Amma nimma manegalalli

Composer : Shri Purandara dasaru

ಅಮ್ಮ ನಿಮ್ಮ ಮನೆಗಳಲ್ಲಿ
ನಮ್ಮ ರಂಗನ ಕಂಡಿರೇ ||ಪ||

ಕಾಶಿ ಪೀತಾಂಬರ ಕೈಯಲ್ಲಿ ಕೊಳಲು ಪೂಸಿದ
ಶ್ರೀ ಗಂಧ ಮೈಯೊಳಗಮ್ಮ
ಲೇಸಾಗಿ ತುಳಸಿಯ ಮಾಲೆಯ ಹಾಕಿದ
ವಾಸುದೇವನು ಬಂದ ಕಂಡಿರೇ ||೧||

ಕರದಲ್ಲಿ ಕಂಕಣ ಬೆರಳಲ್ಲಿ
ಉಂಗುರ ಕೊರಳಲ್ಲಿ ಹಾಕಿದ ಹುಲಿಯುಗುರಮ್ಮ
ಅರಳೆಲೆ ಕನಕ ಕುಂಡಲ ಕಾಲಲನುಗೆ
ಉರಗ ಶಯನ ಬಂದ ಕಂಡಿರೇ ||೨||

ಕುಂಕುಮ ಕಸ್ತೂರಿ ಕರಿ ನಾಮ ತಿದ್ದಿ
ಶಂಖ ಚಕ್ರಗಳ ಧರಿಸಿಹನಮ್ಮ
ಬಿಂಕದಿಂದಲಿ ಕೊಳಲೂದುತ್ತ ಪಾಡುತ್ತ
ಪಂಕಜಾಕ್ಷನು ಬಂದ ಕಂಡಿರೇ ||೩||

ಮಾವನ ಮಡುಹಿದ ಶಕಟನ
ಕೆಡಹಿದ ಗೋವರ್ಧನ ಗಿರಿ ಎತ್ತಿದನಮ್ಮ
ಆವ ತಾಯಿಗೆ ಈರೇಳು ಜಗ ತೋರಿದ
ಕಾವನಯ್ಯ ಬಂದ ಕಂಡಿರೇ ||೪||

ಕಾಲಲಿ ಕಿರು ಗೆಜ್ಜೆ ನೀಲದ ಬಾವುಲಿ ನೀಲ
ವರ್ಣನು ನಾಟ್ಯವಾಡುತಲಿ
ಮೇಲಾಗಿ ಬಾಯಲ್ಲಿ ಜಗವನ್ನು ತೋರಿದ
ಮೂಲೋಕದೊಡೆಯನ ಕಂಡಿರೇ ||೫||

ಹದಿನಾರು ಸಾವಿರ ಗೋಪಿಯರ ಕೂಡಿ
ಚತುರಂಗ ಪಗಡೆಯ-ನಾಡುವನಮ್ಮ
ಮದನ ಮೋಹನ ರೂಪ ಎದೆಯಲ್ಲಿ ಕೌಸ್ತುಭ
ಮಧುಸೂದನ ಬಂದ ಕಂಡಿರೇ ||೬||

ತೆತ್ತೀಸ ಕೋಟಿ ದೇವರ್ಗಳ ಒಡಗೂಡಿ
ಹತ್ತಾವತಾರವ ಎತ್ತಿದವನೆ
ಕೃಷ್ಣಾಮೂರುತಿ ನಮ್ಮ ಪುರಂದರ
ವಿಠಲನ ನಿತ್ಯೋತ್ಸವನ ಕಂಡಿರೇ ||೭||

---

amma nimma manegaLalli
namma raMgana kaMDirE ||pa||

kASi pItAMbara kaiyalli koLalu pUsida
SrI gaMdha maiyoLagamma
lEsAgi tuLasiya mAleya hAkida
vAsudEvanu baMda kaMDirE ||1||

karadalli kaMkaNa beraLalli
uMgura koraLalli hAkida huliyuguramma
araLele kanaka kuMDala kAlalanuge
uraga Sayana baMda kaMDirE ||2||

kuMkuma kastUri kari nAma tiddi
SaMKa cakragaLa dharisihanamma
biMkadiMdali koLalUdutta pADutta
paMkajAkShanu baMda kaMDirE ||3||

mAvana maDuhida SakaTana
keDahida gOvardhana giri ettidanamma
Ava tAyige IrELu jaga tOrida
kAvanayya baMda kaMDirE ||4||

kAlali kiru gejje nIlada bAvuli nIla
varNanu nATyavADutali
mElAgi bAyalli jagavannu tOrida
mUlOkadoDeyana kaMDirE ||5||

hadinAru sAvira gOpiyara kUDi
caturaMga pagaDeya-nADuvanamma
madana mOhana rUpa edeyalli kaustuBa
madhusUdana baMda kaMDirE ||6||

tettIsa kOTi dEvargaLa oDagUDi
hattAvatArava ettidavane
kRuShNAmUruti namma puraMdara
viThalana nityOtsavana kaMDirE ||7||