Baiyiro baiyiro

Composer: Shri Purandara dasaru

ಬೈಯಿರೋ ಬೈಯಿರೋ
ಮನಮುಟ್ಟಿ ಬೈಯಿರೋ ||ಪ||

ಚೆನ್ನಾಗಿ ಬೈದೆನ್ನ ಧನ್ಯನ ಮಾಡಿರೊ ||ಅ.ಪ||

ಅವರು ಇವರು ಬೈದರೆಂಬೊ
ಹೀನಬುದ್ಧಿ ನನಗಿಲ್ಲ
ನಾ ಮಾಡಿದಷ್ಟು ಪಾಪವನ್ನು
ಅಳೆದುಹಾಕಿ ಹಂಚಿಕೊಳ್ಳಿರೋ ||೧||

ಇರುವೆ ನೊಣ ಕೊಂದ ಪಾಪ
ಪರನಿಂದ್ಯವ ಮಾಡಿದ ಪಾಪ
ಹೊಲೆಯ ಪಾಪ ಕೆಲವು ಉಂಟು
ಅಳೆದು ಹಾಕಿ ಹಂಚಿಕೊಳ್ಳಿರೋ ||೨||

ಅತ್ತೆ ಮಾವನ ಬೈದ ಪಾಪ
ಮತ್ತೆ ಹಿರಿಯರ ನುಡಿದ ಪಾಪ
ಕರ್ತೃ ಶ್ರೀ ಪುರಂದರವಿಠಲನ್ನ
ಚಿತ್ತದಲ್ಲಿ ನೆನೆಯದ ಪಾಪ ||೩||

---

baiyirO baiyirO
manamuTTi baiyirO ||pa||

cennAgi baidenna dhanyana mADiro ||a.pa||

avaru ivaru baidareMbo
hInabuddhi nanagilla
nA mADidaShTu pApavannu
aLeduhAki haMcikoLLirO ||1||

iruve noNa koMda pApa
paraniMdyava mADida pApa
holeya pApa kelavu uMTu
aLedu hAki haMcikoLLirO ||2||

atte mAvana baida pApa
matte hiriyara nuDida pApa
kartRu SrI puraMdaraviThalanna
cittadalli neneyada pApa ||3||