Krishna Mahima stotra suladi – Nava rathuna

Composer : Shri Vijayadasaru

ಶ್ರೀವಿಜಯದಾಸಾರ್ಯ ವಿರಚಿತ
ಶ್ರೀಕೃಷ್ಣ ಮಹಿಮಾ ಸ್ತೋತ್ರ ಸುಳಾದಿ
ರಾಗ: ನಾಟಿಕುರಂಜಿ

ಝಂಪೆತಾಳ
ನವ ರತುನದಿಂದಲೆಸೆವ ಮುಕುಟದೊಳಗೊಂದು
ರವಿಯ ಹರಳಿನ ಕಾಂತಿ ಪೇಳಲಳವಲ್ಲ
ಭುವನ ಪಾತಾಳ ಗಗನವನು ಭೇದಿಸಿಕೊಂಡು
ಛವಿ ಕವಿದು ಮುಸುಕಿದದು ಕವಿಗಳೆಣಿಸಲೋಶವೇ
ದಿವಿಜ ಜೇಷ್ಟನು ಪವನ ದ್ವಿಜ ಪವನಾಶನ
ಶಿವ ವೃದ್ಧಶ್ರವನಗ್ನಿ ಜವನ ಸುರ ವೈಶ್ರವಣ
ದಿವಿಜ ರವಿಯಾದಿಗಳ ಅವಯವಾದಿಗಳಾಭರಣ
ಛವಿಗೆ ಅಪಾರಧಿಕ ಪ್ರತಿ ಛವಿ ಥಳಥಳಿಸೆ
ಎವೆದೆಗಿಯಾದತಿ ಸೋಜಿಗವನು ಪೊಂದಿ ನಿಂದರು
ಕವಿನಾಮ ವಿಜಯವಿಟ್ಠಲ ನಿನ್ನ ಸರಿ ಧೊರೆ
ಅವನಿಯೊಳಗಿಲ್ಲದಿರೆ ಈ ಪರಿ ರೂಪವನ್ನು
ತವ ಪಾದಕೆ ನಮೋ ನಮೋ ಮಾಯಾ ಲೀಲಾ || ೧ ||

ಮಟ್ಟತಾಳ

ಪ್ರಳಯಾಳಲುವಿಲ್ಲಾ ಚಳಿ ಬಿಸಿಲು ಇಲ್ಲಾ
ಮಳಿಗಾಳಿ ಇಲ್ಲಾ ತಳಲಿದ ವನಗಳು
ಫಲಪುಷ್ಪದಲಿ ಮೀಸಲು ಗುಂದದಲೇವೆ
ಕಳೆ ಕಾಂತಿಗಳಿಂದ ಥಳ ಥಳ ಪೊಳೆವಂಥ
ಹೊಳಲಾದಾ ವೈಕುಂಠ ನೆಲೆಯವನು ತೊರೆದು
ಇಳಿಯೊಳು ಬಂದು ಗೋಕುಲದಲ್ಲಿ ಜನಿಸಿ ಗೋ –
ವಳನಾದದೇನು ವಿಜಯವಿಟ್ಠಲ ನಿನ್ನ
ನೆಲೆ ತಿಳಿಯದೆಂದು ಬಳಲುವರು ಸುರರು || ೨ ||

ತ್ರಿವಿಡಿತಾಳ

ಮುಕುತಾ ವನದಲಿ ಮುಕುತ ಶುಕ ಹಂಸೆ
ಪಿಕ ಭೃಂಗ ನಾನಾಕ ಪಕ್ಷಿಗಳಾ
ನಿಕರ ಕಿಲ ಕಿಲಿ ಶಬ್ದ ಸದಾ ಮುಕುಳಿದ ನಗೆಯಲ್ಲಿ
ಕಕ ಕಕ ಕಾಯೆಂದು ಝೇಂಕರಿಸುತಿರೇ
ಮುಕುತಾಮುಕುತಾ ಬೊಮ್ಮರ ಭಕುತಿ ರಸದಿಂದ ಹ –
ಸ್ತಕರಾಗಿ ನಿಂದು ಭ್ರಾಮಕರಾಗಿ ತುತಿಸೆ
ವಿಕಸಿತ ಕಮಲಾಂಬಕದ ಕೊನೆಯಿಂದ
ಮುಕುತಾಮುಕುತರನ್ನು ನೋಡುವ ದೇವಾ
ಅಕಳಂಕನಾಗಿ ಇದೇ ಗೋಕುಲದಿ ಜನಿಸೀ
ಸಕಲ ಗೋಮಕ್ಕಳ ಕೈಯ್ಯ ಬೈಸಿಕೊಂಡದ್ದೇನೊ
ಅಖಿಳ ಜೀವಕ್ಕೆ ಭಿನ್ನ ಶಾಶ್ವತ ವಿಜಯವಿಟ್ಠಲ
ಸುಖಸಾಂದ್ರ ನಿನ್ನ ಮಕ್ಕಳಾಟಿಕೆ ಸೋಜಿಗವೋ || ೩ ||

ಅಟ್ಟತಾಳ

ಮೀಸಲಾಭರಣ ಭೂಷಣ ನಾನಾಕ
ಲೇಸಾದ ಪುಷ್ಪದ ಮಾಸದ ಮಾಲಿಕೆ
ಭಾಸಿತದಲಿ ಪೀತ ವಸನ ಶೋಭಿಸುತಿರೆ
ಏಸು ಶಿಂಗಾರ ಬಿಟ್ಟು ಗೋಸಂಕುಲ ಕಾಯ್ದು
ವೇಷಧಾರಕನಾಗಿ ಕೀಸಲಯದ ಬಳ್ಳಿ
ನೀ ಸುತ್ತಿ ಶಿರಕೆ ಮಾನೀಸನಾಗಿ ಜೀವ ರಾಸಿ ಕೂಡಾಡಿದೆ
ಕೇಶವ ವಿಜಯವಿಟ್ಠಲ ನಿನ್ನ ಲೀಲೆಯ
ಏಸೇಸು ದಿನಕೆ ಎಣಿಸಲು ಮಿತಿಯುಂಟೇ || ೪ ||

ಆದಿತಾಳ

ಜಗತ್ತಿನೊಳಗೆ ಇದ್ದ ಗುಣಕೆ
ಮಿಗಿಲಯ್ಯಾ ನಿನ್ನ ಗುಣಗಳು
ಅಗಣಿತ ರಾಶಿಗಳು ಬಗೆಬಗೆಯಿಂದ ಇರಲು
ಮಗುವಿಗೆ ಎಲ್ಲಾರೊಳು ಹಗಲಿರಳು ನಗೆಯಿಂದ
ಹಗರಣವಾದಾನೆಂಬೊ ಜಗದೊಳಗಾಶ್ಚರ್ಯವೇನೋ
ಖಗ ಗಮನಾ ವಿಶ್ವಾತ್ಮಾ ವಿಜಯವಿಟ್ಠಲ ನಿನ್ನಾ
ವಿಗಡ ನಾಟಕಕ್ಕೆ ಕೈಮುಗಿದು ಶರಣೆಂಬೆ || ೫ ||

ಜತೆ

ಅಪ್ರಾಕೃತನಾಗಿ ಪ್ರಾಕೃತದಲಿ ಮೆರೆದೆ
ಅಪ್ರಮೇಯ ನಾಮಾ ವಿಜಯವಿಟ್ಠಲ ಅನಾದಿ ||

---

SrIvijayadAsArya viracita
SrIkRuShNa mahimA stOtra suLAdi
rAga: nATikuraMji

JaMpetALa
nava ratunadiMdaleseva mukuTadoLagoMdu
raviya haraLina kAMti pELalaLavalla
Buvana pAtALa gaganavanu BEdisikoMDu
Cavi kavidu musukidadu kavigaLeNisalOSavE
divija jEShTanu pavana dvija pavanASana
Siva vRuddhaSravanagni javana sura vaiSravaNa
divija raviyAdigaLa avayavAdigaLABaraNa
Cavige apAradhika prati Cavi thaLathaLise
evedegiyAdati sOjigavanu poMdi niMdaru
kavinAma vijayaviTThala ninna sari dhore
avaniyoLagilladire I pari rUpavannu
tava pAdake namO namO mAyA lIlA || 1 ||

maTTatALa

praLayALaluvillA caLi bisilu illA
maLigALi illA taLalida vanagaLu
PalapuShpadali mIsalu guMdadalEve
kaLe kAMtigaLiMda thaLa thaLa poLevaMtha
hoLalAdA vaikuMTha neleyavanu toredu
iLiyoLu baMdu gOkuladalli janisi gO –
vaLanAdadEnu vijayaviTThala ninna
nele tiLiyadeMdu baLaluvaru suraru || 2 ||

triviDitALa

mukutA vanadali mukuta Suka haMse
pika BRuMga nAnAka pakShigaLA
nikara kila kili Sabda sadA mukuLida nageyalli
kaka kaka kAyeMdu JEMkarisutirE
mukutAmukutA bommara Bakuti rasadiMda ha –
stakarAgi niMdu BrAmakarAgi tutise
vikasita kamalAMbakada koneyiMda
mukutAmukutarannu nODuva dEvA
akaLaMkanAgi idE gOkuladi janisI
sakala gOmakkaLa kaiyya baisikoMDaddEno
aKiLa jIvakke Binna SASvata vijayaviTThala
suKasAMdra ninna makkaLATike sOjigavO || 3 ||

aTTatALa

mIsalABaraNa BUShaNa nAnAka
lEsAda puShpada mAsada mAlike
BAsitadali pIta vasana SOBisutire
Esu SiMgAra biTTu gOsaMkula kAydu
vEShadhArakanAgi kIsalayada baLLi
nI sutti Sirake mAnIsanAgi jIva rAsi kUDADide
kESava vijayaviTThala ninna lIleya
EsEsu dinake eNisalu mitiyuMTE || 4 ||

AditALa

jagattinoLage idda guNake
migilayyA ninna guNagaLu
agaNita rASigaLu bagebageyiMda iralu
maguvige ellAroLu hagaliraLu nageyiMda
hagaraNavAdAneMbo jagadoLagAScaryavEnO
Kaga gamanA viSvAtmA vijayaviTThala ninnA
vigaDa nATakakke kaimugidu SaraNeMbe || 5 ||

jate

aprAkRutanAgi prAkRutadali merede
apramEya nAmA vijayaviTThala anAdi ||