Padumanabhane enentadidyo

Composer : Shri Pranesha dasaru

ಪದುಮನಾಭನೆ ಏನೆಂತಾಡಿದ್ಯೊ |
ವೊದಗಿ ಬಂದವರಿಗೆ ಎದೆಗಲ್ಲಿನಂತೆ [ಪ]

ಸ್ವರ ಕೇಳಿದಾಕ್ಷಣ ಸ್ಮರಬಾಧೆ ಹೆಚ್ಚಿ ಜ- |
ರ್ಝರಿತರಾದೆವೊ ಕೇಳೊ ತರುಣಿಯರೆಲ್ಲ (೧)

ಯೋಗೇಶ ನಿನ ನೋಡ ವೇಗದಿಂ ಬಂದೆವೊ |
ಹೋಗೆಂದು ನಿನ್ನ ನಾಲಿಗೀಗೆಂತು ಬಂತೋ (೨)

ನಾರೆರಲಂಕಾರ ಸೀರಿ ಹಂಬಲ ಬಿಟ್ಟು |
ಸಾರಿದರೆಂದು ವಿಚಾರಿಸಲಿಲ್ಲೆ (೩)

ಪತಿಗಳು ಹುಡುಕೊರೆಂದತಿ ಕರುಣವರಲ್ಲೆ |
ಚ್ಯುತನಾವೆ ನಿನಗೆ ಅಹಿತರಾದೆವೇನೋ (೪)

ಆಗಾರತೊರೆದು ಸುಭೋಗವಿತ್ತೆವೋ ನಿ- |
ನಿನಗೀಗ ಮರದಿ ನಮ್ಮ ಕೈಗುಣವೇನೋ (೫)

ವಾರಿಜಬಾಣಕ್ಕೆ ಆರಲಾರಿವೊ ದಯಾ |
ವಾರಿಧಿಕಾಮನಾ ಪೂರತಿ ಮಾಡೋ (೬)

ಪ್ರಾಣೇಶ ವಿಠ್ಠಲ ನೀ ಮಾನವರಂತಲ್ಲ |
ಪ್ರಾಣದ ಪದಕ ಈಗೇನು ಕಲ್ಲಾದ್ಯೊ (೭)

---

padumanABane EneMtADidyo |
vodagi baMdavarige edegallinaMte [pa]

svara kELidAkShaNa smarabAdhe hecci ja- |
rJaritarAdevo kELo taruNiyarella (1)

yOgESa nina nODa vEgadiM baMdevo |
hOgeMdu ninna nAligIgeMtu baMtO (2)

nAreralaMkAra sIri haMbala biTTu |
sAridareMdu vicArisalille (3)

patigaLu huDukoreMdati karuNavaralle |
cyutanAve ninage ahitarAdevEnO (4)

AgAratoredu suBOgavittevO ni- |
ninagIga maradi namma kaiguNavEnO (5)

vArijabANakke AralArivo dayA |
vAridhikAmanA pUrati mADO (6)

prANESa viThThala nI mAnavaraMtalla |
prANada padaka IgEnu kallAdyo (7)