀ || ೧೧ ||

ಸುರಸ್ತ್ರೀ-ಕಿಂಕರೀ-ಭಿಷ್ಚ ವೃತಾ ಕ್ಷೇಮಂಕರೀ ಚ ನಃ |
ಆದೌ ಮುಖೋದ್ಗೀರ್ಣ ನಾನಾಽಽಮ್ನಾಯಾ ಸರ್ಗಕರೀ ಪುನಃ || ೧೨ ||

ನಿಸರ್ಗಮುಕ್ತಾ ಭಕ್ತಾನಾಂ ತ್ರಿವರ್ಗ ಫಲ-ದಾಯಿನೀ |
ನಿಶುಂಭ ಶುಂಭ ಸಂಹರ್ತ್ರೀ ಮಹಿಷಾಸುರ ಮರ್ದಿನೀ || ೧೩ ||

ತಾಮಸಾನಾಂ ತಮಃ ಪ್ರಾಪ್ತೈ ಮಿಥ್ಯಾಜ್ಞಾನ ಪ್ರವರ್ತಿಕಾ |
ತಮೋಽಭಿಮಾನಿನೀ ಪಾಯಾದ್ದುರ್ಗಾ ಸ್ವರ್ಗಾಪವರ್ಗದಾ || ೧೪ ||

ಇಮಂ ದುರ್ಗಾಸ್ತವಂ ಪುಣ್ಯಂ ವಾದಿರಾಜ-ಯತೀರಿತಮ್ |
ಪಠನ್ ವಿಜಯತೇ ಶತ್ರೂನ್ ಮೃತ್ಯುಂ ದುರ್ಗಾಣಿ ಚೋತ್ತರೇತ್ ||

|| ಇತಿ ದುರ್ಗಾಸ್ತವ ಸಂಪೂರ್ಣಂ ||

---

BAvIsamIra SrI vAdirAja viracita SrI durgA stava

sannaddha siMha skaMdhasthAM svarNavarNAM manOramAm |
pUrNEMdu vadanAM durgAM varNayAmi guNArNavAm || 1 ||

kirITa-hAra-graivEya -nUpurAMgada kaMkaNaiH |
ratnakAMcyA ratnacitra kuca-kaMcuka-tEjasA || 2 ||

virAjamAnA rucirAMbarA kiMkiNi-maMDitA |
ratna-mEKalayA ratna-vAsOpari viBUShitA || 3 ||

vIra-SRuMKalayA SOBi-cArupAda sarOruhA |
ratna citrAMgulI-mudrA ratna kuMDala maMDitA || 4 ||

vicitra cUDAmaNinA ratnOdyat-tilakEna ca |
anarGya-nAsA-maNinA -SOBitAsya sarOruhA || 5 ||

BujakIrtyA racnacitra kaMTha sUtrENa cAMkitA
padmAkShiNI subiMbOShThI padmagarBAdiBiHstutA || 6 ||

kabarI-BAra-vinyasta-puShTasta-bakavistarA |
karNa-nIlOtpala-rucA lasad BrU-maMDalatviShA || 7 ||

kuMtalAnAM ca saMtatyA SOBamAnA SuBapradA |
tanu madhyA viSAlOraHsthalA pRuthunitaMbinI || 8 ||

cAru-dIrGa-BujA kaMbu-grIvA jaMGA-yugapraBA |
asi-carma-gadA-SUla-dhanur-bANAMkuSAdinA || 9 ||

varABayAByAM cakrENa SaMKEna ca lasatkarA |
daMShTrAgra-BIShaNAsyOttha huMkArArdita dAnavA || 10 ||

BayaMkarI surArINAM surANAm-aBayaMkarI |
mukuMdakiMkarI viShNuBaktAnAM mauktaSaMkarI || 11 ||

surastrI-kiMkarI-BiShca vRutA kShEmaMkarI ca naH |
Adau muKOdgIrNa nAnA&&mnAyA sargakarI punaH || 12 ||

nisargamuktA BaktAnAM trivarga Pala-dAyinI |
niSuMBa SuMBa saMhartrI mahiShAsura mardinI || 13 ||

tAmasAnAM tamaH prAptai mithyAj~jAna pravartikA |
tamO&BimAninI pAyAddurgA svargApavargadA || 14 ||

imaM durgAstavaM puNyaM vAdirAja-yatIritam |
paThan vijayatE SatrUn mRutyuM durgANi cOttarEt ||

|| iti durgAstava saMpUrNaM ||