Ananta vrata suladi

Composer : Shri Vijayadasaru

ಧ್ರುವತಾಳ
ವ್ರತವೆ ಉತ್ತಮ ವ್ರತವು ಕ್ಷಿತಿಯೊಳಗೆ ನೋಡಲು
ಮತಿವಂತರಿಗೆ ಮುಕ್ತಿ ಪಥಕೆ ಮೊದಲೂ
ಲತೆ ಪಲ್ಲವಿಸಿದಂತೆ ಸತತದಲ್ಲಿ ಭಕ್ತಿ
ಪ್ರತಿದಿನ ಹೆಚ್ಚುವದು ಅತಿಶಯದಲ್ಲಿ
ಖತಿಗೊಳದಿರಿ ಶಾಶ್ವತವೆನ್ನಿರೊ ಜನರೂ
ಪತಿತರಾಗದೆ ಸಮ್ಮತ ಬಡುವದೂ
ಶತಕೋಟಿ ಅನ್ಯದೇವತಿಗಳ ವ್ರತಮಾಡೆ
ಹತವಾಗುವದು ಸುಕೃತವಿದ್ದದ್ದೂ
ಚತುರಮೂರುತಿ ನಮ್ಮ ವಿಜಯವಿಟ್ಠಲನಂತಾ
ವ್ರತಕಾವದು ಎಲ್ಲಿ ಪ್ರತಿಗಾಣೆ ಶ್ರುತಿಯೊಳು || ೧ ||

ಮಟ್ಟತಾಳ

ಸುಮಂತ ಭೂಸುರನಾ ಕುಮಾರಿ ಸುಶೀಲೆ
ವಿಮಲಾ ಗುಣವಂತೆ ಶಮೆದಮೆಯಲ್ಲಿರಲು
ಸುಮಂತ ವಿಪ್ರಾ ಉತ್ತುಮ ಕೌಂಡಿಣ್ಯಗೆ
ಸುಮತಿಯಳನಿತ್ತಾ ಸುಮನಸರು ಮೆಚ್ಚೆ
ರಮೆಯರಸ ನಮ್ಮ ವಿಜಯವಿಟ್ಠಲನ್ನಾ –
ತುಮದೊಳಗೆ ನೆನೆದು ಯಮುನಾ ತೀರಕೆ ಬರಲೂ || ೨ ||

ರೂಪಕತಾಳ

ಮೌನಿ ಕೌಂಡಿನ್ಯನು ಮಧ್ಯಾಹ್ನದಾ ಆನ್ಹಿಕೆಯನು
ಪ್ರಣವ ಪೂರ್ವಕದಿಂದಾರ್ಚನೆ ಮಾಡಪೋದಾ ಯ –
ಮುನಾ ನದಿ ಸಲಿಲಕೆ ಘನತೀವರದಿಂದ
ವನಿತೆ ಸುಶೀಲಿ ತಾ ವನಜಾಕ್ಷಿಯರು ವೃತ –
ವನು ಮಾಡುತಿರೆ ಆ ಕ್ಷಣದಿಂದ ಗಮನಿಸೀ
ಎನಗೆ ಪೇಳೆಂದವರನನುಸರಿಸಿ ಕೇಳಲೂ
ಸನುಮತ ಅನಂತನ ವ್ರತವೆಂದೆನಲೂ
ವಿನಯದಿಂದ ನಮಿಸಿ ಮನದಿಚ್ಛೆಲಿ ನೋಡಿ
ಏನನೂ ತಾಳಂದಾನಂತನ ಸೂತ್ರ ತೋಳಿಲಿ
ದಿನ ಭಾದ್ರಪದ ಶೋಭನ ಶುಕ್ಲ ಚತುರ್ದಶಿ
ದಿನದಲ್ಲಿ ವಾಮಲೋಚನೆ ಕಟ್ಟಿದೊಳೊಲಿದೂ
ಪ್ರಣತಾರ್ಥಿಹರ ನಮ್ಮ ವಿಜಯವಿಟ್ಠಲನ್ನ
ನೆನದು ಪತಿಯಾ ಕೂಡಿ ಮನೆಗೆ ಬರುತಿರೆ || ೩ ||

ಝಂಪೆತಾಳ

ದಾರಿಯೊಳಗೆ ಮದವಾರುಣಾ ಶ್ಯಂದನಾ
ವಾರುಗಂಗಳು ಪರಿವಾರಾ ವೊಪ್ಪುತಲಿರೇ
ಸಾರ ರತುನಾ ಬಂಗಾರಮಯದಾ ಶೃಂ –
ಗಾರದಾ ಮಂದಿರಾ ತೋರುತಿರಲು ಮನಕೆ
ಕಾರುಣಿಕವು ಮುಂದೆ ನಾರಿಯೊಡನೆ ಮುನಿ –
ವರೇಣ್ಯ ತನ್ನಯಾ ಕುಟೀರಕ್ಕೆ ಬರಲಾಗಿ
ಕಾರಣ ಪುರುಷ ಶಿರಿ ವಿಜಯವಿಠಲನ್ನಾ
ದೋರದಾ ಮಹಿಮೇಲಿ ಪೂರೈಸಿತು ಭಾಗ್ಯಾ || ೪ ||

ತ್ರಿವಿಡಿತಾಳ

ಎತ್ತ ನೋಡಿದರತ್ತ ತುಳುಕಲು ಭಾಗ್ಯ
ನಿತ್ಯ ಸಂದಣಿಯಿಂದ ಇತ್ತಮುನಿ ಇರುತಿರೆ
ಚಿತ್ತದೊಲ್ಲಭ ಕರದಿ ಸೂತ್ರವಿರಲೂ ಮುನಿ –
ಪೋತ್ತುಮ ನುಡಿಸಿ ಅದರುತ್ತರವ ತಿಳಿದು
ಎತ್ತಣ ವೃತವೆಂದು ಮಿತ್ರಿಯ ಜರೆದು ದೋರಾ
ಕಿತ್ತು ಬಿಸುಟನಾಗಾ ಪಿತ್ತದೊಳಗೆ ತೆಗೆದು
ಉತ್ತಮ ಗುಣವಂತೆ ಎತ್ತಿ ಮನದಿ ಹಾ, ಯೆ –
ನುತ್ತ ಪಾಲಿನೊಳದ್ದಿ ತುತಿಸಿ ಗತಿ ಹರಿಯೆ –
ನುತ್ತ ಜತನ ಮಾಡಿ ಚಿತ್ತಜಾಪಿತ
ನಂತ ವಿಜಯವಿಟ್ಠಲರೇಯಗೆ
ಹತ್ತದವನಾಗಿ ಮುನಿ ಮತ್ತಾ ಕ್ಲೇಶದೊಳಾದ || ೫ ||

ಅಟ್ಟತಾಳ

ಬಡತನ ಬಂದು ಬೆಂಬಿಡದಲೆ ಕಾಡಲು
ಒಡನೆ ಬಿದ್ದವರೆಲ್ಲಾ ಬಡದರು ಪಗೆಯಾಗಿ
ಪಡೆದ ಪರಿಚಾರಾ ಕಿಡಿಗೆಡಿಗೆ ಮುನಿ
ದಡಿಗಡಿಗೆ ಬೈದೊಡಂಬಡದಿಪ್ಪಾರು
ಕಡುನೊಂದು ಯತಿ ತನ್ನ ಮಡದಿ ವಿನಯದಿಂದಾ
ನುಡಿವ ಮಾತನು ತನ್ನೊಡಲೊಳು ಚಿಂತಿಸಿ
ಸುಡು ಎನ್ನ ಶರೀರ ಬಿಡುವೆ ರಂಗನ ದಿವ್ಯಾ
ಅಡಿಗಳ ಬಳಿಯಲ್ಲಿ ತಡಿಯದಲೆ ಪೋಗಿ
ಕೊಡವೆನೆನುತ ನೀರು ಕುಡಿಯದೆ ಪೊರಮಟ್ಟಾ
ಅಡವಿ ಗಿಡಗಳು ಪಿಡಿದು ಕ್ಲೇಶದಿಂದ
ಮಿಡಕುತಾಳಲ್ಲಿ ಕಾಲೊಡದು ನೆತ್ತರಧಾರೆ
ಇಡುತಲಿ ಬಲುದೂರಾ ಹುಡುಕುತಾ ಮಹೇಂದ್ರ
ದಡಿಗೆ ಬಂದನು ಋಷಿ
ಕಡು ಕೃಪಾಸಾಗರಾ ನಮ್ಮ ವಿಜಯವಿಟ್ಠಲನಂತಾ
ತಡಿಯೆ ಕೌಂಡಿಣ್ಯನು ನಡುಗಿ ಬಾಯಾರಿ || ೬ ||

ಆದಿತಾಳ

ಬರುತಾ ಚೂತಾ ತರುವು ಸರೋ –
ವರಾವೆರಡು ಗೋ ವೃಷಭಾ
ಖರ ಮದಕುಂಜರಗಳನು ನಿರೀಕ್ಷಿಸಿ ಅನಂತನಾ
ಕುರುಹವಾ ನೀವು ತೋರಿರಿ ಎಂದು ಬೆಸಗೊಳಲು
ಅರಿಯಲಿಲ್ಲೆಂದು ಉತ್ತರ ನೆರದಾವು ಕೊಡಲು
ಪರಮ ಮೂರ್ಛಿತನಾಗಿ ವರಗಿದ ಧರಿಗೆ ಮುನಿ
ಹರಿ ಅರಿದು ವೃದ್ಧ ಭೂಸುರನಾಗಿ ಬಂದು ವಿ –
ವರಿಸಿ ತಿಳಿದು ತಡವರಿಸಿ ಕಿಂ –
ಕರ ನೋಡಿರದೆ ಬೆಂಬಲವಾಗಿ
ಕರತಂದು ತನ್ನ ನಿಜ ಸ್ವರೂಪವಾ ತೋರಿ ಮುನಿಯಾ
ಪರಿಶ್ರಮ ಪರಿಹರಿಸಿ ಕರುಣವ ಮಾಡಿದನು
ಸುರರಿಗಸಾಧ್ಯವು ಮರಿಯದೆ ಪದಿನಾಲ್ಕೋ –
ತ್ಸರಾನಂತನಾ ವೃತಚರಿಸಿ ಸುಖದಿ ಬಂದು
ವರ ಪುನರ್ವಸು ಸ್ಥಾನಾ ಇರ ಹೇಳಿ ಹಿಂದೆ ಕಂಡಾ
ದರ ಶಂಕೆಯನು ಪೇಳಿ ಹರಿ ಅಂತರ್ಧಾನನಾದಾ
ತಿರುಗಿ ಕೌಂಡಿಣ್ಯ ಮುನೀಶ್ವರಾ ಅಕ್ಲೇಶದಲ್ಲಿ
ತರುಣಿ ಜ್ಞಾನವಾ ನೆನೆದು ಹರಿಯಾ ಕೊಂಡಾಡುತ್ತಾ
ಭರದಿಂದ ತನ್ನ ಮಂದಿರ ಕೈತಂದು ವೃತವ
ಚರಿಸಿದ ಮನಃ ಪೂರ್ವದರ ಭಕುತಿ ತಪ್ಪದಲೇ
ಸರಿ ಇಲ್ಲಾದೈಶ್ವರ್ಯ ಪರಿಪೂರ್ಣವಾಗಿ ಬಾಳಿ
ಮರಳೆ ಸೇರಿದ ತನ್ನವರ ಸ್ಥಾನದಲಿ ಪೋಗಿ
ಶಿರಿ ಶ್ರೀಮದನಂತ ವಿಜಯವಿಟ್ಠಲರೇಯಾ
ಸ್ಥಿರವಾದಾನಂದು ಮೊದಲು ಶರಧಿ ದಕ್ಷಿಣಾದಲ್ಲಿ || ೭ ||

ಜತೆ
ಯಮ ಸುತನು ನೋತು ಬಲು ಶ್ರಮದಿಂದ ದೂರಾದ
ತಮರಿಗೆ ಸಲ್ಲಾದಿದು ವಿಜಯವಿಟ್ಠಲ ಬಲ್ಲಾ ||

---

dhruvatALa
vratave uttama vratavu kShitiyoLage nODalu
mativaMtarige mukti pathake modalU
late pallavisidaMte satatadalli Bakti
pratidina heccuvadu atiSayadalli
KatigoLadiri SASvatavenniro janarU
patitarAgade sammata baDuvadU
SatakOTi anyadEvatigaLa vratamADe
hatavAguvadu sukRutaviddaddU
caturamUruti namma vijayaviTThalanaMtA
vratakAvadu elli pratigANe SrutiyoLu || 1 ||

maTTatALa

sumaMta BUsuranA kumAri suSIle
vimalA guNavaMte Samedameyalliralu
sumaMta viprA uttuma kauMDiNyage
sumatiyaLanittA sumanasaru mecce
rameyarasa namma vijayaviTThalannA –
tumadoLage nenedu yamunA tIrake baralU || 2 ||

rUpakatALa

mauni kauMDinyanu madhyAhnadA Anhikeyanu
praNava pUrvakadiMdArcane mADapOdA ya –
munA nadi salilake GanatIvaradiMda
vanite suSIli tA vanajAkShiyaru vRuta –
vanu mADutire A kShaNadiMda gamanisI
enage pELeMdavarananusarisi kELalU
sanumata anaMtana vrataveMdenalU
vinayadiMda namisi manadicCeli nODi
EnanU tALaMdAnaMtana sUtra tOLili
dina BAdrapada SOBana Sukla caturdaSi
dinadalli vAmalOcane kaTTidoLolidU
praNatArthihara namma vijayaviTThalanna
nenadu patiyA kUDi manege barutire || 3 ||

JaMpetALa

dAriyoLage madavAruNA SyaMdanA
vArugaMgaLu parivArA vopputalirE
sAra ratunA baMgAramayadA SRuM –
gAradA maMdirA tOrutiralu manake
kAruNikavu muMde nAriyoDane muni –
varENya tannayA kuTIrakke baralAgi
kAraNa puruSha Siri vijayaviThalannA
dOradA mahimEli pUraisitu BAgyA || 4 ||

triviDitALa

etta nODidaratta tuLukalu BAgya
nitya saMdaNiyiMda ittamuni irutire
cittadollaBa karadi sUtraviralU muni –
pOttuma nuDisi adaruttarava tiLidu
ettaNa vRutaveMdu mitriya jaredu dOrA
kittu bisuTanAgA pittadoLage tegedu
uttama guNavaMte etti manadi hA, ye –
nutta pAlinoLaddi tutisi gati hariye –
nutta jatana mADi cittajApita
naMta vijayaviTThalarEyage
hattadavanAgi muni mattA klESadoLAda || 5 ||

aTTatALa

baDatana baMdu beMbiDadale kADalu
oDane biddavarellA baDadaru pageyAgi
paDeda paricArA kiDigeDige muni
daDigaDige baidoDaMbaDadippAru
kaDunoMdu yati tanna maDadi vinayadiMdA
nuDiva mAtanu tannoDaloLu ciMtisi
suDu enna SarIra biDuve raMgana divyA
aDigaLa baLiyalli taDiyadale pOgi
koDavenenuta nIru kuDiyade poramaTTA
aDavi giDagaLu piDidu klESadiMda
miDakutALalli kAloDadu nettaradhAre
iDutali baludUrA huDukutA mahEMdra
daDige baMdanu RuShi
kaDu kRupAsAgarA namma vijayaviTThalanaMtA
taDiye kauMDiNyanu naDugi bAyAri || 6 ||

AditALa

barutA cUtA taruvu sarO –
varAveraDu gO vRuShaBA
Kara madakuMjaragaLanu nirIkShisi anaMtanA
kuruhavA nIvu tOriri eMdu besagoLalu
ariyalilleMdu uttara neradAvu koDalu
parama mUrCitanAgi varagida dharige muni
hari aridu vRuddha BUsuranAgi baMdu vi –
varisi tiLidu taDavarisi kiM –
kara nODirade beMbalavAgi
karataMdu tanna nija svarUpavA tOri muniyA
pariSrama pariharisi karuNava mADidanu
surarigasAdhyavu mariyade padinAlkO –
tsarAnaMtanA vRutacarisi suKadi baMdu
vara punarvasu sthAnA ira hELi hiMde kaMDA
dara SaMkeyanu pELi hari aMtardhAnanAdA
tirugi kauMDiNya munISvarA aklESadalli
taruNi j~jAnavA nenedu hariyA koMDADuttA
BaradiMda tanna maMdira kaitaMdu vRutava
carisida manaH pUrvadara Bakuti tappadalE
sari illAdaiSvarya paripUrNavAgi bALi
maraLe sErida tannavara sthAnadali pOgi
Siri SrImadanaMta vijayaviTThalarEyA
sthiravAdAnaMdu modalu Saradhi dakShiNAdalli || 7 ||

jate
yama sutanu nOtu balu SramadiMda dUrAda
tamarige sallAdidu vijayaviTThala ballA ||