Shri Moolaramadevaru banda aitihya suladi

Composer : Shri Vijaya dasaru

ಶ್ರೀವಿಜಯದಾಸಾರ್ಯ ವಿರಚಿತ
ಶ್ರೀಮೂಲರಾಮದೇವರು ಬಂದ ಐತಿಹ್ಯ ಸುಳಾದಿ
ರಾಗ: ಪೂರ್ವಿಕಲ್ಯಾಣಿ
ಧ್ರುವತಾಳ

ಮಧ್ವವಲ್ಲಭ ಜಯ ಸದ್ವೈಷ್ಣವರ ಪ್ರಿಯ್ಯಾ
ಅದ್ವೈತ ಮಹಿಮಾ ಜಗದ್ವಿಲಕ್ಷಣ ರಾಮಾ
ಸದ್ವರ್ಣ ಭೂತ ಭವಿಷ್ಯದ್ವರ್ತಮಾನ ಬಲ್ಲ
ವಿದ್ವಾಂಸರೊಡಿಯಾಘ ಪ್ರಧ್ವಂಸ ಅಪ್ರಮೇಯ
ಸದ್ವೀರ ಏಕಮೇವ ಅದ್ವಿತೀಯಾ ಪಾ –
ದದ್ವಯನೆನಿಸುವ ಸದ್ವಾಣಿವುಳ್ಳ ಗು –
ರುದ್ವಾರ ಸಾರಿದವರ ಹೃದ್ವನಜದಲ್ಲಿದ್ದು
ಸದ್ವಿಚಾರ ನಡೆಸುವ ತದ್ವಿಪರೀತ ಕಾರ್ಯ
ಅಧ್ವರ ಭೋಕ್ತ ನಮ್ಮ ವಿಜಯವಿಟ್ಠಲರೇಯಾ ಮ –
ರುದ್ವಂಶರಿಂದ ನಿತ್ಯ ಸದ್ವಾಲಗ ಕೊಂಡ ಮೂರ್ತಿ || ೧ ||

ಮಟ್ಟತಾಳ

ಪೇರ್ಮೆಯಿಂದಲಿ ವಿಶ್ವಾಕರ್ಮನಿಂದಲಿ ಅಂದು
ನಿರ್ಮಿತವಾಗಿದ್ದ ನಿರ್ಮಳ ಶರೀರ
ಧರ್ಮಬೋಧಕ ರಾಮಾ ನಿರ್ಮಯನೆ ಚ –
ತುರ್ಮೊಗ ನಿತ್ಯ ನಿಷ್ಕರ್ಮ ಭಾವದಲ್ಲಿ
ನಿರ್ಮತ್ಸರನಾದ ವಿಜಯವಿಟ್ಠಲರೇಯನ
ನಿರ್ಮಲ ಚಿತ್ತದಲ್ಲಿ ಅರ್ಚನೆ ಮಾಡಿದನೋ || ೨ ||

ತ್ರಿವಿಡಿತಾಳ

ಬಲುಕಾಲ ಲೋಕೇಶ ತನ್ನ ಮನಿಯಲ್ಲಿ
ಚಲುವ ರಾಮನ ಪೂಜೆ ಮಾಡುತಿರಲು
ಒಲಿದು ಜಾಬಾಲಿಮುನಿ ಪ್ರಾರ್ಥನೆಯಿಂದಲಿ
ಜಲಜ ಸಂಭವನ ಮೆಚ್ಚಿಸಿ ಬೇಡಲು
ಸಲಿಸಿ ಮಾತನು ಋಷಿಗೆ ಈ ಪ್ರತಿಮೆ ಕೊಡಲಾಗಿ
ಒಲಿಸಿಕೊಂಡಲ್ಲಿಂದ ಶಿವಗೆ ಕೊಡಲು
ಸುಲಭದಿಂದ ಶಿವನು ತನ್ನಯ ನಿಜ –
ಲಲನಿಗೆ ಕೊಡಲಾಗಿ ವಿನಯದಿಂದ
ಕೆಲವು ದಿವಸ ಗಿರಿಜೆ ಪೂಜಿಸಿ ಆಮೇಲೆ
ತಿಳಿದು ದಕ್ಷನ ಯಾಗದಲ್ಲಿಗೆ ಬಂದು
ಇಳಿದು ಪೋಗುವಾಗ ಸೌಭರಿಮುನಿ ಮುನಿ ಕೈ –
ಯಲ್ಲಿ ಕೊಟ್ಟ ತರುವಾಯ ರಾಮ ಪ್ರತಿಮೆಯನ್ನು
ಜಲಜಗರ್ಭನ ವಶಕೆ ತಂದು ಕೊಡಲು
ಪೊಳೆವ ಸುಮೇರು ಪರ್ವತದಲ್ಲಿ ಇಟ್ಟು ನಿ –
ಶ್ಚಲ ಪೂಜೆ ಮಾಡುತಿದ್ದಾ ಇದ್ದಾನೆಂದೂ
ಬಲುದೈವ ವಿಜಯವಿಟ್ಠಲ ಜಾನಕೀಪತಿ
ಬಲವಂತ ಭಕ್ತರ ಪ್ರಿಯ ಸುಜನಗೇಯಾ || ೩ ||

ಅಟ್ಟತಾಳ

ತಪ ಮಾಡಿ ಇಕ್ಷ್ವಾಕು ಬ್ರಹ್ಮಗೆ ಮೆಚ್ಚಿಸಿ
ಕೃಪೆಯಲ್ಲಿ ಮೂಲರಾಮನ ಕೊಡಲಿತ್ತಲು
ಕ್ಷಿತಿಯೊಳಗೆ ಅಯೋಧ್ಯದಲ್ಲಿ ಪೂಜಿಸಲಾಗಿ
ಅತಿಶಯವಾಗಿ ರಾಮಚಂದ್ರ ಪರಿಯಂತ
ಮಿತಿ ಇಲ್ಲದ ವಾಲಗದಲ್ಲಿ ವಪ್ಪಲು
ಕ್ಷಿತಿಸುತೆ ತಾನೆ ಪೂಜಿಸಿ ಹನುಮಂತನಿಗೆ
ಪ್ರತಿಮೆಯ ಪಾಲಿಸೆ ಅಲ್ಲಿಂದ ಮಾರುತ –
ಸುತನು ಜಾಂಬುವಂತನಿಗೆ ದಯಮಾಡಿದ
ಸತತ ಮಂಗಳಕಾಯಾ ವಿಜಯವಿಟ್ಠಲ ರಾಮಾ
ನುತಿಸಿ ಕೊಳುತಲಿದ್ದ ಸುರರಾದಿ ಕೈಯಾ || ೪ ||

ಆದಿತಾಳ

ವೇದಗರ್ಭನೆಂಬೊ ಭೂಸುರ ರಾಮನ್ನ
ಪಾದ ಸಂದರ್ಶನವಾಗದಲೆ ಅ –
ನ್ನೋದಕ ಕೊಳದಿರೆ ರಾಘವ ಭಕ್ತನಿಂ –
ದಾದ ಪ್ರತಿಜ್ಞೆಯನು ತಿಳಿದು ತನ್ನ ಮೂರ್ತಿಯ
ಆದರದಿಂದಲಿ ಕೊಟ್ಟು ಕಳುಹಲಿತ್ತಾ
ಭೂದೇವ ಬಹುಕಾಲ ಪೂಜಿಸಿ ತೀರ್ಥಯಾತ್ರೆ
ಆದರದಿಂದ ಮಾಡಿಕೊಳ್ಳುತ ಬರಲು ಗತಿಗೆ
ಐದುವ ಕಾಲದಲ್ಲಿ ಸೀತಾರಾಮ ಪ್ರತಿಮೆಯ
ಮೇದಿನಿಯೊಳು ಬಿಟ್ಟು ಪೋಗಲಾಗಿ ಇತ್ತ
ಸಾಧುಗುಣವುಳ್ಳ ಮುಕುಂದವರ್ಮನೆಂಬ
ಮೇದಿನಿಪತಿಯಾಗಿ ವಡ್ಡಿ ದೇಶದಲ್ಲಿರೆ
ಆದುದು ಅಶರೀರವಾಕ್ಯ ಆತಗೆ ಕೇಳಿ
ಆದಿತ್ಯ ವಂಶಜ ವಿಜಯವಿಟ್ಠಲ ರಾಮಾ –
ರಾಧನೆಗೊಳುತಿದ್ದ ಅಜನಿಂದ ಕೋಶದಲ್ಲಿ || ೫ ||

ಜತೆ

ನರಹರಿತೀರ್ಥರಿಗೆ ವೊಲಿದ ವಿಜಯವಿಟ್ಠಲ
ಸ್ಮರಿಸಿದವರ ಕಾವಾ ನಿತ್ಯ ರಘುರಾಮಾ ||

---

SrIvijayadAsArya viracita
SrImUlarAmadEvaru baMda aitihya suLAdi
rAga: pUrvikalyANi
dhruvatALa

madhvavallaBa jaya sadvaiShNavara priyyA
advaita mahimA jagadvilakShaNa rAmA
sadvarNa BUta BaviShyadvartamAna balla
vidvAMsaroDiyAGa pradhvaMsa apramEya
sadvIra EkamEva advitIyA pA –
dadvayanenisuva sadvANivuLLa gu –
rudvAra sAridavara hRudvanajadalliddu
sadvicAra naDesuva tadviparIta kArya
adhvara BOkta namma vijayaviTThalarEyA ma –
rudvaMSariMda nitya sadvAlaga koMDa mUrti || 1 ||

maTTatALa

pErmeyiMdali viSvAkarmaniMdali aMdu
nirmitavAgidda nirmaLa SarIra
dharmabOdhaka rAmA nirmayane ca –
turmoga nitya niShkarma BAvadalli
nirmatsaranAda vijayaviTThalarEyana
nirmala cittadalli arcane mADidanO || 2 ||

triviDitALa

balukAla lOkESa tanna maniyalli
caluva rAmana pUje mADutiralu
olidu jAbAlimuni prArthaneyiMdali
jalaja saMBavana meccisi bEDalu
salisi mAtanu RuShige I pratime koDalAgi
olisikoMDalliMda Sivage koDalu
sulaBadiMda Sivanu tannaya nija –
lalanige koDalAgi vinayadiMda
kelavu divasa girije pUjisi AmEle
tiLidu dakShana yAgadallige baMdu
iLidu pOguvAga sauBarimuni muni kai –
yalli koTTa taruvAya rAma pratimeyannu
jalajagarBana vaSake taMdu koDalu
poLeva sumEru parvatadalli iTTu ni –
Scala pUje mADutiddA iddAneMdU
baludaiva vijayaviTThala jAnakIpati
balavaMta Baktara priya sujanagEyA || 3 ||

aTTatALa

tapa mADi ikShvAku brahmage meccisi
kRupeyalli mUlarAmana koDalittalu
kShitiyoLage ayOdhyadalli pUjisalAgi
atiSayavAgi rAmacaMdra pariyaMta
miti illada vAlagadalli vappalu
kShitisute tAne pUjisi hanumaMtanige
pratimeya pAlise alliMda mAruta –
sutanu jAMbuvaMtanige dayamADida
satata maMgaLakAyA vijayaviTThala rAmA
nutisi koLutalidda surarAdi kaiyA || 4 ||

AditALa

vEdagarBaneMbo BUsura rAmanna
pAda saMdarSanavAgadale a –
nnOdaka koLadire rAGava BaktaniM –
dAda pratij~jeyanu tiLidu tanna mUrtiya
AdaradiMdali koTTu kaLuhalittA
BUdEva bahukAla pUjisi tIrthayAtre
AdaradiMda mADikoLLuta baralu gatige
aiduva kAladalli sItArAma pratimeya
mEdiniyoLu biTTu pOgalAgi itta
sAdhuguNavuLLa mukuMdavarmaneMba
mEdinipatiyAgi vaDDi dESadallire
Adudu aSarIravAkya Atage kELi
Aditya vaMSaja vijayaviTThala rAmA –
rAdhanegoLutidda ajaniMda kOSadalli || 5 ||

jate

naraharitIrtharige volida vijayaviTThala
smarisidavara kAvA nitya raGurAmA ||