Helidare namma mele

Composer : Shri Purandara dasaru

ಹೇಳಿದರೆ ನಮ್ಮ ಮೇಲೆ ಯಾಕಮ್ಮ ಸಿಟ್ಟು, ಇಂಥ
ಗಾಳಿಗಾರ ಮಗನ ಪಡೆದ ಮೇಲೆ ನೀವಿಷ್ಟು ||ಪ||

ಸಣ್ಣ ರುಮಾಲು ಕಟ್ಟಿ ಚುಂಗ ಬಿಟ್ಟು , ಪಣೆಗೆ
ಬಣ್ಣಿಸಿ ಕಸ್ತೂರಿ ತಿಲಕನಿಟ್ಟು
ಚಿಣ್ಣಿಕೋಲು ಚೆಂಡು ಬುಗುರಿ ಕೈಯಲಿಟ್ಟು, ಪೊಸ
ಬೆಣ್ಣೆಯ ಮೆಲ್ಲು ಹೋಗೆಂದು ಕಳುಹಿಬಿಟ್ಟು |೧|

ಕರೆದು ಕೈಯಲ್ಲಿ ಚಿಟ್ಟೆ ಬೆಲ್ಲ ಕೊಟ್ಟು, ಚಿಕ್ಕ
ಹರಳು ಕಲ್ಲುಗಳನ್ನೆ ಆರಿಸಿ ಕೊಟ್ಟು
ವಾರಿಗೆಯ ಪುಂಡರನ್ನು ಮಾಡಿಕೊಟ್ಟು, ಗೋಪಿ
ಊರನೆಲ್ಲ ಸುಲಿಯೆಂದು ಕಳುಹಿಕೊಟ್ಟು |೨|

ಹೋಗೆಂದು ರಂಗನ ಕಳುಹಿಕೊಟ್ಟು, ಗೋಪಿ
ಆಗ ಭೋಗಂಗಳೆಲ್ಲ ತುಂಬಿಕೊಟ್ಟು
ನಿಗಮ ಗೋಚರನೆಂಬ ಪೆಸರನಿಟ್ಟು, ಗೋಪಿ
ಪುರಂದರವಿಠಲನ್ನ ಬೆಳೆಸಿಬಿಟ್ಟು |೩|

---

hELidare namma mEle yAkamma siTTu, iMtha
gALigAra magana paDeda mEle nIviShTu ||pa||

saNNa rumAlu kaTTi cuMga biTTu , paNege
baNNisi kastUri tilakaniTTu
ciNNikOlu ceMDu buguri kaiyaliTTu, posa
beNNeya mellu hOgeMdu kaLuhibiTTu |1|

karedu kaiyalli ciTTe bella koTTu, cikka
haraLu kallugaLanne Arisi koTTu
vArigeya puMDarannu mADikoTTu, gOpi
Uranella suliyeMdu kaLuhikoTTu |2|

hOgeMdu raMgana kaLuhikoTTu, gOpi
Aga BOgaMgaLella tuMbikoTTu
nigama gOcaraneMba pesaraniTTu, gOpi
puraMdaraviThalanna beLesibiTTu |3|