Janma Saphalavayitu

Composer : Shri Vadirajaru

ರಾಗ: ಬೃಂದಾವನಸಾರಂಗ , ಆದಿತಾಳ
ಜನ್ಮ ಸಫಲವಾಯಿತು ॥ ಪ ॥
ನಮ್ಮ ಆದಿ ಅನಂತ ಜನಾರ್ದನನ ಕಂಡು ಎನ್ನ ॥ ಅ ಪ ॥

ಬ್ರಹ್ಮಾನಂದ ಸುಗುಣ ನಿಮ್ಮ ಮಹಿಮೆಯ ಅ – ।
ಗಮ್ಯ ಗೋಚರನೆಂದು ಸ್ತುತಿ ಸುರರೇ ॥
ಬ್ರಹ್ಮಾ ರುದ್ರಾದಿಗಳು ಇಂದ್ರ ಚಂದ್ರಾದಿಗಳು ।
ನಿರ್ಮಲಾ ಮೂರುತಿ ನಿಮ್ಮ ನಿಜವ ತೋರಿದ ಮ್ಯಾಲೆ ॥ 1 ॥

ಚತುರಮುಖನು ಬಂದು ಪೃಥುವಿ ವಳಗೆ ನಿಂದೂ ।
ಕ್ರತುಗಳ ಮಾಡಿ ಆಹುತಿ ಕೊಡಲು ಅರೆ ಘ್ರಾಸವಾ – ॥
ಯಿತೆಂದು ಅನಲ ಬಂದೂ ಮೊರೆ ಇಡಲು ।
ದ್ವಿತೀಯ ಘ್ರಾಸಕ್ಕೆ ಕೈಯ ವಡ್ಡಿ ನಿಂತದ್ದು ಕಂಡು ॥ 2 ॥

ಮೊದಲು ಬಾಗಿಲಿ ನಿಮ್ಮ ಮುಖಕಮಲ ಕಂಡೆ ।
ಮುದದಿಂದ ಮಕರಕುಂಡಲ ಕಿರೀಟವ ಕಂಡೆ ॥
ಭುಜದ್ವಯವನು ಕಂಡೆ ಶ್ರೀವತ್ಸ ಕೌಸ್ತುಭ ಕೊರಳ ।
ವೈಜಯಂತೀ ಮಾಲಿಕೆಗಳ ಕಂಡು ಎನ್ನ ॥ 3 ॥

ನಡುವಿನ ಬಾಗಿಲಿ ನಾಭಿ ಕಮಲ ಕಂಡೆ ।
ಉದ್ಭವಿಸಿ ಮೆರೆವ ವಿರಂಚಿಯ ಕಂಡೆ ॥
ಜಡಿವೋ ಪೀತಾಂಬರ ನಡುವಿನೊಡ್ಯಾಣ ।
ಉಡಿಗೆಜ್ಜೆ ಮೇಲಿನ ಕಿರುಗೆಜ್ಜಿಗಳ ಕಂಡು ॥ 4 ॥

ಮೂರನೇ ಬಾಗಿಲಿ ಮುದ್ದು ಶ್ರೀ ಚರಣವು ।
ಶ್ರೀದೇವಿ ಭೂದೇವಿ ಸೇವೆ ಮಾಳ್ಪದ ಕಂಡೆ ॥
ಸುರರು ಮಾನವರ ಕಂಡೆ ಸ್ತೋತ್ರ ಮಾಳ್ಪದ ಕಂಡೆ ।
ಉರಗಶಯನ ಮ್ಯಾಲೆ ಹಯವದನನ ಕಂಡು ಎನ್ನ ॥ 5 ॥

---

SrI vAdirAja gurusArvaBaumara kRuti
rAga: bRuMdAvanasAraMga , AditALa

janma saPalavAyitu || pa ||
namma Adi anaMta janArdanana kaMDu enna || a pa ||

brahmAnaMda suguNa nimma mahimeya a – |
gamya gOcaraneMdu stuti surarE ||
brahmA rudrAdigaLu iMdra caMdrAdigaLu |
nirmalA mUruti nimma nijava tOrida myAle || 1 ||

caturamuKanu baMdu pRuthuvi vaLage niMdU |
kratugaLa mADi Ahuti koDalu are GrAsavA – ||
yiteMdu anala baMdU more iDalu |
dvitIya GrAsakke kaiya vaDDi niMtaddu kaMDu || 2 ||

modalu bAgili nimma muKakamala kaMDe |
mudadiMda makarakuMDala kirITava kaMDe ||
Bujadvayavanu kaMDe SrIvatsa kaustuBa koraLa |
vaijayaMtI mAlikegaLa kaMDu enna || 3 ||

naDuvina bAgili nABi kamala kaMDe |
udBavisi mereva viraMciya kaMDe ||
jaDivO pItAMbara naDuvinoDyANa |
uDigejje mElina kirugejjigaLa kaMDu || 4 ||

mUranE bAgili muddu SrI caraNavu |
SrIdEvi BUdEvi sEve mALpada kaMDe ||
suraru mAnavara kaMDe stOtra mALpada kaMDe |
uragaSayana myAle hayavadanana kaMDu enna || 5 ||