Karuniso Ranga

Composer: Shri Purandara dasaru

ಕರುಣಿಸೋ ರಂಗ ಕರುಣಿಸೋ
ಕೃಷ್ಣ ಕರುಣಿಸೋ ರಂಗ ಕರುಣಿಸೋ |
ಹಗಲು ಇರುಳು ನಿನ್ನ ಸ್ಮರಣೆ ಮರೆಯದಂತೆ ||ಪ||

ರುಕುಮಾಂಗದನಂತೆ ವ್ರತವ ನಾನರಿಯೆ |
ಶುಕಮುನಿಯಂತೆ ಸ್ತುತಿಸಲು ಅರಿಯೆ |
ಬಕವೈರಿಯಂತೆ ಧ್ಯಾನವ ಮಾಡಲರಿಯೇ|
ದೇವಕಿಯಂತೆ ಮುದ್ದಿಸಲೂ ಅರಿಯೆನೋ ||೧||

ಗರುಡನಂದದಿ ಪೊತ್ತು ತಿರುಗಲು ಅರಿಯೆ |
ಕರಿಯಲು ಅರಿಯೆ ಕರಿರಾಜ ನಂತೆ |
ವರಕಪಿಯಂತೆ ದಾಸ್ಯವ ಮಾಡಲರಿಯೇ |
ಸಿರಿಯಂತೆ ನೆರೆದು ಮೋಹಿಸಲು ಅರಿಯೆನೋ ||೨||

ಬಲಿಯಂತೆ ದಾನವ ಕೊಡಲು ಅರಿಯೆ |
ಭಕ್ತಿ ಛಲವನು ಅರಿಯೇ ಪ್ರಹ್ಲಾದನಂತೆ |
ವರಿಸಲು ಅರಿಯೆ ಅರ್ಜುನನಂತೆ ಸಖನಾಗಿ |
ಸಲಹೋ ದೇವರ ದೇವ ಶ್ರೀ ಪುರಂದರವಿಠ್ಠಲ ||೩||

---

karuNisO raMga karuNisO
kRuShNa karuNisO raMga karuNisO |
hagalu iruLu ninna smaraNe mareyadaMte ||pa||

rukumAMgadanaMte vratava nAnariye |
SukamuniyaMte stutisalu ariye |
bakavairiyaMte dhyAnava mADalariyE|
dEvakiyaMte muddisalU ariyenO ||1||

garuDanaMdadi pottu tirugalu ariye |
kariyalu ariye karirAja naMte |
varakapiyaMte dAsyava mADalariyE |
siriyaMte neredu mOhisalu ariyenO ||2||

baliyaMte dAnava koDalu ariye |
Bakti Calavanu ariyE prahlAdanaMte |
varisalu ariye arjunanaMte saKanAgi |
salahO dEvara dEva SrI puraMdaraviThThala ||3||