Onde Manadali Bhajisu

Composer : Shri Purandara dasaru

ರಾಗ: ತೋಡಿ ಮಿಶ್ರಛಾಪುತಾಳ

ಒಂದೇ ಮನದಲಿ ಭಜಿಸು ವಾಗ್ದೇವಿಯಾ ॥ ಪ ॥
ಇಂದುಮತಿ ಕೊಡುವಳು ಶ್ರೀಹರಿಯ ಧ್ಯಾನದೊಳು ॥ ಅ ಪ ॥

ಹಿಂದೆ ಪ್ರಹ್ಲಾದನು ಕಮಲಜನ ಸತಿಗೆರಗಿ ।
ಬಂದು ಆರಂಭಿಸಲು ಹರಿ ವಿಶ್ವಮಯನೆಂದು ॥
ಬಂದ ವಿಘ್ನವ ಕಳೆದು ಭಾವಶುದ್ಧಿಯನಿತ್ತು ।
ಹೊಂದಿಸಿದಳಾ ಶ್ರೀಹರಿಯ ಚರಣವನು ॥ 1 ॥

ಅಂದು ದಶಮುಖನನುಜನು ವಂದಿಸದೆ ವಾಣಿಯನು ।
ಬಂದು ತಪವನುಗೈಯೆ ಬಹುಕಾಲಕೆ ॥
ಅಂದದಿಂ ಅಜ ಮೆಚ್ಚಿ ವರವಧಿಕ ಬೇಡೆನಲು ।
ಬಂದು ಜಿಹ್ವೆಯಲಿ ನಿದ್ರೆಯನು ಬೇಡಿಸಿದಳು ॥ 2 ॥

ಅರಿತು ಭಜಿಸಲು ಬಿಡದೆ ಅಜನರಸಿಯ ನಿತ್ಯ ।
ಉರುತರವಾದ ವಾಕ್ಬುದ್ಧಿಯನಿತ್ತು ॥
ನಿರುತ ಶ್ರೀಪುರಂದರವಿಠಲನ ಸೇವೆಯೊಳು ।
ಪರತತ್ವದ ಕಥಾಮೃತವನುಣಿಸುವಳು ॥ 3 ॥

---

SrI puraMdaradAsara kRuti
rAga: tODi miSraCAputALa

oMdE manadali Bajisu vAgdEviyA || pa ||
iMdumati koDuvaLu SrIhariya dhyAnadoLu || a pa ||

hiMde prahlAdanu kamalajana satigeragi |
baMdu AraMBisalu hari viSvamayaneMdu ||
baMda viGnava kaLedu BAvaSuddhiyanittu |
hoMdisidaLA SrIhariya caraNavanu || 1 ||

aMdu daSamuKananujanu vaMdisade vANiyanu |
baMdu tapavanugaiye bahukAlake ||
aMdadiM aja mecci varavadhika bEDenalu |
baMdu jihveyali nidreyanu bEDisidaLu || 2 ||

aritu Bajisalu biDade ajanarasiya nitya |
urutaravAda vAkbuddhiyanittu ||
niruta SrIpuraMdaraviThalana sEveyoLu |
paratatvada kathAmRutavanuNisuvaLu || 3 ||