Hariya Prarthana Suladi – Guru Shrisha Vittala

Composer : Shri Guru Shrisha Vittala

ಶ್ರೀ ಗುರುಶ್ರೀಶವಿಠಲ ದಾಸಾರ್ಯ ವಿರಚಿತ
ಶ್ರೀಹರಿಯ ಪ್ರಾರ್ಥನಾ ಸುಳಾದಿ
ರಾಗ: ರೀತಿಗೌಳ
ಧ್ರುವತಾಳ
ಶ್ರೀಪತಿಯೆ ಎನ್ನ ಆಪನಿತು ನಾ ಬೇಡುವೆ
ನೀ ಪಾಲಿಸಬೇಕು ಎನ್ನ ಮಾತು
ಗೋಪಿಜನಜಾರ ಗೋಪಾಲ ಗೋವಿಂದ
ಗೋಪತಿ ಪೂಜ್ಯಪಾದ ಗೋಕುಲದರಸೆ
ಶ್ರೀಪುರುಷೋತ್ತಮ ಬೊಮ್ಮಾದಿ ತೃಣಾಂತ
ಆ ಪುರುಷರ ಪಾದಸ್ಮರಣೆಯನ್ನು
ಸ್ತ್ರೀಪುರುಷರ ತಾರತಮ್ಯ ತತ್ವೇಶರ ಸ್ವ –
ರೂಪ ಸಾಂಶ ಅಂಶ ವಿಹೀನರ
ಈ ಪರಿ ದೇಹದಲ್ಲಿ ಪ್ರೇರಕರಾದವರ
ವ್ಯಾಪಕರಾಗಿ ನಿನ್ನ ಸೇವಿಪರ
ಪಾಪರಹಿತರಾಗಿ ಧರಿಯಲ್ಲಿ ಪುಟ್ಟಿ ಸ್ವ –
ರೂಪ ವ್ಯಕ್ತ ಅವ್ಯಕ್ತರಾದವರ
ವ್ಯಾಪಕನಾದ ನಿನ್ನ ರೂಪ ತಿಳಿದು ಸರ್ವ –
ವ್ಯಾಪಾರ ಆನಂದದಿ ತುತಿಸುವರ
ಶ್ರೀಪರಮಾತ್ಮನೆ ಇಂತಿಪ್ಪ ಭಕುತರ
ನಾ ಪಾಡಿ ಪೊಗಳುವಂತೆ ಜ್ಞಾನವಿತ್ತು
ನೀ ಪೋಷಿಸಯ್ಯಾ ಅವರಲ್ಲಿ ನಿಂತು ಎನ್ನ
ಆ ಪಾರಾಂಬುಧಿ ಸಂಸಾರದಿಂದ
ನೀ ಪಾರು ಮಾಡಿಸಿ ನಿನ್ನವರೊಳಗಿಟ್ಟು
ಭೂಪತಿ ನಿನ್ನ ದಿವ್ಯ ರೂಪ ತೋರೊ
ಉಪಾಯ ಕಾಣೆನೋ ಇವರ ಬಿಟ್ಟು ಏ –
ಸುಪಾಯ ಮಾಡಿನೋಡೆ ಸುಜ್ಞಾನಕ್ಕೆ
ಆಪಗಾದಿ ತೀರ್ಥಸ್ನಾನ ಕ್ಷೇತ್ರಗಳ ಯಾತ್ರಿ
ಆಪರಿಮಿತ ಸತ್ಕರ್ಮಂಗಳು
ಸೋಪಾನವಿಲ್ಲದ ಗೋಪುರ ಏರಿದಂತೆ
ತಾ ಪರಿಹರಿಸುವವೆ ಜನ್ಮಗಳ
ವಿಪಗಮನ ಗುರುಶ್ರೀಶವಿಟ್ಠಲನೆ ಬಿ –
ನ್ನಪ ಲಾಲಿಸು ಸುಜನ ಸಂಗವೀಯೊ || ೧ ||

ಮಟ್ಟತಾಳ
ಹರಿದಾಸರ ಸ್ಮರಣಿ ದುರಿತವು ಪರಿಹಾರ
ದರುಶನವೇ ಸಕಲ ತೀರ್ಥಕ್ಷೇತ್ರ ಯಾತ್ರೆ
ವರಪಾದ ಪ್ರಕ್ಷಾಲನ ಜಲಮಾರ್ಜನವು
ಸುರನದಿ ಮೊದಲಾದ ಸಕಲತೀರ್ಥ ಸ್ನಾನ
ಅರಲವ ಸಂಭಾಷಣ ಪರತತ್ವಬೋಧ
ಶಿರಬಾಗಿ ವಂದನ ತ್ರಯತಾಪವು ದೂರ
ಹರುಷದಿಂದಲಿ ಅವರ ಅರ್ಚಿನಿ ಹರಿಪೂಜಿ
ಸುರಸ ಭೋಜನ ಮಾಡಿಸೆ ಶ್ರೀಹರಿನೈವೇದ್ಯ
ಪರಿಪರಿವಿನ ಯಾದರ ಶ್ರೀಪತಿಗೆ ಆರುತಿ
ಸರಸ ಮಾತುಗಳೆಲ್ಲಾ ಹರಿಮೂರ್ತಿಗಳಿವರು
ಕುರುಹು ಬಲ್ಲವರಿಗೆ ದೊರಕರು ಅನ್ಯರಿಗೆ
ಗುರುಶ್ರೀಶವಿಠಲ ಇವರ ಸೇವಿಯೊಳಿರಿಸೊ || ೨ ||

ತ್ರಿವಿಡಿತಾಳ
ಜ್ಞಾನವಿಲ್ಲದ ಸ್ನಾನ ದಾನ ಯಜ್ಞಂಗಳಿಗೆ
ಶ್ರೀನಿವಾಸನು ಪ್ರೀತನಲ್ಲವೆಂದು
ಅನಂತ ಶ್ರುತಿ ಸ್ಮೃತಿ ವಾಕ್ಯಗಳು ಇಹವೆಂದು
ಜ್ಞಾನಿಗಳು ತಿಳಿದು ಪೇಳುವರು
ದೀನರಿಂದಲೆ ಜ್ಞಾನಭಕುತಿವೈರಾಗ್ಯ ಭಾಗ್ಯ
ಈ ನುಡಿಗಳು ಶಾಸ್ತ್ರ ಸಮ್ಮತವು
ಆನಾದಿಯಿಂದಲಿ ಹೀಗೆ ಇದ್ದದರಿಂದ
ನಾನು ಬೇಡುವೆ ನಿನ್ನವರ ಅನುಗ್ರಹವು
ಶ್ರೀನಾಥ ನೀ ದಯಮಾಡಬೇಕಲ್ಲದೆ
ನಾನ್ಯಾತರವನಲ್ಲ ಗುರುಶ್ರೀಶವಿಟ್ಠಲ || ೩ ||

ಅಟ್ಟತಾಳ
ನಾರದರಿಂದ ಪ್ರಲ್ಹಾದಗೆ ಬೋಧ ಶ್ರೀ –
ನಾರಸಿಂಹ ನಿನ್ನ ಕರುಣಾ ದರುಶನವು
ಆರಿಂದ ವಾಲ್ಮೀಕಿ ಋಷಿ ಎನಿಸಿದನಯ್ಯಾ
ಆ ರಹುಗಣರಾಯ ಗುರುಪದೇಶ ಆದಾರಿಂದ
ಆರಣ್ಯಕೆ ಪೋದ ಧ್ರುವಗೆ ಸಂಪದ ಹ್ಯಾಗೆ
ಆರು ವರಣಿಪರಯ್ಯಾ ಅನಂತ ಭಕ್ತರ
ಮಾರಾರಿ ಮೊದಲಾದ ದೇವತೆಗಳಿಗೆಲ್ಲ
ಭಾರತಿಪತಿಯಿಂದ ಗತಿಯೆಂದ ಮ್ಯಾಲಿನ್ನು
ಭಾರಿ ಭಾರಿಗೆ ಪೇಳಲೇನು ಶ್ರೀಕೃಷ್ಣಯ್ಯಾ
ತಾರಕರು ಇವರೇ ಇದೆ ನಿನ್ನ ಸಂಕಲ್ಪ
ಮಾರಮಣನೆ ನಿನಗಿಂತ ನಿನ್ನವರಲಿ ಅ –
ಪಾರ ಭಕ್ತಿಯ ಕೊಡು ಗುರುಶ್ರೀಶವಿಟ್ಠಲ || ೪ ||

ಆದಿತಾಳ
ವಿದ್ಯ ಶ್ರೀಪ್ರಾಣದೇವರಿಂದಲಿ
ಬುದ್ಧಿ ಬ್ರಹ್ಮನ ರಾಣಿಯಿಂದಲಿ
ಶುದ್ಧಭಕುತಿ ಭಾರತಿಯಿಂದ
ರುದ್ರನಿಂದಲಿ ಮನವು ಎರಗಲಿಬೇಕು
ಮುದ್ದು ಕೃಷ್ಣಯ್ಯಾ ತತ್ವಗಳಲ್ಲಿ
ಇದ್ದು ಈವರವೆ ಸಲಹಬೇಕು ಎನ್ನ
ಮಧ್ವಪತಿ ಗುರುಶ್ರೀಶವಿಠಲ
ಉದ್ಧರಿಸಬೇಕು ನಿನ್ನವರಿಂದಲಿ || ೫ ||

ಜತೆ
ಹರಿ ನಿನ್ನ ದಾಸರ ದಾಸನೆಂದೆನಿಸೆನ್ನ
ಗುರುಶ್ರೀಶವಿಠಲ ಮರೆಯಾದೆ ಸಲಹೊ ||

---

SrI guruSrISaviThala dAsArya viracita
SrIhariya prArthanA suLAdi
rAga: rItigauLa
dhruvatALa
SrIpatiye enna Apanitu nA bEDuve
nI pAlisabEku enna mAtu
gOpijanajAra gOpAla gOviMda
gOpati pUjyapAda gOkuladarase
SrIpuruShOttama bommAdi tRuNAMta
A puruShara pAdasmaraNeyannu
strIpuruShara tAratamya tatvESara sva –
rUpa sAMSa aMSa vihInara
I pari dEhadalli prErakarAdavara
vyApakarAgi ninna sEvipara
pAparahitarAgi dhariyalli puTTi sva –
rUpa vyakta avyaktarAdavara
vyApakanAda ninna rUpa tiLidu sarva –
vyApAra AnaMdadi tutisuvara
SrIparamAtmane iMtippa Bakutara
nA pADi pogaLuvaMte j~jAnavittu
nI pOShisayyA avaralli niMtu enna
A pArAMbudhi saMsAradiMda
nI pAru mADisi ninnavaroLagiTTu
BUpati ninna divya rUpa tOro
upAya kANenO ivara biTTu E –
supAya mADinODe suj~jAnakke
ApagAdi tIrthasnAna kShEtragaLa yAtri
Aparimita satkarmaMgaLu
sOpAnavillada gOpura EridaMte
tA pariharisuvave janmagaLa
vipagamana guruSrISaviTThalane bi –
nnapa lAlisu sujana saMgavIyo || 1 ||

maTTatALa
haridAsara smaraNi duritavu parihAra
daruSanavE sakala tIrthakShEtra yAtre
varapAda prakShAlana jalamArjanavu
suranadi modalAda sakalatIrtha snAna
aralava saMBAShaNa paratatvabOdha
SirabAgi vaMdana trayatApavu dUra
haruShadiMdali avara arcini haripUji
surasa BOjana mADise SrIharinaivEdya
pariparivina yAdara SrIpatige Aruti
sarasa mAtugaLellA harimUrtigaLivaru
kuruhu ballavarige dorakaru anyarige
guruSrISaviThala ivara sEviyoLiriso || 2 ||

triviDitALa
j~jAnavillada snAna dAna yaj~jaMgaLige
SrInivAsanu prItanallaveMdu
anaMta Sruti smRuti vAkyagaLu ihaveMdu
j~jAnigaLu tiLidu pELuvaru
dInariMdale j~jAnaBakutivairAgya BAgya
I nuDigaLu SAstra sammatavu
AnAdiyiMdali hIge iddadariMda
nAnu bEDuve ninnavara anugrahavu
SrInAtha nI dayamADabEkallade
nAnyAtaravanalla guruSrISaviTThala || 3 ||

aTTatALa
nAradariMda pralhAdage bOdha SrI –
nArasiMha ninna karuNA daruSanavu
AriMda vAlmIki RuShi enisidanayyA
A rahugaNarAya gurupadESa AdAriMda
AraNyake pOda dhruvage saMpada hyAge
Aru varaNiparayyA anaMta Baktara
mArAri modalAda dEvategaLigella
BAratipatiyiMda gatiyeMda myAlinnu
BAri BArige pELalEnu SrIkRuShNayyA
tArakaru ivarE ide ninna saMkalpa
mAramaNane ninagiMta ninnavarali a –
pAra Baktiya koDu guruSrISaviTThala || 4 ||

AditALa
vidya SrIprANadEvariMdali
buddhi brahmana rANiyiMdali
SuddhaBakuti BAratiyiMda
rudraniMdali manavu eragalibEku
muddu kRuShNayyA tatvagaLalli
iddu Ivarave salahabEku enna
madhvapati guruSrISaviThala
uddharisabEku ninnavariMdali || 5 ||

jate
hari ninna dAsara dAsaneMdenisenna
guruSrISaviThala mareyAde salaho ||