Vijayarayara Bhajiso

Composer : Shri Karpara Narahari dasaru

ವಿಜಯರಾಯ ಭಜಿಸೋ ಹೇ ಮನುಜಾ ನೀ ||ಪ||

ವಿಜಯರಾಯರ ಪಾದ ಭಜಿಸುವ ಮನುಜರ
ವೃಜಿನ ವಾರಿಧಿಗೆ ಕುಂಭಜರೆನಿಸಿದ ಗುರು ||ಅ.ಪ||

ಮೊದಲು ಬೃಗುಮುನಿರೂಪದಿ ಶೀ-
ಘ್ರದಿ ಪೋಗಿ ಬರಲು ಶ್ರೀಹರಿ ಲೋಕದಿ,
ವಿಧಿ ವಿಷ್ಣು ಶಿವರೊಳು
ಪದುಮನಾಭನಕಿಂತ ಅಧಿಕರಿಲ್ಲೆಂದು
ನಾರದ ಮುನಿಗರುಹಿದ [೧]

ಜಗದೊಳು ಸಕಲ ಕ್ಷೇತ್ರ ತೀರ್ಥಗಳ
ಮಹಿಮೆಯ ವರ್ಣಿಸುತ, ಖಗರಾಜ
ಗಮನ ಶ್ರೀ ಭಗವದ್ಗುಣಗಳನ್ನು
ಬಗೆ ಬಗೆ ಪದ ಸುಳಾದಿಗಳಿಂದ ತುತಿಸಿದ [೨]

ಕಾಶಿಯೊಳಗೆ ಸಂಪ್ರಾಪ್ತ ಪುರಂದರ
ದಾಸರಿಂದಲಿ ಅಂಕಿತ
ಶೇಷಶಯನ ಶ್ರೀನಿವಾಸ ’ಕಾರ್ಪರನರ-
ಕೇಸರಿ ’ ಗತಿ ಪ್ರಿಯ ದಾಸರೆಂದೆನಿಸಿದ [೩]

---

vijayarAya BajisO hE manujA nI ||pa||

vijayarAyara pAda Bajisuva manujara
vRujina vAridhige kuMBajarenisida guru ||a.pa||

modalu bRugumunirUpadi SI-
Gradi pOgi baralu SrIhari lOkadi,
vidhi viShNu SivaroLu
padumanABanakiMta adhikarilleMdu
nArada munigaruhida [1]

jagadoLu sakala kShEtra tIrthagaLa
mahimeya varNisuta, KagarAja
gamana SrI BagavadguNagaLannu
bage bage pada suLAdigaLiMda tutisida [2]

kASiyoLage saMprApta puraMdara
dAsariMdali aMkita
SEShaSayana SrInivAsa ‘kArparanara-
kEsari ‘ gati priya dAsareMdenisida [3]