Hayavadana ashtakam

Composer : Shri Vadirajaru

ದಾಸಸ್ಯ ಮೇ ಶಿರಸಿ ಹಸ್ತ ಸಹಸ್ರ ಪತ್ರಂ
ಶ್ರೀಶಾರ್ಪಯೇಶ ವರದೇಶ್ವರ ವಾಜಿವಸ್ತ್ರ |
ವ್ಯಾಸಾದಿ-ಮೂರ್ತಿ-ಶತ ಶೋಭಿತ ಮೇ ಪ್ರಸೀದ
ಪಾಶಂ ವಿಖಂಡಯ ಭವಾಭಿಧಮ್-ಅಂಬುಜಾಕ್ಷ |೧|

ದಾಸಸ್ಯ ಮೇ ಶಿರಸಿ ಪಾದಲಸತ್-ಸರೋಜಂ
ಶ್ರೀಶಾರ್ಪಯಾಶು ನಿಜಭೂಷಣ-ಭೂಷಣಂ ತೇ |
ಆಶಾಂ ವಿನಾಶಯ ಭವತ್-ಸ್ಮರಣ ಪ್ರತೀಪಾನ್
ದೋಷಾಂಶ್ಚ ದೂರಯ ಭವಾವ್ಯಯ ಮೇಽನ್ತರಂಗೇ |೨|

ಸಂಸಾರ ದಾವ ಶಿಖಯಾ ಪರಿತಪ್ಯಮಾನಃ
ಸಂಸೇವಕ-ಸ್ತವ ತುರಂಗಮ-ತುಂಗವಕ್ತ್ರ |
ಸಂಶುದ್ಧ ಮಧ್ವ ಹೃದಯಾಂಬುಜ ರಾಜಹಂಸ
ಕಂ ಸಾಧಯಾಮಿ ಶರಣಂ ವರದಂ ವಿನಾ ತ್ವಾಂ |೩|

ಪಂಚಾತ್ಮಕ ಶ್ರುತಿನಿಗೂಹಕ ದಾನವೇಂದ್ರ-
ಪಂಚತ್ವದಾಯಕ ರಮಾಂಚಿತ ಪಾದಪದ್ಮ |
ಸಿಂಚ ತ್ವದಂಗ ಪರಿಪಾವಿತ ಪಾಪ ಭೇದ-
ಚುಂಚ್ವಂಘ್ರಿ ಪದ್ಮ ಪರಿಲಂಬಿ ಸುಧಾ ಪ್ರವಾಹೈಃ |೪|

ನಾಹಂ ವೃಣೋಮಿ ತವ ಪಾದ ದಿನೇಶ ಸೇವಾಂ
ಮೋಹಾಂಧಕಾರ ನಿಕರ ಕ್ಷಯದಾಂ ವಿನಾಽನ್ಯತ್ |
ವ್ಯೂಹಂ ಸತಾಂ ಸಮವಲಂಬ್ಯ ಭವಚ್ಚರಿತ್ರ
ವ್ಯಾಹಾರ ತೃಪ್ತಕರಣಂ ಕುರು ಕಿಂ ಬಹುಕ್ತ್ಯಾ |೫|

ಕಿಂ ಬಂಧನೈಃ ಕಥಯ ಬಂಧು ಜನೈರ್ ಮುರಾರೇ
ಕಿಂ ಭಾರಭೂತ ಕಟಕಾದಿ ವಿಭೂಷಣೈರ್ ವಾ |
ಅಂಭಸ್ಸು ಮಗ್ನ ಕರಣಸ್ಯ ಭವಾಂಬು ರಾಶೇಃ
ಕಿಂ ಭಂಗಶೀಲಧನ ಭೂಭವನಾದ್ಯುಪಾಯೈಃ |೬|

ಉತ್ಫುಲ್ಲ ಪದ್ಮ ದಲನೇತ್ರ ತುರಂಗ ವಕ್ತ್ರ
ರತ್ನೌಘ ಚಿತ್ರ ತಿಲಕಾರುಣ ಮಂಜುಲೋಷ್ಠ |
ವಿಸ್ತೀರ್ಣವಕ್ಷಸಿ ವಿರಾಜಿತ ಭೂರಿಹಾರ
ವೃತ್ತಾತಿದೀರ್ಘ ಕರ ಕಂಜ ಕೃತಾಖಿಲಾರ್ಥ |೭|

ಲಕ್ಷ್ಮೀ ನಿವಾಸ ತನು ಕೋಮಲ ಮಂಜು ಮಧ್ಯ
ಲಕ್ಷ್ಯ ತ್ರಿವಲ್ಯುದರ ನಾಭಿ ಸರಸ್ ಸರೋಜ |
ರತ್ನಾಗ್ರ್ಯ ಮೇಖಲ ರಣಚ್ಚರಣಾಬ್ಜಭೂಷ
ಭೃತ್ಯಂ ವಿಲೋಕಯ ದಯಾದ್ರದೃಶಾಽನ್ವಹಂ ಮಾಂ |೮|

ಇತ್ಯಷ್ಟಕೇನ ಹಯಕಂಧರಮ್-ಇಂದಿರೇಶಂ
ರಕ್ತಾತ್ಮ ಪಾದ ತಲ ರಂಜಿತ ದಿಕ್ಪ್ರದೇಶಂ |
ತತ್ ಪಾದ ಪದ್ಮ ಕೃತ ಮಾನಸ ವಾದಿರಾಜ-
ಪ್ರೋಕ್ತೇನ ಯೋಃರ್ಚಯತಿ ತಸ್ಯ ಭವೇತ್-ಪ್ರಿಯೋಽಸೌ |೯|

ಇತಿ ಶ್ರೀಮದ್ವಾದಿರಾಜಪೂಜ್ಯಚರಣವಿರಚಿತಂ ಹಯವದನಾಷ್ಟಕಂ ಸಮಾಪ್ತಂ |

ಭಾರತೀರಮಣಮುಖ್ಯಪ್ರಾಣಾಂತರ್ಗತ ಶ್ರೀಕೃಷ್ಣಾರ್ಪಣಮಸ್ತು |

---

dAsasya mE Sirasi hasta sahasra patraM
SrISArpayESa varadESvara vAjivastra |
vyAsAdi-mUrti-Sata SOBita mE prasIda
pASaM viKaMDaya BavABidham-aMbujAkSha |1|

dAsasya mE Sirasi pAdalasat-sarOjaM
SrISArpayASu nijaBUShaNa-BUShaNaM tE |
ASAM vinASaya Bavat-smaraNa pratIpAn
dOShAMSca dUraya BavAvyaya mE&ntaraMgE |2|

saMsAra dAva SiKayA paritapyamAnaH
saMsEvaka-stava turaMgama-tuMgavaktra |
saMSuddha madhva hRudayAMbuja rAjahaMsa
kaM sAdhayAmi SaraNaM varadaM vinA tvAM |3|

paMcAtmaka SrutinigUhaka dAnavEMdra-
paMcatvadAyaka ramAMcita pAdapadma |
siMca tvadaMga paripAvita pApa BEda-
cuMcvaMGri padma parilaMbi sudhA pravAhaiH |4|

nAhaM vRuNOmi tava pAda dinESa sEvAM
mOhAMdhakAra nikara kShayadAM vinA&nyat |
vyUhaM satAM samavalaMbya Bavaccaritra
vyAhAra tRuptakaraNaM kuru kiM bahuktyA |5|

kiM baMdhanaiH kathaya baMdhu janair murArE
kiM BAraBUta kaTakAdi viBUShaNair vA |
aMBassu magna karaNasya BavAMbu rASEH
kiM BaMgaSIladhana BUBavanAdyupAyaiH |6|

utphulla padma dalanEtra turaMga vaktra
ratnauGa citra tilakAruNa maMjulOShTha |
vistIrNavakShasi virAjita BUrihAra
vRuttAtidIrGa kara kaMja kRutAKilArtha |7|

lakShmI nivAsa tanu kOmala maMju madhya
lakShya trivalyudara nABi saras sarOja |
ratnAgrya mEKala raNaccaraNAbjaBUSha
bhRutyaM vilOkaya dayAdradRuSA&nvahaM mAM |8|

ityaShTakEna hayakaMdharam-iMdirESaM
raktAtma pAda tala raMjita dikpradESaM |
tat pAda padma kRuta mAnasa vAdirAja-
prOktEna yOHrcayati tasya BavEt-priyO&sau |9|

iti SrImadvAdirAjapUjyacaraNaviracitaM hayavadanAShTakaM samAptaM |

BAratIramaNamuKyaprANAMtargata SrIkRuShNArpaNamastu |