Smariso sarvada hariya

Composer : Shri Purandara dasaru

ಸ್ಮರಿಸೊ ಸರ್ವದ ಹರಿಯ |ಪ|
ಸುರವರ ಧೊರೆಯ ಕರುಣಾನಿಧಿಯ |ಅ.ಪ|

ಮುನಿಜನ ವಂದ್ಯನ ಮನಸಿಜನಯ್ಯನ
ಮನದಲಿ ಅನುದಿನ ನೆನೆಯೊ ಹರಿಯ ||೧||

ನಂದನ ಕಂದನ ಇಂದಿರೆ ಅರಸನ
ಮಂದರೋಧ್ಧರನ ಚಂದದಿಂದಲಿ ಹರಿಯ ||೨||

ವರಗುಣಪೂರ್ಣನ ಸರಸಿಜನೇತ್ರನ
ಪರವಾಸುದೇವನ ಪ್ರಾಣನ ಪ್ರಿಯನ ||೩||

ಕಂಜದಳೇಕ್ಷನ ಮಂಜುಳ ಹಾರನ
ಅರ್ಜುನ ಸಾರಥಿ ಸಜ್ಜನ ಪ್ರಿಯನ ||೪||

ವೆಂಕಟರಮಣನ ಸಂಕಟಹರಣನ
ಲಕ್ಷ್ಮೀರಮಣನ ಪುರಂದರವಿಠಲನ ||೫||

---

smariso sarvada hariya |pa|
suravara dhoreya karuNAnidhiya |a.pa|

munijana vaMdyana manasijanayyana
manadali anudina neneyo hariya ||1||

naMdana kaMdana iMdire arasana
maMdarOdhdharana caMdadiMdali hariya ||2||

varaguNapUrNana sarasijanEtrana
paravAsudEvana prANana priyana ||3||

kaMjadaLEkShana maMjuLa hArana
arjuna sArathi sajjana priyana ||4||

veMkaTaramaNana saMkaTaharaNana
lakShmIramaNana puraMdaraviThalana ||5||