Aparadhi Nanalla

Composer: Shri Purandara dasaru

ಅಪರಾಧಿ ನಾನಲ್ಲ ಅಪರಾಧವೆನಗಿಲ್ಲ
ಕಪಟ ನಾಟಕ ಸೂತ್ರಧಾರಿ ನೀನೇ ||ಪ||

ನೀನೇ ಆಡಿಸದಿರಲು ಜಡ ಒನಕೆಯ ಬೊಂಬೆ
ಏನು ಮಾಡಲು ಬಲ್ಲುದು ತಾನೆ ಬೇರೆ
ನೀನಿಟ್ಟ ಸೂತ್ರದಿಂ ಚಲಿಪವು ಕೈಕಾಲುಗಳು
ನೀನೇ ಮುಗ್ಗಿಸಲು ಮುಗ್ಗುವ ದೇಹದವನು ||

ಒಂದೆಂಟು ಬಾಗಿಲ ಪಟ್ಟಣಕ್ಕೆ ತನ್ನ-
ದೆಂದು ಇಪ್ಪತ್ತಾರು ಮನೆಯಾಳ್ಗಳ
ತಂದು ಕಾವಲ ನಿಲಿಸಿ ಎನ್ನ ನೀ ಒಳಗಿಟ್ಟ
ಮುಂದೆ ಭವದಲಿ ಭವಣಿಪುದನ್ಯಾಯ ||

ಯಂತ್ರ ವಾಹಕ ನೀನೇ ಒಳಗಿದ್ದು ಎನ್ನ ಸ್ವ-
ತಂತ್ರನೆಂದೆನಿಸಿ ಕೊಲಿಸುವರೆ ಹೇಳೊ
ಕಂತು ಪಿತ ಲಕ್ಷ್ಮೀಶ ಎಂತಾದಡಂತಹುದಾ-
ನಂತ ಮೂರುತಿ ನಮ್ಮ ಪುರಂದರ ವಿಠಲ ||

---

aparAdhi nAnalla aparAdhavenagilla
kapaTa nATaka sUtradhAri nInE ||pa||

nInE ADisadiralu jaDa onakeya boMbe
Enu mADalu balludu tAne bEre
nIniTTa sUtradiM calipavu kaikAlugaLu
nInE muggisalu mugguva dEhadavanu ||

oMdeMTu bAgila paTTaNakke tanna-
deMdu ippattAru maneyALgaLa
taMdu kAvala nilisi enna nI oLagiTTa
muMde Bavadali BavaNipudanyAya ||

yaMtra vAhaka nInE oLagiddu enna sva-
taMtraneMdenisi kolisuvare hELo
kaMtu pita lakShmISa eMtAdaDaMtahudA-
naMta mUruti namma puraMdara viThala ||