Hottu hoyitalla

Composer : Shri Gurushreesha vittala

ಹೊತ್ತು ಹೋಯಿತಲ್ಲಾ ಹರಿ ನಿನ್ನ ಭೃತ್ಯನಾಗಲಿಲ್ಲ
ಮತ್ತೆ ಮತ್ತೆ ಉನ್ಮತ್ತರ ಸಂಗದಿ
ಉತ್ತಮರಿಗೆ ಕರವೆತ್ತಿ ಮುಗಿಯದಲೆ ||ಪ||

ನಿತ್ಯ ನಿತ್ಯದಲ್ಲಿ ಪರರ ವಿತ್ತವ ಬಯಸುತಲಿ
ಹತ್ತಿ ಹೊಂದಿದವರೆಂದು ಮೋಹಕೆ ಬಿದ್ದು
ಚಿತ್ತಜ ಪಿತನನೇಕ ಚಿತ್ತದಿ ನೆನೆಯದೆ ||೧||

ಕುಜನರ ಬಳಿವಿಡಿದು ಸುಕರ್ಮವು ಯಜನಾದಿಗಳ ಜರಿದು
ಭುಜಗಶಯನ ನಿನ್ನ ಭಜನಿಯ ಮಾಡುವ
ಸುಜನರ ಚರಣಾಂಬುಜವನೆ ಪಿಡಿಯದೆ ||೨||

ಉದರಭರಣೆಗಾಗಿ ಸರ್ವದಾ ಅಧಮರ ಹಿಂದೆ ತಿರುಗಿ
ಬುಧರ ಸೇವೆಯ ಮಾಡಿ ಹೃದಯ ಕಮಲದಲ್ಲಿ
ಪದುಮನಾಭನ ಪಾದ ಮುದದಿ ಧೇನಿಸದೆ ||೩||

ಜ್ಞಾನವಂತರ ಸಂಗ ಮಂದ ಜ್ಞಾನಿಗೇನೋ ರಂಗ
ದೀನ ವಾತ್ಸಲ ನೀ ದೀನರಿಗಲ್ಲದಲೇ
ಹೀನಗುಣದವನಿಗೇನು ಗತಿಯೋ ಕೃಷ್ಣಾ ||೪||

ಪರಮಪುರುಷ ಹರಿಯೇ ಎನ್ನ ನೀ ಕರಪಿಡಿಯೋ ಧೊರಿಯೇ
ಅರಘಳಿಗ್ಯಾದರೂ ಗುರುಶ್ರೀಶವಿಠ್ಠಲ
ಪರಮ ಪಾವನ ನಿನ್ನ ಚರಣವ ಸ್ಮರಿಸದೆ ||೫||

---

hottu hOyitallA hari ninna BRutyanAgalilla 
matte matte unmattara saMgadi 
uttamarige karavetti mugiyadale ||pa||

nitya nityadalli parara vittava bayasutali
hatti hoMdidavareMdu mOhake biddu 
cittaja pitananEka cittadi neneyade ||1||

kujanara baLiviDidu sukarmavu yajanAdigaLa jaridu 
BujagaSayana ninna Bajaniya mADuva 
sujanara caraNAMbujavane piDiyade ||2||

udaraBaraNegAgi sarvadA adhamara hiMde tirugi 
budhara sEveya mADi hRudaya kamaladalli 
padumanABana pAda mudadi dhEnisade ||3||

j~jAnavaMtara saMga maMda j~jAnigEnO raMga 
dIna vAtsala nI dInarigalladalE 
hInaguNadavanigEnu gatiyO kRuShNA ||4||

paramapuruSha hariyE enna nI karapiDiyO dhoriyE 
araGaLigyAdarU guruSrISaviThThala
parama pAvana ninna caraNava smarisade ||5||