Agaje ninnogetanake

Composer : Shri Shrida vittala

ಅಗಜೆ ನಿನ್ನೊಗೆತನಕೆ ಜಗ ನಗುವುದೇ
ನಗರಾಜ ಈ ಮನೆಯ ಹೊಗಿಸಿದನೆ ಅಕಟಕಟ [ಪ]

ಹೊಟ್ಟೆಗಿಲ್ಲದೆ ಹೋಗಿ ಹಾಲಾಹಲವನುಂಡ
ತೊಟ್ಟ ತೊಗಲುಡುಗೆ ತಲೆ ಬೋಡು ಕೈಯ್ಯ
ಸುಟ್ಟ ಸುಡಗಾಡು ಮನೆ ಅಖಿಲ ಭೂತೇಶ ಬಲು
ಸಿಟ್ಟಿನವನಂಗ ಸಂಗವ ಬಯಸಬಹುದೆ [೧]

ಆರು ಮೊಗದವನೊಬ್ಬ ಆತ್ಮಜನು ಮೊಲೆ ಪಾಲು
ಕಾರಿ ಕಡುಮುನಿದು ಕಂಡರೆ ಸೇರನು
ಊರಿಗುಪಕಾರಿ ಒಡಲ್-ಹರಕ ಗಜಮುಖನು
ನಾರಿ ಮೇನಕೆ ಮಗಳು ಕಂಡು ಹಿಗ್ಗುವಳಯ್ಯ [೨]

ಶಿವಶಕ್ತಿ ನಿನ್ನಂಥ ಸೌಭಾಗ್ಯವತಿಯಳ
ಭುವನದೊಳಗಾವಲ್ಲಿ ಕಾಣೆನಿನ್ನು
ಕವಿ ಜನಗಳೇನೆಂದು ಬಣ್ಣಿಸಿದರೊ ತಿಳಿಯೆ
ಭವದೂರ ಶ್ರೀದ ವಿಠ್ಠಲರಾಯ ಬಲ್ಲ [೩]

---

agaje ninnogetanake jaga naguvudE
nagarAja I maneya hogisidane akaTakaTa [pa]

hoTTegillade hOgi hAlAhalavanuMDa
toTTa togaluDuge tale bODu kaiyya
suTTa suDagADu mane aKila BUtESa balu
siTTinavanaMga saMgava bayasabahude [1]

Aru mogadavanobba Atmajanu mole pAlu
kAri kaDumunidu kaMDare sEranu
UrigupakAri oDal-haraka gajamuKanu
nAri mEnake magaLu kaMDu higguvaLayya [2]

SivaSakti ninnaMtha sauBAgyavatiyaLa
BuvanadoLagAvalli kANeninnu
kavi janagaLEneMdu baNNisidaro tiLiye
BavadUra SrIda viThThalarAya balla [3]