Vadiraja Ashtakam – Jambhukhandi Acharya

ಹಯಕಂಧರ-ಪಾದ-ಪಯೋಜ-ಮಧು-ವ್ರತರಾಜಂ
ಶಿವಮುಖ್ಯ-ಸುರಾದ್ಯಭಿ-ವಂದಿತ-ಪಾದ-ಸರೋಜಮ್ |
ಯತಿಜಾತಪತಿಂ ವಿಪತಿಪ್ರಿಯ-ಕಿಂಕರರಾಜಂ
ಪ್ರಣಮಾಮ್ಯಲಂ ಋಜುವರ್ಯಮಹಂ ಗುರುರಾಜಮ್ ||೧||

ಯದಗಾಧ-ಬಲಾಜ್ಜಗದೇತದುದೇತಿ ಸರುದ್ರಂ
ತದಗಾಧ-ಕೃಪಾ-ಸುವಿಲೋಕ-ನರಕ್ಷಿತ-ಭದ್ರಮ್ |
ವಿಧಿವಾಯು-ಸಮರ್ಪಿತ-ನೈಜಬಲಂ ಯದಿದಾನೀಂ
ಪ್ರಣಮಾಮ್ಯಮಲಂ ಋಜುವರ್ಯಮಹಂ ಗುರುರಾಜಮ್ ||೨||

ಯದಮಂದ-ಪದಾಂಬುಜ-ರೇಣುಕಣಃ ಪ್ರಣತಾಘಂ
ನಿಟಿಲೇ ಸುಧೃತೋ ಹರತೀಹ ಪತಂಗ ಇವಾಂಧಮ್ |
ಯಮಜಾ ಹರಿದತ್ತ-ಕುಮಾರಮಿವಾಂಕ-ಸರೋಜೇ
ಕೃತವತ್ಯಮಲಾ ತಮಹಂ ಪ್ರಣಮಾಮಿ ಯತೀಶಮ್ ||೩||

ಯದಪಾಂಗಲ-ವಾಶ್ರಿತ-ರುದ್ರಮುಖಾಃ ಭವಮುಕ್ತಾಃ
ಶ್ರಿತರಕ್ಷಣ-ದೀಕ್ಷಿತ-ತಾಧೃತ-ಕೀರ್ತಿ-ಶುಭಾಂಗಾಃ |
ಹರಿಪಾದ-ಸರೋಜಯುಗಂ ಕಮಲಾನುತಮಾಪು-
ಸ್ತಮಹಂ ಪ್ರಣಮಾಮಿ ಗುರೂತ್ತಮ-ಸದ್ಗುರುರಾಜಮ್ || ೪||

ಸುರಲೋಕ-ವಿಹಾರಜ-ಸನ್ಮಹಿಮಾ-ಮಹಿಮಾನಂ
ಕಮಲೇಶ-ಹಯಾಸ್ಯ-ಪದಾರ್ಚನ-ಸಂಗತ-ಚಿತ್ತಂ |
ಕಮಲಾರ್ಪಿತ-ಪತ್ರಮಜಾಯ ವಿತೀರ್ಯ ನಮಂತಂ
ದ್ವಿಜರರಾಜವರಂ ಗುರುರಾಜಮಹಂ ಪ್ರಣಾಮಿ || ೫||

ಬದರೀಪುರಗಂ ಸುರಥಂ ಕಿಲ ಭೂತಪತೀಶೇ
ಪ್ರಣಿಧಾಯ ಸುರತ್ನ-ಮಣೀಂದ್ರಮಯಂ ರಥಮಾರ್ಗೇ |
ನಗರೇ ತಿರಿವಿಕ್ರಮ ಮೂರ್ತಿಮುಪಾಸ್ಯ ಮಹಾನ್ಯಃ
ತಮಹಂ ಸುಮಹೋತ್ಸವಕಾರಿವರಂ ಪ್ರಣಮಾಮಿ ||೬||

ಯಶಸಾ ಸ್ವಪದಾಬ್ಜ-ಪರಾಗರತಾ-ಖಿಲತಾಪಂ
ಹರತಾ ಹರಪೂರ್ವ-ಸುರಾಲಿ-ಶಿರಶ್-ಚಲತಾಘಂ |
ನರತಾಂ ಸಮತೀತ್ಯ ಚರತ-ಮಹಃ-ಪ್ರತಿಭಾಸಂ
ದ್ವಿಜರಾಜವರಂ ಗುರುರಾಜಮಹಂ ಪ್ರಣಮಾಮಿ ||೭||

ವರಹಂಸ-ಸುವಾಹನ-ಸಂಸ್ಥಿತ-ಮೂರ್ತಿ-ಮದೋಷಂ
ಸುತ್ರಿವಿಕ್ರಮ-ದೇವ-ಪುರಃ-ಸ್ಥಿತ ಸುಧ್ವಜರಾಜೇ|
ಚತುರಾಸ್ಯ-ಪದೋಚಿತತಾಂ ಪ್ರಥಯಂತ-ಮಿದಾನೀಂ
ಪ್ರಣಮಾಮ್ಯಮಲಂ ಪ್ರಣತಾಖಿಲದಂ ಗುರುರಾಜಮ್ ||೮||

ಶ್ರೀ ವಾದಿರಾಜಾಷ್ಟಕ-ಮೇತಮಂತ-
ಸ್ತಮಃ-ಸಮೂಹಾಪಹ-ರಾರ್ಕ-ರೂಪಮ್ |
ಪಠೇತ್-ಸದಾ ಯಃ ಶ್ರುಣುಯಾಚ್ಚ ಯೋಗೀ
ಪ್ರಾಪ್ನೋತಿ ಭೂತಿಂ ಪರಮಾಂ ತದೀಕ್ಷಃ ||೯||

|| ಇತಿ ಶ್ರೀ ಜಂಬುಖಂಡಿ ವಾದಿರಾಜಾಚಾರ್ಯ ವಿರಚಿತಂ
ಶ್ರೀವಾದಿರಾಜಾಷ್ಟಕಂ ಸಂಪೂರ್ಣಮ್ ||

|| ಶ್ರೀ ಮಧ್ವೇಶಾರ್ಪಣಮಸ್ತು ||

---

hayakaMdhara-pAda-payOja-madhu-vratarAjaM
SivamuKya-surAdyaBi-vaMdita-pAda-sarOjam |
yatijAtapatiM vipatipriya-kiMkararAjaM
praNamAmyalaM RujuvaryamahaM gururAjam ||1||

yadagAdha-balAjjagadEtadudEti sarudraM
tadagAdha-kRupA-suvilOka-narakShita-Badram |
vidhivAyu-samarpita-naijabalaM yadidAnIM
praNamAmyamalaM RujuvaryamahaM gururAjam ||2||

yadamaMda-padAMbuja-rENukaNaH praNatAGaM
niTilE sudhRutO haratIha pataMga ivAMdham |
yamajA haridatta-kumAramivAMka-sarOjE
kRutavatyamalA tamahaM praNamAmi yatISam||3||

yadapAMgala-vASrita-rudramuKAH BavamuktAH
SritarakShaNa-dIkShita-tAdhRuta-kIrti-SuBAMgAH |
haripAda-sarOjayugaM kamalAnutamApu-
stamahaM praNamAmi gurUttama-sadgururAjam || 4||

suralOka-vihAraja-sanmahimA-mahimAnaM
kamalESa-hayAsya-padArcana-saMgata-cittaM |
kamalArpita-patramajAya vitIrya namaMtaM
dvijararAjavaraM gururAjamahaM praNAmi || 5||

badarIpuragaM surathaM kila BUtapatISE
praNidhAya suratna-maNIMdramayaM rathamArgE |
nagarE tirivikrama mUrtimupAsya mahAnyaH
tamahaM sumahOtsavakArivaraM praNamAmi ||6||

yaSasA svapadAbja-parAgaratA-KilatApaM
haratA harapUrva-surAli-SiraS-calatAGaM |
naratAM samatItya carata-mahaH-pratiBAsaM
dvijarAjavaraM gururAjamahaM praNamAmi ||7||

varahaMsa-suvAhana-saMsthita-mUrti-madOShaM
sutrivikrama-dEva-puraH-sthita sudhvajarAjE |
caturAsya-padOcitatAM prathayaMta-midAnIM
praNamAmyamalaM praNatAKiladaM gururAjam ||8||

SrI vAdirAjAShTaka-mEtamaMta-
stamaH-samUhApaha-rArka-rUpam |
paThEt-sadA yaH SruNuyAcca yOgI
prApnOti BUtiM paramAM tadIkShaH ||9||

|| iti SrI jaMbuKaMDi vAdirAjAcArya viracitaM
SrIvAdirAjAShTakaM saMpUrNam||

|| SrI madhvESArpaNamastu ||