Sakala kaladi maadida

Composer : Shri Vijayadasaru

ಸಕಲ ಕಾಲದಿ ಮಾಡಿದ ಕರ್ಮವು |
ಭಕುತಿಯಿಂದಲಿ ಬಂದರ್ಪಿತವೆನ್ನಿ ಉಡುಪಿಯಲಿ [ಪ]

ಯಾತ್ರೆಗಳ ಮಾಡಲಿ ತೀರ್ಥಗಳ ಮೀಯಲಿ |
ಸ್ತೋತ್ರಗಳ ಮಾಡಲಿ ಕೊಂಡಾಡಲಿ ||
ನೇತ್ರದಲಿ ನೋಡಿ ಕರಮುಗಿದು ನಮಸ್ಕರಿಸಲಿ
ಹೋತ್ರವನು ಮಾಡಿ ಹಿತವಾಗಿ ನುಡಿಯಲಿ ||೧||

ದಾನವನು ಮಾಡಲಿ ದಾಕ್ಷಿಣ್ಯವಾಗಲಿ |
ಮೌನವನು ಮಾಡಲಿ ಮಾತಾಡಲಿ ||
ಕಾನನವ ಸೇರಲಿ ಕಂಡಲ್ಲಿ ತಿರುಗಲಿ |
ಏನೇನು ಚರಿತೆಗಳ ಮಾಡುತಿರಲಿ ||೨||

ಪುಣ್ಯವಾದರು ಲೇಸೆ ಪಾಪವಾದರು ಹರಿ |
ಮನ್ನಿಸಿ ತಾನೀಗ ತೆಗೆದುಕೊಂಡು ||
ತನ್ನ ಸಮೀಪದಿ ಇಟ್ಟುಕೊಂಡು ಅವನ
ಘನ್ನ ಮೂರುತಿ ವಿಜಯವಿಠ್ಠಲ ಪೊರೆವ ||೩||

---

sakala kAladi mADida karmavu |
BakutiyiMdali baMdarpitavenni uDupiyali [pa]

yAtregaLa mADali tIrthagaLa mIyali |
stOtragaLa mADali koMDADali ||
nEtradali nODi karamugidu namaskarisali
hOtravanu mADi hitavAgi nuDiyali ||1||

dAnavanu mADali dAkShiNyavAgali |
maunavanu mADali mAtADali ||
kAnanava sErali kaMDalli tirugali |
EnEnu caritegaLa mADutirali ||2||

puNyavAdaru lEse pApavAdaru hari |
mannisi tAnIga tegedukoMDu ||
tanna samIpadi iTTukoMDu avana
Ganna mUruti vijayaviThThala poreva ||3||