Ollano Hari koLLano

Composer : Shri Purandara dasaru

ಒಲ್ಲನೋ ಹರಿ ಕೊಳ್ಳನೋ
ಎಲ್ಲ ಸಾಧನವಿದ್ದು ತುಳಸಿ ಇಲ್ಲದ ಪೂಜೆ |ಪ|

ಸಿಂಧು ಶತಕೋಟಿ ಗಂಗೋದಕವಿದ್ದು
ಗಂಧ ಸುಪರಿಮಳ ವಸ್ತ್ರವಿದ್ದು
ಚಂದುಳ್ಳ ಆಭರಣ ಧೂಪದೀಪಗಳಿದ್ದು
ಬೃಂದಾವನ ಶ್ರೀ ತುಳಸಿ ಇಲ್ಲದ ಪೂಜೆ |೧|

ದಧಿ ಕ್ಷೀರ ಮೊದಲಾದ ಅಭಿಷೇಕಗಳಿದ್ದು
ಮಧುಪರ್ಕ ಪಂಚೋಪಚಾರವಿದ್ದು
ಮುದದಿಂದ ಮುದ್ದು ಶ್ರೀ ಕೃಷ್ಣನ ಪೂಜೆಗೆ
ಸದಮಲಳಾದ ಶ್ರೀ ತುಳಸಿ ಇಲ್ಲದ ಪೂಜೆ |೨|

ಮಂತ್ರ ಮಹಾಮಂತ್ರ ಪುರುಷಸೂಕ್ತಗಳಿದ್ದು
ತಂತು ತಪ್ಪದೆ ತಂತ್ರಸಾರವಿದ್ದು
ಸಂತತ ಸುಖ ಸಂಪೂರ್ಣನ ಪೂಜೆಗೆ
ಅತ್ಯಂತ ಪ್ರಿಯಳಾದ ತುಳಸಿ ಇಲ್ಲದ ಪೂಜೆ |೩|

ಕಮಲ ಮಲ್ಲಿಗೆ ಜಾಜಿ ಸಂಪಿಗೆ ಕೇದಿಗೆ
ವಿಮಲ ಘಂಟೆ ಪಂಚವಾದ್ಯಗಳಿದ್ದು
ಅಮಲ ಪಂಚಪಕ್ಷ್ಯ ಪರಮಾನ್ನಗಳಿದ್ದು
ಕಮಲನಾಭನು ಶ್ರೀ ತುಳಸಿ ಇಲ್ಲದ ಪೂಜೆ |೪|

ಪೂಜೆಯ ಮಾಡದೆ ತುಳಸಿ ಮಂಜರಿಯಿಂದ
ಮೂಜಗದೊಡೆಯ ಮುರಾರಿಯನು
ರಾಜಾಧಿರಾಜನೆಂಬ ಮಂತ್ರ ಪುಷ್ಪಗಳಿಂದ
ಪೂಜಿಸಿದರು ಒಲ್ಲ ಪುರಂದರವಿಠಲನು |೫|

---

ollanO hari koLLanO
ella sAdhanaviddu tuLasi illada pUje |pa|

siMdhu SatakOTi gaMgOdakaviddu
gaMdha suparimaLa vastraviddu
caMduLLa ABaraNa dhUpadIpagaLiddu
bRuMdAvana SrI tuLasi illada pUje |1|

dadhi kShIra modalAda aBiShEkagaLiddu
madhuparka paMcOpacAraviddu
mudadiMda muddu SrI kRuShNana pUjege
sadamalaLAda SrI tuLasi illada pUje |2|

maMtra mahAmaMtra puruShasUktagaLiddu
taMtu tappade taMtrasAraviddu
saMtata suKa saMpUrNana pUjege
atyaMta priyaLAda tuLasi illada pUje |3|

kamala mallige jAji saMpige kEdige
vimala GaMTe paMcavAdyagaLiddu
amala paMcapakShya paramAnnagaLiddu
kamalanABanu SrI tuLasi illada pUje |4|

pUjeya mADade tuLasi maMjariyiMda
mUjagadoDeya murAriyanu
rAjAdhirAjaneMba maMtra puShpagaLiMda
pUjisidaru olla puraMdaraviThalanu |5|