Neene ballidano

Composer : Shri Shripadarajaru

ನೀನೇ ಬಲ್ಲಿದನೋ,
ನಿನ್ನ ದಾಸರೇ ಬಲ್ಲಿದರೋ ||ಪ||

ನಾನಾ ತೆರದಿ ನಿಧಾನಿಸಿ ನೋಡಲು
ನೀನೇ ಭಕ್ತರಾಧೀನನಾದ ಮೇಲೆ ||ಅ.ಪ||

ಪರಮಪುರುಷ ಪರಬೊಮ್ಮನೆಂದೆನುತಲಿ
ನಿರುತದಿ ಶ್ರುತಿಯು ಕೊಂಡಾಡಲು ನಿನ್ನನು
ನರ ಧರ್ಮ ಜನರ ಮನೆಯ ಒಳಗೆ ನಿಂ-
ದ್-ಹರುಷದಿಂದ ಕರೆದಲ್ಲಿ ಪೋದ ಮ್ಯಾಲೆ ||೧||

ಖ್ಯಾತಿಯಿಂದ ಪುರುಹೂತ ಸಹಿತ ಸುರ
ವ್ರಾತವು ನಿನ್ನನು ವಾಲೈಸುತಿರೆ
ಭೂತಳದೊಳು ಸಂಪ್ರೀತಿಯಿಂದ
ಪಾರ್ಥನ ರಥಕೆ ನೀ ಸೂತನಾದ ಮ್ಯಾಲೆ ||೨||

ಜಲಜ ಭವಾಂಡದೊಡೆಯನೆಂದೆನಿಸುವ
ಬಲು ಬಲು ದೊಡ್ಡವನಹುದಹುದಾದಡೆ
ಒಲಿದು ಸದ್ಗತಿಯೀವೆ ಅನುದಿನದಲಿ ನೀ
ಬಲಿಯ ಮನೆಯ ಬಾಗಿಲ ಕಾಯ್ದ ಮ್ಯಾಲೆ ||೩||

ಧುರದೊಳು ವಡೆಯ ನೆಚ್ಚೊಡೆದ ಭೀಷ್ಮನ
ಮರಳಿಪುದೆನುತಲಿ ಚಕ್ರವ ಪಿಡಿಯಲು
ಹರಿ ನಿನ್ನ ಕರುಣದ ಜೋಡು ತೊಟ್ಟಿರಲವ-
ನಿರವ ಕಂಡು ಸುಮ್ಮನೆ ತಿರುಗಿದ ಮ್ಯಾಲೆ ||೪||

ತರಳನ ಕರೆಯಲು ಒಡೆದು ಕಂಬದಿ ಬಂದು
ನರ ಮೃಗವೇಷದಿ ಭಕುತರ ತೆತ್ತಿಗನಾದೆ
ಕರುಣದಿ ಸಲಹೋ ಶ್ರೀರಂಗವಿಠಲ ನಿನ್ನ
ಸ್ಮರಿಪರ ಮನದಲಿ ಸೆರೆಯ ಸಿಕ್ಕಿದ ಮ್ಯಾಲೆ ||೫||

---

nInE ballidanO,
ninna dAsarE ballidarO ||pa||

nAnA teradi nidhAnisi nODalu
nInE BaktarAdhInanAda mEle ||a.pa||

paramapuruSha parabommaneMdenutali
nirutadi Srutiyu koMDADalu ninnanu
nara dharma janara maneya oLage niM-
d-haruShadiMda karedalli pOda myAle ||1||

KyAtiyiMda puruhUta sahita sura
vrAtavu ninnanu vAlaisutire
BUtaLadoLu saMprItiyiMda
pArthana rathake nI sUtanAda myAle ||2||

jalaja BavAMDadoDeyaneMdenisuva
balu balu doDDavanahudahudAdaDe
olidu sadgatiyIve anudinadali nI
baliya maneya bAgila kAyda myAle ||3||

dhuradoLu vaDeya neccoDeda BIShmana
maraLipudenutali cakrava piDiyalu
hari ninna karuNada jODu toTTiralava-
nirava kaMDu summane tirugida myAle ||4||

taraLana kareyalu oDedu kaMbadi baMdu
nara mRugavEShadi Bakutara tettiganAde
karuNadi salahO SrIraMgaviThala ninna
smaripara manadali sereya sikkida myAle ||5||