Kailasadase ellihudo

Composer : Shri Vadirajaru

ಕೈಲಾಸದಾಶೆ-ಯೆಲ್ಲಿಹುದೊ
ಶೈಲೇಂದ್ರ ಸುತೆಯರಸ ಶಿವನ ಒಲವಿಲ್ಲದವಗೆ [ಪ]

ಗುರು ಹಿರಿಯರರಿಯದಗೆ ಪರಗತಿಯ ತೊರೆದವಗೆ,
ವರಧರ್ಮ ಪಥವ ಮರೆದವಗೆ,
ದುರುಳರನೆ ಪೊರೆದು ಪರಸತಿಯ ನೆರೆದವಗೆ [೧]

ದೀನ ಜನರೊಡನಾಡಿ ಹೀನ ಕರ್ಮವ ಮಾಡಿ,
ಆನೆಂಬ ಮಮತೆಯನೆ ಕೂಡಿ,
ದಾನವನೆ ಬೇಡಿ ದುರ್ದಾನಕೆ ಮರುಳಹಗೆ [೨]

ಅನಾಚಾರಂಗಳ ಬಿಡದೆ, ಮನೆಗೆ ಬಂದರು ಕೊಡದೆ,
ಧನದ ಗಂಟುಗಳನು ಕಡಿಯದೆ,
ಅನುಸರಿಸಿ ನಡೆಯದೆ, ಪರರ ಜರಿದು ನುಡಿವವಗೆ [೩]

ವಾದಿರಾಜನ ನುಡಿಯ ಹಿತವೆಂದು ಲಾಲಿಸದೆ,
ಕ್ರೋಧ ಮಯನಾಗಿ ದೂಷಿಪಗೆ,
ಪಾದಕೆರಗದೆ ಜನನಿಯ-ನಾದರಿಸದವಗೆ [೪]

ಹಯವದನ-ನಲ್ಲೆಂದು ತಾನೆಲ್ಲ ಬಲ್ಲೆಯೆಂದು,
ದಯವುಳ್ಳವರ ದೈವನೆನದೆ ಈ ಸ್ವಯಂಭು
ಲಿಂಗದ ಕಲ್ಲೇ ದೈವವೆಂಬುವಗೆ [೫]

---

kailAsadASe-yellihudo
SailEMdra suteyarasa Sivana olavilladavage [pa]

guru hiriyarariyadage paragatiya toredavage,
varadharma pathava maredavage,
duruLarane poredu parasatiya neredavage [1]

dIna janaroDanADi hIna karmava mADi,
AneMba mamateyane kUDi,
dAnavane bEDi durdAnake maruLahage [2]

anAcAraMgaLa biDade, manege baMdaru koDade,
dhanada gaMTugaLanu kaDiyade,
anusarisi naDeyade, parara jaridu nuDivavage [3]

vAdirAjana nuDiya hitaveMdu lAlisade,
krOdha mayanAgi dUShipage,
pAdakeragade jananiya-nAdarisadavage [4]

hayavadana-nalleMdu tAnella balleyeMdu,
dayavuLLavara daivanenade I svayaMBu
liMgada kallE daivaveMbuvage [5]