Vyasa Ashtakam – Vadirajaru

ಶ್ರೀಮದ್ ಭಾವಿಸಮೀರ ಶ್ರೀ
ವಾದಿರಾಜತೀರ್ಥ ಗುರುವರ್ಯ ವಿರಚಿತ
ಶ್ರೀ ವ್ಯಾಸಾಷ್ಟಕಮ್ |

ಶ್ರೀಶಂ ವಿಚಿತ್ರ ಕವಿತಾರಸ ಪೂರಿತಾಶಂ
ಶ್ರೀಶಂಕರೋರಗ ಖಗೇಂದ್ರ ಹೃದಬ್ಜವಾಸಮ್ |
ಆಶಂಕಮಾನಜನ ತೃಪ್ತಿ ಕರೋಕ್ತಿಹಾಸಂ
ವ್ಯಾಸಂ ನತೋಶ್ಸ್ಮಿ ಹರಿತೋಪಲ ಸನ್ನಿಕಾಶಮ್ ||೧||

ವೇದಾಂತ ಸೂತ್ರ ಪವನೋದ್ಧೃತ ಪಂಚ ವೇದಾ-
ಮೋದಾಂಶತೋಷಿತ ಸುರರ್ಷಿನರಾದಿ ಭೇದಾಮ್ |
ಬೋಧಾಂಬುಜಾತಲಸಿತಾಂ ಸರಸೀಮಗಾಧಾಂ
ಶ್ರೀದಾಂ ಶ್ರಿತೋಽಸ್ಮಿ ಶುಕತಾತ ಪದಾಮಖೇದಾಮ್ ||೨||

ದ್ವೈಪಾಯನೋ ಜಯತಿ ಯನ್ನಿಜಶಕ್ತಿದೀಪಃ
ಪಾಪಾಭಿವರ್ಧಿತ ಕುವಾದಿತ ಮಿಸ್ರತಾಪಃ |
ಪಾಪಾಖ್ಯ ದುರ್ಭಗದಶಾಕೃತಿ ತೀವ್ರಕೋಪ:
ಪಾಪಾದ್ಭುತೌಷಧಿರಗೇ ಶ್ವಸನಾಂಶ ರೂಪಃ ||೩||

ಇಂದ್ರಾದಿದೈವತಹೃದಾಖ್ಯಚಕೋರಚಂದ್ರಾ-
ಮಂದಾಂಶುಕಲ್ಪಶುಭಜಲ್ಪಿತಪುಷ್ಪವೃಂದ: |
ವೃಂದಾರಕಾಂಘ್ರ್ಯುಪಲತಾಗುಣರತ್ನಸಾಂದ್ರೋ
ಮಂದಾಯ ಮೇ ಫಲತು ಕೃಷ್ಣತರುಃ ಫಲಂ ದ್ರಾಕ್ ||೪||

ಮಾತಾ ಹಿತೇವ ಪರಿರಕ್ಷತಿ ಯೇನ ಗೀತಾ
ಗೀತಾಗ್ರ್ಯಭಾರತಪುರಾಣಕೃತಾಽವಿಗೀತಾ |
ವಾತಾಂಶಮಧ್ವವರದಃ ಸ ಗಿರೋ ಮಮೈತಾ:
ಖ್ಯಾತಾಃ ಪರಾಶರಸುತೋ ವಿದಧಾತು ಧಾತಾ ||೫||

ಪಾರಂ ಭವಾಖ್ಯಜಲಧೇರ್ಭುವನೈಕಸಾರಂ
ಸ್ವೈರಂ ಕೃತೋರುವಿಧವೇದಪಥಪ್ರಚಾರಮ್ |
ಆರಂಜಿತಾಮರಜನಂ ಸುಖಚಿಚ್ಛರೀರಂ
ಧೀರಂ ಸ್ಮರಾಮಿ ಹೃದಿ ಸತ್ಯವತೀಕುಮಾರಮ್ ||೬||

ಭಾವಾಶ್ರಿತಂ ಯಮನುಸೃತ್ಯ ಭಜಂತಿ ದೇವಾಃ
ಸೇವಾರತಾಶ್ಚ ಮುನಯಃ ಕವಯೋ ನೃದೇವಾಃ |
ಯೋ ವಾಸುದೇವವಪುರಸ್ಯ ಮಹಾನುಭಾವಾಂ-
ಚ್ಛ್ರೀಬಾದರಾಯಣಹರೇ: ನ ಗೃಣೀತ ಕೋ ವಾ ||೭||

ಜ್ಞಾನಂ ಪ್ರದೇಹಿ ಭವದಾಗಮವಾರ್ಧ್ಯಧೀನಂ
ಶ್ರೀನಂದಸೂನುಪದಭಕ್ತಿನದೀನಿದಾನಮ್ |
ಆನಂದತೀರ್ಥವರದೋಚ್ಚಮಹಾಧ್ವನೀನಂ
ದೀನಂ ಬದರ್ಯಧಿಪತೇ ಕುರು ಮಾಮಮಾನಮ್ ||೮||

ವಾಸಿಷ್ಠವಂಶತಿಲಕಸ್ಯ ಹರೇರ್ಮನೋಜ್ಞಂ
ದೋಷೌಘಖಂಡನವಿಶಾರದಮಷ್ಟಕಂ ಯೇ |
ದಾಸಾಃ ಪಠಂತ್ಯನುದಿನಂ ಭುವಿ ವಾದಿರಾಜ-
ಧೀಸಂಭವಂ ಪರಿಭವೋ ನ ದಿಶಾಸು ತೇಷಾಮ್ ||೯||

---

SrImad BAvisamIra SrI
vAdirAjatIrtha guruvarya viracita
SrI vyAsAShTakam |

SrISaM vicitra kavitArasa pUritASaM
SrISaMkarOraga KagEMdra hRudabjavAsam |
ASaMkamAnajana tRupti karOktihAsaM
vyAsaM natOSsmi haritOpala sannikASam ||1||

vEdAMta sUtra pavanOddhRuta paMca vEdA-
mOdAMSatOShita surarShinarAdi BEdAm |
bOdhAMbujAtalasitAM sarasImagAdhAM
SrIdAM SritO&smi SukatAta padAmaKEdAm ||2||

dvaipAyanO jayati yannijaSaktidIpaH
pApABivardhita kuvAdita misratApaH |
pApAKya durBagadaSAkRuti tIvrakOpa:
pApAdButauShadhiragE SvasanAMSa rUpaH ||3||

iMdrAdidaivatahRudAKyacakOracaMdrA-
maMdAMSukalpaSuBajalpitapuShpavRuMda: |
vRuMdArakAMGryupalatAguNaratnasAMdrO
maMdAya mE Palatu kRuShNataruH PalaM drAk ||4||

mAtA hitEva parirakShati yEna gItA
gItAgryaBAratapurANakRutA&vigItA |
vAtAMSamadhvavaradaH sa girO mamaitA:
KyAtAH parASarasutO vidadhAtu dhAtA ||5||

pAraM BavAKyajaladhErBuvanaikasAraM
svairaM kRutOruvidhavEdapathapracAram |
AraMjitAmarajanaM suKacicCarIraM
dhIraM smarAmi hRudi satyavatIkumAram ||6||

BAvASritaM yamanusRutya BajaMti dEvAH
sEvAratASca munayaH kavayO nRudEvAH |
yO vAsudEvavapurasya mahAnuBAvAM-
cCrIbAdarAyaNaharE: na gRuNIta kO vA ||7||

j~jAnaM pradEhi BavadAgamavArdhyadhInaM
SrInaMdasUnupadaBaktinadInidAnam |
AnaMdatIrthavaradOccamahAdhvanInaM
dInaM badaryadhipatE kuru mAmamAnam ||8||

vAsiShThavaMSatilakasya harErmanOj~jaM
dOShauGaKaMDanaviSAradamaShTakaM yE |
dAsAH paThaMtyanudinaM Buvi vAdirAja-
dhIsaMBavaM pariBavO na diSAsu tEShAm ||9||