Aru Badukidarayya

Composer: Shri Purandara dasaru

ಆರು ಬದುಕಿದರಯ್ಯ ಹರಿ ನಿನ್ನ ನಂಬಿ ||ಪ||
ತೋರು ಈ ಜಗದೊಳಗೆ ಒಬ್ಬರನು ನಾ ಕಾಣೆ ||ಅ||

ಕರ ಪತ್ರದಿಂದ ತಾಮ್ರ ಧ್ವಜನ ತಂದೆಯ
ಕೊರಳ ಕೊಯಿಸಿದೆ ನೀನು ಕುಂದಿಲ್ಲದೆ
ಮರುಳನಂದದಿ ಪೋಗಿ ಭೃಗು ಮುನಿಯ ಕಣ್ಣೊಡೆದೆ
ಅರಿತು ತ್ರಿಪುರಾಸುರನ ಹೆಂಡಿರನು ಬೆರೆದೆ [೧]

ಕಲಹ ಬಾರದ ಮುನ್ನ ಕರ್ಣನನು ಕೊಲಿಸಿದೆ
ಸುಲಭದಲಿ ಕೌರವರ ಮನೆಯ ಮುರಿದೆ
ನೆಲವ ಬೇಡುತ ಪೋಗಿ ಬಲಿಯ ಶಿರವನು ತುಳಿದೆ
ಮೊಲೆಯನುಣಿಸಲು ಬಂದ ಪೂತನಿಯ ಕೊಂದೆ [೨]

ತಿರಿದುಂಬ ದಾಸರ ಕೈಲಿ ಕಪ್ಪವ ಕೊಂಬೆ
ತಿರುಮಲೇಶ ನಿನ್ನ ಚರಿಯವನರಿಯೆ
ದೊರೆ ಪುರಂದರ ವಿಠಲ ನಿನ್ನ ಹೆಸರು ಹೇಳಿದರೆ
ತಿರುಪೆಯು ಪುಟ್ಟಲೊಲ್ಲದೊ ಹೇಳೋ ಹರಿಯೆ [೩]

---

Aru badukidarayya hari ninna naMbi ||pa||
tOru I jagadoLage obbaranu nA kANe ||a||

kara patradiMda tAmra dhvajana taMdeya
koraLa koyiside nInu kuMdillade
maruLanaMdadi pOgi BRugu muniya kaNNoDede
aritu tripurAsurana heMDiranu berede [1]

kalaha bArada munna karNananu koliside
sulaBadali kauravara maneya muride
nelava bEDuta pOgi baliya shiravanu tuLide
moleyanuNisalu baMda pUtaniya koMde [2]

tiriduMba dAsara kaili kappava koMbe
tirumalEsha ninna cariyavanariye
dore puraMdara viThala ninna hesaru hELidare
tirupeyu puTTalollado hELO hariye [3]