Chinteyatako bayala

Composer : Shri Purandara dasaru

ಚಿಂತೆ ಯಾತಕೋ ಬಯಲ
ಭ್ರಾಂತಿ ಯಾತಕೋ, ಮನುಜಾ ||ಪ||
ಕಂತು ಪಿತನ ದಿವ್ಯ ನಾಮ
ಮಂತ್ರವಿರಲು ಜಪಿಸದೆ || ಅ.ಪ||

ಏಳುತುದಯ ಕಾಲದಲ್ಲಿ
ವೇಳೆಯರಿತು ಕೂಗುವಂಥ
ಕೋಳಿ ತನ್ನ ಮರಿಗೆ ಮೊಲೆಯ
ಹಾಲ ಕೊಟ್ಟು ಸಲಹಿತೆ ? [೧]

ಸಡಗರದಲಿ ನಾರಿಜನರು
ಹಡೆಯುವಾಗ ಸೂಲಗಿತ್ತಿ
ಅಡವಿಯೊಳಗೆ ಹೆರುವ ಮೃಗವ
ಪಿಡಿದು ರಕ್ಷಣೆ ಮಾಳ್ಪರಾರೊ ? [೨]

ಹೆತ್ತ ತಾಯಿ ಸತ್ತ ಶಿಶುವು
ಮತ್ತೆ ಕೆಟ್ಟಿತೆಂಬರು ಜನರು
ಹುತ್ತಿನ ಹಾವಿಗೆ ಗುಬ್ಬಿಗೆ ಮೊಲೆಯ
ನಿತ್ತು ರಕ್ಷಣೆ ಮಾಡುವರಾರು ? [೩]

ಗಟ್ಟಿ ಮಣ್ಣಿನ ಶಿಶುವ ಮಾಡಿ
ಹೊಟ್ಟೆಯೊಳಗೆ ಇರಿಸುವಂಥ
ಕೊಟ್ಟ ದೈವಕೊಂಡೋಯ್ದರೆ
ಕುಟ್ಟಿಕೊಂಡು ಅಳುವದ್ಯೇಕೆ [೪]

ನಂಬಿಗೆಗಿವು ಸಾಲವೆಂದು
ಹಂಬಲಿಪುದು ಲೊಕವೆಲ್ಲ
ನಂಬಿ ಪುರಂದರವಿಠ್ಠಲ-
ನೆಂಬ ನಾಮ ನುಡಿದ ಮೇಲೆ [೫]

---

ciMte yAtakO bayala
BrAMti yAtakO, manujA ||pa||
kaMtu pitana divya nAma
maMtraviralu japisade || a.pa||

ELutudaya kAladalli
vELeyaritu kUguvaMtha
kOLi tanna marige moleya
hAla koTTu salahite ? [1]

saDagaradali nArijanaru
haDeyuvAga sUlagitti
aDaviyoLage heruva mRugava
piDidu rakShaNe mALparAro ? [2]

hetta tAyi satta shishuvu
matte keTTiteMbaru janaru
huttina hAvige gubbige moleya
nittu rakShaNe mADuvarAru ? [3]

gaTTi maNNina SiSuva mADi
hoTTeyoLage irisuvaMtha
koTTa daivakoMDOydare
kuTTikoMDu aLuvadyEke [4]

naMbigegivu sAlaveMdu
haMbalipudu lokavella
naMbi puraMdaraviThThala-
neMba nAma nuDida mEle [5]