Baagi Beduve pidiyo

Composer : Shri Shyamasundara dasaru

ಬಾಗಿ ಬೇಡುವೆ ಪಿಡಿಯೊ ಬೇಗ ಕೈಯ್ಯಾ
ಭಾಗವತ ಜನಪ್ರಿಯ ಭಾಗಣ್ಣ ದಾಸಾರ್ಯ [ಪ]

ದ್ವಿಜಕುಲಾಬ್ಧಿಗೆ ಪೂರ್ಣ ದ್ವಿಜರಾಜ-ನೆಂದೆನಿಪ
ವಿಜಯವಿಠ್ಠಲ ದಾಸರೋಲುಮೆ ಪಾತ್ರ
ನಿಜಮನದಿ ನಿತ್ಯದಲಿ ಭುಜಗ ಶಯನನ ಪಾದ
ಭಜಿಪ ಭಾಗ್ಯದಿ ನಲಿವ ಸುಜನರೊಳು ಇಡು ಎಂದು [೧]

ನೀನೆವೆ ಗತಿ ಎಂದ ದೀನರಿಗೆ ನಾನೆಂಬ
ಹೀನಮತಿ ಕಳೆದು ಪವಮಾನ ಪಿತನ
ಧ್ಯಾನಗೈಯ್ಯುವ ದಿವ್ಯ ಜ್ನಾನ ಮಾರ್ಗವ ತೋರಿ
ಸಾನುರಾಗದಿ ಪೊರೆವ ದಾನಿ ದಯವಾರಿಧಿಯೆ [೨]

ಮಂದಜನ ಸಂದೊಹ ಮಂದಾರತರು ವಿಜಿತ
ಕಂದರ್ಪ ಕಾರುಣ್ಯ ಸಿಂಧು ಬಂಧೋ
ಕಂದನೆಂದರಿದೆನ್ನ ಕುಂದು ಎಣಿಸದೆ ಹೃದಯ
ಮಂದಿರದಿ ಶ್ರೀ ಶ್ಯಾಮಸುಂದರನ ತೋರೆಂದು [೩]

---

bAgi bEDuve piDiyo bEga kaiyyA
bhAgavata janapriya BAgaNNa dAsArya [pa]

dvijakulAbdhige pUrNa dvijarAja-neMdenipa
vijayaviThThala dAsarOlume pAtra
nijamanadi nityadali Bujaga Sayanana pAda
Bajipa BAgyadi naliva sujanaroLu iDu eMdu [1]

nIneve gati eMda dInarige nAneMba
hInamati kaLedu pavamAna pitana
dhyAnagaiyyuva divya jnAna mArgava tOri
sAnurAgadi poreva dAni dayavAridhiye [2]

maMdajana saMdoha maMdArataru vijita
kaMdarpa kAruNya siMdhu baMdhO
kaMdaneMdaridenna kuMdu eNisade hRudaya
maMdiradi SrI SyAmasuMdarana tOreMdu [3]