Yamana shasana kelo jiva

Composer: Shri Purandara dasaru

ಯಮನ ಶಾಸನ ಕೇಳೊ ಜೀವ ಇದು
ಸಂಶಯವಿಲ್ಲೆಂದು ಎಣಿಸು ಸ್ವಭಾವ ||ಪ||

ಪರ ಸತಿಯರ ನೋಡಿದವಗೆ ಪತ್ತು
ಕೊರಡು ಕೆಂಪಗೆ ಕಾಸಿ ಕುಕ್ಕಿ ಕಣ್ಣೊಳಗೆ
ಎರಡು ಗುಡ್ಡನು ಪೀಕೋರವಗೆ ಸೀಸವ
ಕರಗಿಸಿ ಪೊಯ್ಯುವರೊ ಅವನ ಕಿವಿಯೊಳಗೆ |೧|

ಅನ್ಯಸ್ತ್ರೀಪುರುಷರ ಸಂಗ
ತನ್ನವರ ಕುಲ ಅಳಿಸಿಟ್ಟು ಹಾಕುವರಂಗ
ನರಕಕ್ಕೆ ಗುರಿ ಮಾಡಿ ತುಂಗ
ಕೆಂಡ ಉರಿವ ಉಕ್ಕಿನ ಕಂಭ ಕಟ್ಟಿಪ್ಪ ಭಂಗ |೨|

ಪರಸತಿ ಮೆರೆವೋದು ಕಂಡು ಗಾಣ
ಒರಳೊಳಗಾಡಿಸಿ ಒಣಗಿಸಿ ಬೆಂಡು
ಉರಿ ತೈಲದೊಳಗೆ ಹಾಕಿ ಗುಂಡು, ಕರಿದ
ತೆರನಾಗಿ ಹಂದಿಯ ತಿನಿಸುವ ಖಂಡು |೩|

ಅನ್ಯ ಸ್ತ್ರೀ ವಿಚಾರ ಮೋಹವಿಟ್ಟಿಹ
ಘನ್ನ ಘಾತಕಗೆ ಗಳರಂತೆನೀಹ
ಬೆನ್ನ ಚರ್ಮವ ಕಿತ್ತಿ ದೇಹ
ಕುಟ್ಟಿ ಘೋರಿಸಿ ಬಾಧಿಸಿ ಕಾಡಲಿಕ್ಕೆ ಬಹ |೪|

ಗಂಡನಿಂದಲಿ ಕೆಲಸ ಮಾಡಿ
ಕೊಂಡ ಹೆಂಡಿರಿಗೆ ಖಡು ಹಿಡಿದವರ ಕಾಡಿ
ಮಂಡೆ ಕೂದಲು ಇನ್ನು ಕಿತ್ತೀಡಾಡಿ
ಖಂಡ ಖಂಡವ ಕಿತ್ತಿ ದಂಡಿಪ್ಪ ನೋಡಿ |೫|

ಅತಿಕಾಂಕ್ಷ ಸ್ತ್ರೀಯರಲ್ಲಿಂದ ಜನ್ಮದ
ಸದ್ಗತಿ ಕೇಳದೋ ಅತಿ ಕ್ರೂರದಿಂದ
ರಣಹದ್ದು ಗುಂಪು ಜತೆಯಿಂದ
ಪೀಡಿ ಪೀಡಿಸುವನು ಮುದದಿ ಮುಕುಂದ |೬|

ಇನ್ನು ಪಾಪಗಳ ನೀ ಮಾಡಬೇಡ
ಅನ್ಯರ ಗೊಡವೆಗೆ ನೀ ಹೋಗಬೇಡ
ಸಜ್ಜನರ ಸಂಗ ಬಿಡಬೇಡ
ಚೆನ್ನ ಪುರಂದರವಿಠಲನ್ನ
ಭಜಿಸದಿರಬೇಡ |೭|

---

yamana SAsana kELo jIva idu
saMSayavilleMdu eNisu svaBAva ||pa||

para satiyara nODidavage pattu
koraDu keMpage kAsi kukki kaNNoLage
eraDu guDDanu pIkOravage sIsava
karagisi poyyuvaro avana kiviyoLage |1|

anyastrIpuruShara saMga
tannavara kula aLisiTTu hAkuvaraMga
narakakke guri mADi tuMga
keMDa uriva ukkina kaMBa kaTTippa BaMga |2|

parasati merevOdu kaMDu gANa
oraLoLagADisi oNagisi beMDu
uri tailadoLage hAki guMDu, karida
teranAgi haMdiya tinisuva KaMDu |3|

anya strI vicAra mOhaviTTiha
Ganna GAtakage gaLaraMtenIha
benna carmava kitti dEha
kuTTi GOrisi bAdhisi kADalikke baha |4|

gaMDaniMdali kelasa mADi
koMDa heMDirige KaDu hiDidavara kADi
maMDe kUdalu innu kittIDADi
KaMDa KaMDava kitti daMDippa nODi |5|

atikAMkSha strIyaralliMda janmada
sadgati kELadO ati krUradiMda
raNahaddu guMpu jateyiMda
pIDi pIDisuvanu mudadi mukuMda |6|

innu pApagaLa nI mADabEDa
anyara goDavege nI hOgabEDa
sajjanara saMga biDabEDa
cenna puraMdaraviThalanna
BajisadirabEDa |7|