Palasagara Sambhute

Composer: Shri Gurujagannatha dasaru

ಪಾಲಸಾಗರ ಸಂಭೂತೆ ಕೈವಲ್ಯದಾತೆ
ಪಾಲಿಸೆನ್ನನು ನಿಜಮಾತೆ [ಪ]

ಆಲಿಸು ನಿನ್ನಯ ಬಾಲನ ನುಡಿ ಈ
ಕಾಲದಿ ಮನ್ಮನ, ಆಲಯದೊಳು ನಿಂದು [ಅ.ಪ]
ಪಾಲಿಸೆನ್ನನು ನಿಜಮಾತೆ |

ಶ್ರೀ ಮಾ ರಮಾ ಲಕುಮಿ ಕಮಲೆ, ನಿತ್ಯ ನಿರ್ಮಲೆ,
ಈ ಮಹಾಮಹಿಮ ವಿಶಾಲೆ,
ಕಾಮನ ಜನನಿ ಸುಲೀಲೆ ಜಲಜಸುಮಾಲೇ,
ಕಾಮಿಪ ಜನರ ಸುರಸಾಲೆ,
ತಾಮರಸಾಂಬಕ ಸಾಮಜಭವ ಸು –
ತ್ರಾಮ ಪ್ರಮುಖ ಸುರಸ್ತೋಮ ನಮಿತಗುಣ –
ಧಾಮೆ ನಿನ್ನಯ ಪಾದ ಯಾಮ ಯಾಮಕೆ ನಿತ್ಯ
ನೇಮದಿ ಭಜಿಪೆ ಶ್ರೀರಾಮನ ತೋರೆ [೧]

ವೇದಾಭಿಮಾನಿ ಅಂಭ್ರೀಣಿ ಸುಗಣಸನ್ಮಣಿ
ವೇದವತಿಯೆ ರುಕ್ಮಿಣಿ,
ವೇದವಂದ್ಯಳೆ ಗುಣಪೂರ್ಣೇ ನಿತ್ಯಕಲ್ಯಾಣಿ
ಮೋದದಾಯಕೆ ಗೀರ್ವಾಣಿ,
ಖೇದಗೊಳಿಸುವ ಭವೋದಧಿ ದಾಟಿಸಿ
ಮೋದ ಕೊಡುವ ಪಂಚಭೇದ ಮತಿಯನಿತ್ತು
ಯಾದವಗುಣವನುವಾದ ಮಾಡಿಸಿ ನಿತ್ಯ
ಮೋದಬಡಿಸು ಶ್ರೀ ಮಾಧವರಾಣಿ [೨]

ಜಾತರೂಪಾಭಾಶುಭಗಾತ್ರಿ ಈ ಜಗಕೆ ಧಾತ್ರಿ
ಸೀತೆ ನೀನೆ ಲೋಕಪವಿತ್ರೆ,
ಧಾತಾ ಪ್ರಮುಖ ಸುರ ಸ್ತೋತ್ರೇ ನೀರಜ ನೇತ್ರೆ
ವೀತಭಯಳೆ ತ್ರಿನೇತ್ರೇ,
ಪಾತಕವನಕುಲ ವೀತಿಹೋತ್ರ ಸುರ –
ವ್ರಾತ ವಿನುತ ಸುಖವ್ರಾತ ಕೊಡುವ ನಮ್ಮ,
ದಾತ ಗುರುಜಗನ್ನಾಥವಿಠಲಗೆ ನೀ
ನೀತಸತಿಯೆ ಎನ್ನ ಮಾತೆ ವಿಖ್ಯಾತೆ [೩]

---

pAlasAgara saMBUte kaivalyadAte
pAlisennanu nijamAte [pa]

Alisu ninnaya bAlana nuDi I
kAladi manmana, AlayadoLu niMdu [a.pa]
pAlisennanu nijamAte |

SrI mA ramA lakumi kamale, nitya nirmale,
I mahAmahima viSAle,
kAmana janani sulIle jalajasumAlE,
kAmipa janara surasAle,
tAmarasAMbaka sAmajaBava su –
trAma pramuKa surastOma namitaguNa –
dhAme ninnaya pAda yAma yAmake nitya
nEmadi Bajipe SrIrAmana tOre [1]

vEdABimAni aMbhrINi sugaNasanmaNi
vEdavatiye rukmiNi,
vEdavaMdyaLe guNapUrNE nityakalyANi
mOdadAyake gIrvANi,
KEdagoLisuva BavOdadhi dATisi
mOda koDuva paMcaBEda matiyanittu
yAdavaguNavanuvAda mADisi nitya
mOdabaDisu SrI mAdhavarANi [2]

jAtarUpABASuBagAtri I jagake dhAtri
sIte nIne lOkapavitre,
dhAtA pramuKa sura stOtrE nIraja nEtre
vItaBayaLe trinEtrE,
pAtakavanakula vItihOtra sura –
vrAta vinuta suKavrAta koDuva namma,
dAta gurujagannAthaviThalage nI
nItasatiye enna mAte viKyAte [3]