Bharathi devi taaye

Composer: Shri Purandara dasaru

ಭಾರತೀದೇವಿ ತಾಯೆ ನೀ ಕಾಯೆ ಮಾರುತನ ರಾಣಿಯೆ ||ಪ||
ಸೇರಿದೆ ನಿನ್ನ ಪಾದ ಸೇವಕನೆನಿಸಮ್ಮ ||ಪ||

ಪನ್ನಗೇಶ ಸುಪರ್ಣ ಪನ್ನಗ ಭೂಷಣ
ಚಿನ್ನುಮಯ ಸುರರಿಂ ಸೇವಿತೆ
ಘನ್ನ ಮಹಿಮಳೆ ಇನ್ನೇನ ಬಣ್ಣಿಪೆ
ನಿನ್ನ ಪತಿಗೆ ಬಿನ್ನವಿಸೆನ್ನ-ನುದ್ಧರಿಸಮ್ಮ [೧]

ಮುಕ್ತಾಮುಕ್ತರೊಡೆಯಳೆ ತತ್ವಾಭಿಮಾನಿ
ರಕ್ತಶುಕ್ಲ ಸಂಬಂಧ ತನು ದೂರಳೆ
ಉತ್ತಮ ಗುಣನಿಧಿ ಶ್ರೀಶನ ಭಜಿಪಳೆ
ಚಿತ್ತ ಬಂದಂತೆನ್ನ ಭೃತ್ಯನೆಂದೆಣಿಸಮ್ಮ [೨]

ಮತ್ತೊಂದು ಅನ್ಯಾಶ್ರಯವು ನೋಡಿದರಿಲ್ಲ
ಇತ್ತ ಬಾರೆಂತೆಂದು ಕರೆವರಿಲ್ಲ
ಚಿತ್ತಜನಯ್ಯ ಶ್ರೀ ಪುರಂದರವಿಠಲನ
ಭೃತ್ಯರ ಭೃತ್ಯರ ಭೃತ್ಯನಂದೆಣಿಸಮ್ಮ [೩]

---

BAratIdEvi tAye nI kAye mArutana rANiye ||pa||
sEride ninna pAda sEvakanenisamma ||pa||

pannagESa suparNa pannaga BUShaNa
cinnumaya surariM sEvite
Ganna mahimaLe innEna baNNipe
ninna patige binnavisenna-nuddharisamma [1]

muktAmuktaroDeyaLe tatvABimAni
raktaSukla saMbaMdha tanu dUraLe
uttama guNanidhi SrISana BajipaLe
citta baMdaMtenna BRutyaneMdeNisamma [2]

mattoMdu anyASrayavu nODidarilla
itta bAreMteMdu karevarilla
cittajanayya SrI puraMdaraviThalana
BRutyara BRutyara BRutyanaMdeNisamma [3]