Phalaharavane mado

Composer : Shri Purandara dasaru

ಫಲಹಾರವನೆ ಮಾಡೋ ಪರಮಪುರುಷನೆ
ಲಲನೆ ಲಕ್ಷ್ಮೀ ಸಹ ಸಕಲಸುರರೊಡೆಯ |ಪ|

ಕಬ್ಬು ಕದಳಿಫಲ ಕೊಬ್ಬರಿ ಖರ್ಜೂರ
ಕೊಬ್ಬಿದ ದ್ರಾಕ್ಷಿ ಹಲಸು ತೆಂಗು
ಶುಭ್ರ ಸಕ್ಕರೆ ಲಿಂಬೆ ಮಾವು ಕಿತ್ತಳೆಗಳು
ಇಬ್ಬದಿಯಲಿ ಇಟ್ಟ ಶೇಷಫಲಂಗಳ |೧|

ನೆನೆಗಡಲೆ ಬೇಳೆ ಲಡಿಗೆ ಮೂಗದಾಳು
ಪಾನಕ ಶುಂಠಿ ಬೆಲ್ಲ ಯಾಲಕ್ಕಿಯು
ಗೊನೆ ಬಾಳೆಹಣ್ಣು ಘೃತವು ನೊರೆಹಾಲು
ಕನಕ ಪಾತ್ರೆಯೊಳಿಟ್ಟು ಸಕಲ ಪದಾರ್ಥವ |೨|

ಧ್ಯಾನ ಪೂರ್ವಕದಿಂದ ಮಾನಸಪೂಜೆಯ
ಪನ್ನೀರನೆ ಭಕುತವತ್ಸಲಗೆ
ಜಾನಕಿರಮಣಗೆ ಷೋಡಶೋಪಚಾರ
ದಾನವಾಂತಕ ಸಿರಿ ಪುರಂದರವಿಠಲ |೩|

---

PalahAravane mADO paramapuruShane
lalane lakShmI saha sakalasuraroDeya |pa|

kabbu kadaLiPala kobbari KarjUra
kobbida drAkShi halasu teMgu
SuBra sakkare liMbe mAvu kittaLegaLu
ibbadiyali iTTa SEShaPalaMgaLa |1|

nenegaDale bELe laDige mUgadALu
pAnaka SuMThi bella yAlakkiyu
gone bALehaNNu GRutavu norehAlu
kanaka pAtreyoLiTTu sakala padArthava |2|

dhyAna pUrvakadiMda mAnasapUjeya
pannIrane Bakutavatsalage
jAnakiramaNage ShODaSOpacAra
dAnavAMtaka siri puraMdaraviThala |3|